Okubala 14:5 - Baibuli Ekibono kya Katonda 2014

⁵ Agho Musa ni Aaroni baakutama n'ebyeni byatuuka ku itaka agho mu maiso ag'Abaisiraeli boonaboona abeesoloza.

Okubala 14:5 ပူးပေါင်းရင်းမြစ်များ

Amainhama 17:3

Aburamu yaakutama n'ekyeni kyatuuka ku itaka. Katonda yaamukoba ati:

1 Bakyabazinga 18:39

Abantu boonaboona bwe baabona ekyo, baakuba amakiryaivu era baakutama n'ebyeni bya tuuka ku itaka. Baakoba bati: “Musengwa Katonda ni Katonda! Musengwa Katonda ni Katonda!”

1 Ebyomubyanda 21:16

Daudi yaja okulinga ati, ng'abona malaika wa Musengwa Katonda ayemereire ghagati gh'ensi n'eigulu, ng'asowoire empiima mu kiruutu kyayo yaagigema mu ngalo, era yaagigololera ku Yerusalemu. Agho Daudi n'abakulembeze b'abantu, baakuba amakiryaivu era baakutama n'ebyeni byatuuka ku itaka, nga bavaire ekutiya olw'okunakughala.

Ezekieli 9:8

Bwe baali nga bali kwita, nze nali nsigaire agho zenka. Agho naakuba amakiryaivu era naakutama n'ekyeni kyatuuka ku itaka. Naakuba empungu, naakoba nti: “Wo Musengwa Katonda, obwo bwenebwene oja kwita buli muntu asigairegho mu Isiraeli olw'ekiruyi ekikuliku olwa Yerusalemu?”

Danieli 10:9

Agho naawulira amamiro ge. Era bwe nawulira amamiro ge ng'ali kwogera, naagwa ghansi kya bweni, nga tikaategeera naire. Naasigala agho nga neefundiikiriire.

Abalevi 9:24

Amangu ago Musengwa Katonda yaasindika omuliro, gwayokya ekigheebwayo ekyokebwa era n'amasavu ku alutaari. Abantu bwe baagubona, boonaboona baawowoigana, baakutama n'ebyeni byatuuka ku itaka.

Okubala 14:6

Aye Yoshua mutabane wa Nuni, ni Kalebu mutabane wa Yefune, abaali ku abo abaaja okukeeta, baakanulamu ebivaalo byaibwe olw'okunakughala.

Okubala 16:22

Aye Musa ni Aaroni baakutama n'ebyeni byatuuka ku itaka, baakoba bati: “Wo Katonda waife, niiwe ensimuko ey'obulamu obwa buli kintu. Omuntu omulala bw'akola ekibi osungughalira abantu boonaboona?”

Okubala 16:4

Musa bweyawulira ebyo yaakutama n'ekyeni kyatuuka ku itaka.

Okubala 16:45

“Mwesende muve mu bantu bano, mbazikirize buti buti!” Musa ni Aaroni baakutama n'ebyeni byatuuka ku itaka.

Okubala 17:10

Musengwa Katonda yaakoba Musa ati: “Izaayo omwigo gw'Aaroni gha mberi w'Esanduuku ey'Endagaano, gukumirwe agho ng'akamanhiso eri abadheemu, nti baidha kufa bwe batalekera agho kuneemuluguunhizanga.”

Okubala 20:6

Agho Musa ni Aaroni baava agho mu bantu, baaja gha mulyango ogw'Eweema ey'Okwagaananirangamu ni Musengwa Katonda, baakutama n'ebyeni byatuuka ku itaka. Agho ekitiisa kya Musengwa Katonda kyababonekera.

Matayo 26:39

Yeeyongerayooku katono, yaakuba amakiryaivu yaasaba ng'akoba ati: “Lata oba kisoboka mponia ekikopo kino, ti nga nze bwe nhenda, aye nga iwe bw'oyenda.”

Yoshua 5:14

Omusaadha yaamwiramu ati: “Busa. Ndi ghano ng'aduumira eigye lya Musengwa Katonda.” Yoshua yeeyala ghansi, nga bw'amukoba ati: “Nze ndi mugheereza wo, ky'onankoba kye naakola.”

Yoshua 7:10

Musengwa Katonda yaakoba Yoshua ati: “Situka! Weeyalira ki ghansi otyo?

Okwolekebwa 4:10

ng'abakulembeze amakumi abiri n'abana (24) beeyala mu maiso g'oyo atyaime ku kityamo eky'obwakyabazinga, baamusinza oyo omulamu ebyanda n'ebyanda. Era engule dhaibwe baadhiisa gha mberi gh'ekityamo nga bakoba bati:

Okwolekebwa 5:14

Ebitonde ebiramu ebina (4) byakoba biti: “Amiina.” Era abakulembeze beeyala baasinza.

Okwolekebwa 7:11

Bamalaika boonaboona baayemerera nga beezungulwire ekityamo eky'obwakyabazinga era nga beezungulwire ab'obukumu n'ebitonde ebiramu ebina (4), beeyala gha mberi gh'ekityamo, nga balinze ghansi, baasinza Katonda,