Okubala 14:34 - Baibuli Ekibono kya Katonda 2014

³⁴ Mwidha kudaagadaaga olw'ebibi byaimwe okumala emyaka amakumi ana. Buli lunaku, ku nnaku amakumi ana dhe mwamala nga mukeeta ensi eyo, mwidha kulusasulangamu mwaka mulamba. Memale olwo mumanhe nga tiri musangaavu.

Okubala 14:34 ပူးပေါင်းရင်းမြစ်များ

1 Bakyabazinga 8:56

“Musengwa Katonda asaakibwe, oyo aghaire abantu be Abaisiraeli emiraala nga bwe yasuubiza. Ghaziragho waire ekintu ekirala kiti ky'atatuukiriiza, ku birungi bye yasuubiza ng'abita mu Musa omugheereza we.

2 Ebyomubyanda 36:21

Ekyo kyabaagho okutuukiriza Musengwa Katonda bye yayogera ng'abita mu Yeremia omulanzi, ati: “Ensi erirekebwa agho etyo okumala entangama ya myaka nsanvu ng'ewuumula, olw'okwesasuuza ekiwuumulo kya Sabbato kye baali tibakuzanga.”

Zabbuli 105:42

kuba yaidhukira endagaano ye entukuvu, ye yakola ni Aburahamu omugheereza we.

Zabbuli 38:4

Ebibi byange byebunze emungo ensinga n'obuleeyi, era bizitogha inho tisobola na kubibbeeda.

Zabbuli 77:8

Yalekera agho okutugonza? Ekisuubizo kye tikikaaligho?

Zabbuli 95:10

Abantu abo baamala emyaka amakumi ana (40) nga banguuda ku mwoyo, bansina. Naakoba nti, ‘Abantu bano badheemu okuviira irala mu myoyo gyaibwe, era amateeka gange tibagajiiraku naire.’

Ezekieli 14:10

Omulanzi, n'oyo amwebuuzaaku, bombi balibonerezebwa. Era ekibonerezo eky'omulanzi kiriba n'ekirala n'eky'oyo amwebuuzaaku.

Ezekieli 23:35

Musengwa Katonda akoba ati: “Kale nga bwewanvaaku n'oneerabirira irala, oli n'okugumira ekibonerezo olw'obwenzi bwo n'obwamalaaya bwo.”

Ezekieli 4:5

Nkusaliire enaku ebikumi bisatu na kyenda (390), odhimale agho ng'oli kukola ekibonerezo ekyo olw'ebibi eby'eighanga Isiraeli. Enaku edho dhitegeeza emyaka gye balimala nga bali kubonerezebwa.

Ezekieli 4:6

Edho bw'olidhimalaku, kabiri olirambaala omukuzi ogwokubiri eky'embavu, aye ku luuyi lule olundi olw'omukono gwo omusaadha. Naakusalira enaku amakumi ana (40), odhimale ng'oli kukola ekibonerezo olw'ebibi eby'eighanga Buyudaaya. Enaku edho dhitegeeza emyaka gye balimala nga bali kubonerezebwa.

Danieli 9:24

“Katonda yalagira ekiseera kya myaka nsanvu emikuzi musanvu ku bantu bo ni ku kibuga kyo ekitukuvu, memale okwonoona kukomezebwe, n'okukola ebibi kuweegho. Olwo ebyonoono bisoniyibwe, ghairegho okukola amazima ebyanda n'ebyanda, n'okubonekerwa n'obulanzi bituukirizibwe, era n'eisinzizo eitukuvu liiremu okutukuzibwa.

Hosea 9:12

Aye ni bwe balizaala abaana, era ndibabatoolaku boonaboona ghaaloba kusigalagho waire omulala ati omulamu. Lwe ndibavaamu ni mbalekulira agho, baliba bakagwireku!”

Abalevi 20:19

“Omusaadha bw'anaabanga n'inhina omuto oba ni songa we mu buliri, banaabanga bakoze kiive. Banaabonerezebwanga olw'ekibi kyaibwe ekyo.

Zekaria 11:10

Agho naatoola omwigo gwe natuuma eriina “Nkabi” naagumenhamu, okusazaamu endagaano Musengwa Katonda ye yali akoze n'abantu ab'amaghanga goonagoona.

Okubala 13:25

Nga bamaze okukeeta ensi Kanaani okumala enaku amakumi ana, abantu abo baira.

Okubala 18:23

Aye Abalevi bonka n'abanaagheerezanga mu Weema eyo, era n'abanaavunaanizibwanga ebisobu ebinaagibangamu. Eiteeka eryo liidha kubangagho mu nse dhoonadhoona edhiriiragho. Abalevi tibaidha kugheebwanga mugabo mu Baisiraeli.

Okubala 32:13

Agho obusungu bwa Musengwa Katonda bwatumbukira ku Baisiraeli ng'oti muliro, yaabaleetera okutambulatambula eyo batyo mu irungu okumala emyaka amakumi ana, okutuusa oluse olwo olwakola ebibi ye Musengwa Katonda bwe lwafa ni luwaagho.

Ebikolwa by'Abatume 13:18

Yaabaguminkiriza mu irungu okumala emyaka nga makumi ana (40).

Amateeka Agokubiri 2:7

“Musengwa Katonda waimwe yabagha enkabi, ebintu byonabyona byabajiira bukalamu. Yaabalabirira nga muli kubita mu irungu lino einene. Emyaka gino amakumi ana yaaba ghalala n'imwe, nga muzira kye mudhulirira.

Abaheburayi 4:1

Kale ni ng'ekisuubizo eky'okutuuka aghali okuwuumula bwe kikaaligho, tufengayo okubona nga tighabaagho muntu yeenayeena ku imwe alemwa kutuukagho.

Yoshua 14:10

Aye mperaano bona, ghaakabitagho emyaka amakumi ana n'etaanu kasookanga Musengwa Katonda akoba Musa ekyo. Ebyo byali nga n'ebiseera Abaisiraeli ghe twabeerera mu irungu nga tuli kutambula okulibitamu, era Musengwa Katonda akaakuuma ekisuubizo kye, akandeseegho nga ndi mulamu. Nningaaku! Buti ndi ku myaka kinaana n'etaanu egy'obukulu.

Okwolekebwa 11:3

Ndituma abadhulirwa bange babiri nga beesibye ebikaakaati olw'okunakughala, naabagha obukumu bamale enaku lukumi na bibiri na nkaaga (1,260) nga bakobera abantu ebibono bya Katonda.”

1 Samueli 2:30

Nze Musengwa Katonda wa Isiraeli kyenva ni nkoba nti, nasuubiza ng'ab'endhu yo n'ab'endhu ya dhaadha wo banampeerezanga ekiseera kyonakyona. Aye mpegaano nze Musengwa Katonda nkoba nti ekyo nkimenhiegho, kuba abo abantaamu ekitiisa, be ndidha okutangamu ekitiisa, ate abo abaanhooma, tibaateebwengamu kanhagansi.