Okubala 14:3 - Baibuli Ekibono kya Katonda 2014

³ Lwaki Musengwa Katonda ali kututwala mu nsi eyo okufiira mu lutalo? Bakazi baife n'abaana baife baidha kufuuka munhago! Okwirayo e Misiri ti n'ekyandisinzeeku?”

Okubala 14:3 ပူးပေါင်းရင်းမြစ်များ

Nehemia 9:17

Baaloba kuwulira na kwidhukira ebyewuninkiriza bye wabakolamu. Baakalangusa bwa myoyo gyaibwe, baataagho omuntu abakulembere abaizeeyo mu bwiru e Misiri. Aye iwe oli Katonda asonigha, ekiseera kyonakyona. Oli wa kivunika, osaasira, era olwagho okusungughala. Era olw'okuba iwe obagonza inho obutalekera, tiwabalekulira agho.

Zabbuli 78:40

Emikuzi kamaala baamudheemeranga eyo mu irungu baamusungughazanga inho.

Okuvaayo 16:3

“Nguli Musengwa Katonda yatwitira mu Misiri ye twatyamanga ku nsaka edh'emamba ni ku biiwulo eby'emere, ni tulya ni twiguta, ekyo n'ekyandisinzeeku imwe okutuleeta mu irungu lino twenatwena tulambukire muno endhala.”

Okuvaayo 5:21

baabakoba bati: “Musengwa Katonda aboine kye mukoze, era aidha kubasalira omusango gubasinge! Kuba mutuleeteire okukyayibwa kyabazinga n'abakungu be, era mwabaleetera okuba n'ensonga ye banaavangaku okutwita.”

Yeremia 42:14

Ka twejiire e Misiri tube eyo, tulobe kubona ntalo, waire okuwulira amagwala agalaalika entalo, oba waire okufa endhala olw'okubulwa emere’,

Yeremia 42:19

“Imwe abaawonagho mu Buyudaaya, Musengwa Katonda abakobye ati, ‘Mutaja Misiri.’ Kale ni mumanhire irala nga nze Yeremia mbalabwire nti,

Yeremia 9:3

Olulimi lwe bakozesa ti lutereevu naire, lwidhwire buguya bwereere. Ensi yaibwe mu kifo ky'okubaamu amazima, eidhwire bukupankupania. Musengwa Katonda akoba ati: “Abantu bange beeyongera bwa kukola bibi, era nze tibandidhi naire.”

Okubala 11:20

aye mwidha kugirya omwezi mulamba okutuusa lw'eribafulumira mu nhindo n'ebasemba ku mwoyo. Ebyo bija kuba bityo kuba mwava ku Musengwa Katonda ali mu imwe, mwamwemuluguunhiza muti kale lwaki twava e Misiri?’ ”

Okubala 16:13

Okututoola mu nsi engimu era erimu ebirungi kamaala n'otuleeta okutwitira ghano mu irungu, ti kikumala? Mpegaano oli na kwenda kwefuula mufuzi waife?

Okubala 20:3

Abantu beemuluguunhiza Musa bati: “Kyandisinzeeku ngoli twafa, ku lule baganda baife lwe baafiira mu maiso ga Musengwa Katonda!

Okubala 21:5

Kale baatoolera okwemuluguunhiza Katonda ni Musa nga bakoba bati: “Lwaki mwatutoola mu Misiri okwidha okufiira ghano mu irungu? Ghano ghazira mere waire amaadhi, era bino ebimere bitusinie.”

Ebikolwa by'Abatume 7:39

“Aye badhaadha baife baaloba okumuwulira baamusambaadha, ebirowoozo byaibwe nga bibali Misiri.

Amateeka Agokubiri 1:39

“Agho Musengwa Katonda yaatukoba twenatwena ati, ‘Abaana baimwe, abakaali na kwawulagho kirungi na kibi, be mwakoba muti baidha kunhagibwa abazigu, n'abalingira mu nsi eyo. Abo be ndigigha yaaba yaibwe.