Okubala 14:11 - Baibuli Ekibono kya Katonda 2014

¹¹ Era Musengwa Katonda yaakoba Musa ati: “Abantu bano balituusa li okuunhooma? Era balituusa li obutaneesiga, waire nga nkoze obumanhiso kamaala nga babona.

Okubala 14:11 ပူးပေါင်းရင်းမြစ်များ

Zabbuli 106:24

Agho baanhoomerera ensi engimu, olw'okuba baali tibaikiriza Katonda kye yabasuubiza.

Zabbuli 78:22

kuba tibamwikiriza, waire okwesiga amaani ge agawonia.

Zabbuli 78:32

Aye waire ng'ebyo byonabyona byali bityo, baaja bwa mu maiso na kwonoona era waire nga baabona ebyewuunhio bye, tibaamwikiriza.

Zabbuli 95:8

Akoba ati: “Mulekere agho okukalangusa emyoyo gyaimwe nga badhaadha baimwe bwe baakola nga bali e Meriba. Ku lunaku olwo nga bali e Massa mu irungu,

Okuvaayo 10:3

Kale Musa ni Aaroni baaja bangira mu kisaagaati kya kyabazinga, baamukoba bati: “Musengwa Katonda, Katonda w'Abaheburayi akoba ati, ‘Olirekera li okuloba okumpulira? Leka abantu bange baje bansinze.

Okuvaayo 16:28

Musengwa Katonda yaakoba Musa ati: “Mulirekera li okudheemera amateeka gange n'ebiragiro?

Okuvaayo 23:21

Imwe mumuwulire, mugondere kiisi ky'abakoba. Mutamudheemera, taidha kubasonigha kwonoona kwaimwe, kuba ali kwidha mu liina lyange.

Okuvaayo 32:9

Nze Musengwa Katonda ndidhi nti abantu bano ba mpwitu inho.

Ensambo 1:22

“Imwe abazira kye mwidhi, mulirekera li okugonza okubanga obwagho nga muzira kye mwidhi? Imwe abanhoomi, mulirekera li okusangaalira obunhoomi bwaimwe obwo? Era imwe abasiru mulirekera li okukyagha okumanha?

Yeremia 13:10

Abantu abo ababi baaloba okukola bye mbalagira. Baira mu kukolanga ebyo emyoyo gyaibwe emikalangufu bye gyenda, ni mu kusinzanga n'okugheerezanga bakatonda abandi. Kale ni, baja kuba ng'oti n'ekivaalo ky'omu nkende ekyo, ekitakaali na mugaso naire.

Yeremia 4:14

Imwe ab'e Yerusalemu, munaaze emyoyo gyaimwe mugimalemu ebibi, memale mulokolebwe. Mulituusa li okubanga n'ebirowoozo ebibi mu myoyo gyaimwe?

Ezekieli 20:13

Aye abantu ab'eighanga Isiraeli bandheemera nga bali eyo mu irungu, baaloba kujiira ku mateeka gange era baava ku biragiro byange, ebireetera omuntu okuba omulamu ng'abituukiriiza. Era baayonoona olunaku lwange olwa Sabbato. Agho naayenda mbamalireku ekiruyi kyange nga bali eyo mu irungu, mbazikirize mbamaliriregho.

Hosea 8:5

Nze nakyagha ekifaananie eky'ente ento eya zaabu, abantu b'omu Samaria kye basinza. Obusungu bwange buja kubatumbukiraku ng'oti muliro. Balirekera li okusinza ebitali Katonda, ni bafuuka abalungi?

Zekaria 8:14

Musengwa Katonda Afuga Amagye akoba ati: “Badhaadha baimwe bwe bansonsoonia ni bandeetera okusungughala, nategeka okubakola akabi era naatuukiriza entegeka eyo aghazira kukyusaamu kirowoozo kyange naire.

Okubala 14:23

Abantu abo tibalibona ku nsi ye nasuubiza okugha badhaadha baibwe, era ghazira waire omulala ku abo boonaboona abaanhooma, aligingiramu.

Okubala 14:27

“Abantu bano abakozi b'ebibi, balirekera li okuneemuluguunhiza? Mpuliire okwemuluguunhia kwaibwe, kwatuuka n'okunsina.

Okubala 32:10

Agho obusungu bwa Musengwa Katonda bwatumbuka ng'oti muliro ku lunaku olwo, yeefuugha, ati,

Matayo 17:17

Yesu yaakoba ati: “Yii, oluse luno oluzira kwikiriza, era olw'abantu abadankaanu! Ndituusa gha okuba n'imwe? Ndituusa gha okubaguminkiriza? Mumundeetere ghano.”

Mariko 9:19

Yesu yaakoba ati: “Yii, oluse luno oluzira kwikiriza! Ndituusa gha okuba n'imwe? Ndituusa gha okubaguminkiriza? Mumundeetere ghano.”

Yoanne 10:38

Aye oba nga n'ebyo, ni bwemutandhikiriza nze kasinga mwikirize bye nkola, memale mumanhe era mutegeere nga Lata ali mu nze era zeena ndi mu Lata.”

Yoanne 12:37

Waire yali akoze obumanhiso kamaala nga babona, tibaamwikiriza.

Yoanne 15:24

Nguli tyakola byewuunhio nga babona, omuntu owundi by'atakolangaku, nguli bazira kibi. Aye mperaano baabibona, era baatukyagha twembi nze ni Lata wange.

Amateeka Agokubiri 1:32

Aye waire nga nabakobera ebyo byonabyona, timwaikiriza kwesiga Musengwa Katonda waimwe,

Abaheburayi 3:16

Ni baani abaawulira eiroboozi lye memale ni bamudheemera? Ti n'abo boonaboona Musa be yakulembera n'abatoola mu Misiri?

Abaheburayi 3:18

Era ni baani be yeefuuyiraku obutabaganha kutuuka ghe yali aja okubagheera okuwuumula, okutoolaku abo abaamudheemera?

Abaheburayi 3:8

mutakalangusa myoyo gyaimwe, ng'abadheemu bwe baakola ku lunaku lule, olwali olw'okulebwa mu irungu.