Okubala 13:29 - Baibuli Ekibono kya Katonda 2014

²⁹ Twabona nga Abamaleki baba mu kiketezo kyayo ekikalukalu eky'oku luuyi olw'omukono omusaadha olw'e buvandhuba, Abahitti n'Abayebusi n'Abamori, baaba mu kiketezo kyayo eky'ensozi, ate Abakanaani baaba ku mbali okw'enhandha, ni ku mbali okw'omwiga Yorudani.”

Okubala 13:29 ပူးပေါင်းရင်းမြစ်များ

Amainhama 14:7

Agho baakyuka bairayo, baatuuka Enimishipate, ekyo nga ni Kadeshi, baaghangula ensi yoonayoona ey'Abamaleki, era n'ey'Abamori abaabanga mu Hazazoni Tamari.

Nehemia 9:8

Wamubona ng'omwoyo gwe mwesigwa y'oli, waakola naye endagaano. Waasuubiza okugha baidhukulu be, ensi ey'Abakanaani, n'Abahitti, n'Abamori, n'Abaperizzi, n'Abayebusi, n'Abagirigashi. Era waatuukiriza kye wasuubiza, kuba oli mutukuvu.

Zabbuli 83:7

Abagebali, Abammoni, Abamaleki, Abafilisiti n'Abatiro.

Okuvaayo 3:17

Era nsazeegho nti nja kubatoola mu kudaazibwadaazibwa kwe mulimu mu Misiri mbatwale mu nsi ey'Abakanaani, n'Abahitti, n'Abamori, n'Abaperizzi, n'Abahivi n'Abayebusi ensi engimu era erimu ebirungi kamaala.’

Okuvaayo 3:8

era n'okwika mbawonie Abamisiri, mbatoole mu nsi eyo, mbatwale mu nsi enene, engimu era erimu ebirungi kamaala ensi omuli buti Abakanaani, Abahitti, Abamori, Abaperizzi, Abahivi, n'Abayebusi.

Okubala 13:17

Agho musa yaabatuma okukeeta mu nsi Kanaani, ng'abakoba ati: “Muje mubitire mu kiketezo ekikalukalu eky'oku luuyi olw'omukono omusaadha olw'e buvandhuba, mungire mu kiketezo eky'ensozi.

Okubala 13:30

Agho Kalebu yaasirisa abantu, agho mu maiso ga Musa, yaakoba ati: “Mukole tusitukiremu tuje tutwale ensi eyo. Kuba tusobolera irala bukalamu okugighangula.”

Okubala 14:25

Nga mpegaano Abamaleki n'Abakanaani bwe bali mu biiko, imwe enkyo mukyuke mutambule nga mwolekeire eirungu, mugeme engira etuuka ku Nhandha Emyufu.”

Okubala 14:43

Mwidha kwagaanana n'Abamaleki n'Abakanaani abali eyo, babaitire mu lutalo. Musengwa Katonda taidha kuba n'imwe, kuba mwamuvaaku mwaloba okumugondera.”

Okubala 14:45

Agho Abamaleki n'Abakanaani abaabanga mu biketezo ebyo eby'oku nsozi, baabalumba, baabaghangula, era baababingirira okubatuukiza irala e Horuma.

Okubala 24:20

Agho Balaamu ng'akaali mu kubonekerwa, yaabona Abamaleki era yaayogera ebibono eby'obulanzi bino, ati: “Abamaleki n'eighanga eryali lisinga agandi goonagoona, aye ku nkomerero lija kuzikirizibwa.”

Amateeka Agokubiri 20:17

Mwidha kusaanizangagho irala abantu boonaboona: Abahitti, n'Abamori, n'Abakanaani, n'Abaperizzi, n'Abahivi, n'Abayebusi, nga Musengwa Katonda waimwe bwe yabalagira.

Amateeka Agokubiri 7:1

Musa yaakoba Abaisiraeli ati: “Musengwa Katonda waimwe aidha kubaingiza mu nsi ye muja okutwala okuba obutaka bwaimwe. Amaghanga musanvu agasinga eryaimwe obukologho n'amaani, buti n'agaba mu nsi eyo, era ni gano: Abahitti, Abagirigashi, Abamori, Abakanaani, Abaperizzi, Abahivi, n'Abayebusi. Aye bwe munaabanga nga muli kumpi okutuukayo, Musengwa Katonda waimwe oyo aidha kugabingangamu goonagoona.

Yoshua 10:5

Agho bakyabazinga abo abataanu Abamori: owa Yerusalemu, owa Heburoni, owa Yaramuthi, owa Lakishi n'owa Eguloni, beesoloza, baata amagye gaibwe ghalala okwezungulula Gibeoni era baakirumba.

Yoshua 10:6

Abasaadha ab'e Gibeoni baagheereza Yoshua obukwenda e Giligali, Abaisiraeli ye baali basimbye weema dhaibwe, nga bukoba buti: “Ife abagheereza bo, otatulekulira agho, yangughaku okwidha okutubeera otuwonie kuba bakyabazinga boonaboona Abamori, ababa eyo mu biketezo eby'ensozi, beesoloiza baatulumba.”

Yoshua 3:10

Bwe munaaja nga mweyongerayo emberi, mwidha kumanha nga Katonda oyo omulamu ali n'imwe, kuba aidha kuja ng'abingagho Abakanaani, Abahitti, Abahivi, Abaperizzi, Abagirigashi, Abamori n'Abayebusi.

Yoshua 5:1

Bakyabazinga boonaboona Abamori abaali e buvandhuba wa Yorudani, ni bakyabazinga boonaboona Abakanaani ab'ebiketezo ebituuka ku Nhandha Eyaghagati, bwe baawulira nga Musengwa Katonda yakaliza Abaisiraeli omwiga Yorudani okutuusa bwe baamala okugusala nga mukalu, emyoyo gyabawaamu era boonaboona baawaamu amaani olw'okutya Abaisiraeli.

Yoshua 9:1

Bakyabazinga ab'e bugwandhuba obw'omwiga Yorudani baawulira ng'Abaisiraeli bwe baaghangula abazigu baibwe. Bakyabazinga abo, ni bano: ab'omu biketezo eby'ensozi, n'ab'omu biiko, n'ab'omu biketezo ebiri ku mbali okw'Enhandha Eyaghagati ng'oja e Lebanoni. Abantu abaali mu biketezo bino, ni bano: Abahitti, Abamori, Abakanaani, Abaperizzi, Abahivi, n'Abayebusi.

Abalamuzi 3:5

Kale Abaisiraeli baabanga mu Bakanaani, ni mu Bahitti, ni mu Bamori, ni mu Baperizzi, ni mu Bahivi, ni mu Bayebusi.

Abalamuzi 6:3

kuba Abaisiraeli buli lwe baamalanga okusiga, olwo nga Abamidia, n'Abamaleki, n'abatyamye ab'omu buvandhuba, beeyimba okwidha okubalumba.

1 Samueli 14:48

Yalwana ng'aziramu ntete yaaghangula Abamaleki, yaawonia Isiraeli abo abaaginhagangaku ebintu byayo.

1 Samueli 27:8

Mu kiseera ekyo Daudi n'Abasaadha be, baajanga baalumba Abageshuri, n'Abagirizi, n'Abamaleki, kuba okuva eira n'eira, abo n'abaali abatyamye ab'ekiketezo ekyo okutuukira irala e Shuri ku nsalosalo ni Misiri.

1 Samueli 30:1

Agho Daudi n'abasaadha be baatuuka e Zikulaga ku lunaku olwokusatu. Baayagaana nga Abamaleki balumbye ekiketezo kya Buyudaaya ekikalukalu ku luuyi olw'omukono omusaadha olw'e buvandhuba, era nga balumbye n'ekibuga Zikulaga baakighangula, baakyokya omuliro.

1 Samueli 7:14

N'ebibuga byonabyona Abafilisiti bye baali banhaze ku Baisiraeli, ebiri ghagati gha Ekuroni ni Gathi, byairira Abaisiraeli. Kale Isiraeli yeiriza ebiketezo byayo byonabyona, era ghaabaagho emiraala ghagati gh'Abaisiraeli n'Abamori.