Okubala 13:27 - Baibuli Ekibono kya Katonda 2014

²⁷ Baakobera Musa bati: “Twatuuka mu nsi ye watutuma okukeeta, twabona nga ngimu era ng'erimu ebirungi kamaala, era bino n'ebibala byamu.

Okubala 13:27 ပူးပေါင်းရင်းမြစ်များ

Nehemia 9:25

Abaidhukulu abo baanhaga ebibuga ebyezungulwirwa ebimante ebigumu baatoola eitaka eigimu n'endhu edhiidhwire ebintu ebirungi; baatoola ensulo ensime, amasamba ag'emizabbibu, n'ag'emiti emyoliva, n'ag'emiti egindi egy'ebibala kamaala. Kale baalyanga baigutanga era baageedha, beesanhukiza ku birungi ebingi bye wabagha.

Okuvaayo 13:5

Era Musengwa Katonda bw'alibatuusa mu nsi ey'Abakanaani, n'Abahitti, n'Abamori, n'Abahivi, n'Abayebusi, ensi ye yalayirira badhaadha baimwe ng'aja kugigha imwe, mukuzanga olunaku luno mu mwezi guno. Ensi eyo ngimu era erimu ebirungi kamaala.

Okuvaayo 3:17

Era nsazeegho nti nja kubatoola mu kudaazibwadaazibwa kwe mulimu mu Misiri mbatwale mu nsi ey'Abakanaani, n'Abahitti, n'Abamori, n'Abaperizzi, n'Abahivi n'Abayebusi ensi engimu era erimu ebirungi kamaala.’

Okuvaayo 3:8

era n'okwika mbawonie Abamisiri, mbatoole mu nsi eyo, mbatwale mu nsi enene, engimu era erimu ebirungi kamaala ensi omuli buti Abakanaani, Abahitti, Abamori, Abaperizzi, Abahivi, n'Abayebusi.

Okuvaayo 33:3

Muje mu nsi engimu era erimu ebirungi kamaala. Aye nze tiidha kujiira ghalala n'imwe, kuba nsobola okubaita naabamaliragho mu ngira, olw'okuba muli ba mpwitu inho.”

Yeremia 11:5

Memale ntuukirizenga ekisuubizo kye nasuubiza badhaadha baibwe, nti ndibagha ensi engimu erimu ebirungi kamaala, era mwe bali buti.” Nze nairamu nti: “Wo Musengwa Katonda, ndidha kubakobera nga bw'okobye.”

Yeremia 32:22

Waabagha ensi eno engimu era erimu ebirungi kamaala, nga bwe wasuubiza badhaadha baibwe.

Ezekieli 20:15

Kale, nze neerayirira mwene nga bali eyo mu irungu, nti tiribatuusa mu nsi ye nabagha, ensi engimu era erimu ebirungi kamaala, esinga edhindi dhoonadhoona ekitiibwa.

Ezekieli 20:6

Era ku olwo nabasuubiza okubatoola mu nsi Misiri, mbatwale mu nsi ye nabategekera engimu era erimu ebirungi kamaala, esinga edhindi dhoonadhoona ekitiibwa.

Abalevi 20:24

Aye imwe nabasuubiza okubagha ensi eno engimu era erimu ebirungi kamaala, era ndigibagha yaaba yaimwe. Ninze Musengwa Katonda waimwe, eyabaawula ku maghanga agandi.

Okubala 14:7

Baakoba Abaisiraeli boonaboona abeesoloza bati: “Ensi ye twaja okukeeta nungi ebitaloodheka.

Okubala 14:8

Musengwa Katonda bw'aba ng'atusiimye aidha kututwala mu nsi eyo engimu era erimu ebirungi kamaala, agitughe.

Okubala 16:13

Okututoola mu nsi engimu era erimu ebirungi kamaala n'otuleeta okutwitira ghano mu irungu, ti kikumala? Mpegaano oli na kwenda kwefuula mufuzi waife?

Okubala 16:14

Mu butuufu bwene tiwatuleeta mu nsi ngimu erimu birungi kamaala, era tiwatugha bibandha na masamba ga mizabbibu ni biba byaife ku bwaife. Aye oli kwenda kuziba bwa bantu bano maiso? Kale titwidha kwidha.”

Amateeka Agokubiri 11:9

Era olwo musobole okughangaalira mu nsi eyo engimu era erimu ebirungi kamaala, Musengwa Katonda ye yasuubiza okugha badhaadha baimwe n'eizaire lyaibwe.

Amateeka Agokubiri 26:9

Yaatuleeta ghano, yaatugha ensi eno engimu era erimu ebirungi kamaala.

Amateeka Agokubiri 27:3

Olwo mwaghandiikaku ebibono byonabyona eby'amateeka gano nga mumaze okusomoka, ni mwingira mu nsi Musengwa Katonda, Katonda waimwe y'ali kubagha, engimu era erimu ebirungi kamaala, Musengwa Katonda wa badhaadha baimwe oyo ye yabasuubiza.

Amateeka Agokubiri 31:20

kuba mpegaano ndi kuja kubaingiza mu nsi engimu era erimu ebirungi kamaala ye nasuubiza badhaadha baibwe. Aye bwe balimala okulya ni baiguta era ni bageedha, balinvaaku baira ku misambwa baagisinza, nze bankyagha era baamenha endagaano yange.

Amateeka Agokubiri 6:3

Imwe Abaisiraeli muwulire: mwegendereze okutuukirizanga ebyo, musobole okubanga obukalamu era mweyongerenga okuba abangi einho era ab'amaani, nga muli mu nsi eyo engimu era erimu ebirungi kamaala, nga Musengwa Katonda, Katonda wa badhaadha baimwe bweyasuubiza.

Yoshua 5:6

kuba Abaisiraeli baatambulira emyaka amakumi ana mu irungu okutuusa abasaadha boonaboona abaava mu Misiri nga batuusiiza emyaka egibasobozesa okutabaala bwe baafa ni bawaagho. Ekyo kyaligho kuba baadheemera Musengwa Katonda. Kale Musengwa Katonda yaaloba kubaganha kubona ku nsi ye yali amaze okusuubiza okugha badhaadha baibwe ensi engimu era erimu ebirungi kamaala.