Okubala 12:7 - Baibuli Ekibono kya Katonda 2014

⁷ Aye ntyo ti bwe nkola ku mugheereza wange Musa. Namugha okulabirira abantu bange boonaboona.

Okubala 12:7 ပူးပေါင်းရင်းမြစ်များ

Yobu 1:8

Musengwa Katonda yaabuuza Sitaani ati: “Weekaliriisa bukalamu omugheereza wange Yobu? Omusaadha oyo azira amutuukaku kuba n'omuntu aziraku musango era omwesimbu, antya era eyeekuuma obutakola kibi.”

Zabbuli 105:26

Yaabatumira Musa omugheereza we, ni Aaroni ye yeerondera.

Okuvaayo 33:11

Atyo Musengwa Katonda bweyayogeranga ni Musa maiso ku maiso, ng'oti n'omuntu bw'ayogera ni mukagwa we. Musa bweyamalanga, yairanga agho Abaisiraeli ghe baalinga nga basimbye weema dhaibwe, aye omugheereza we omwisuka ye baayetanga Yoshua, mutabane wa Nuni, tiyavanga mu Weema eyo.

Matayo 11:11

Bwenebwene ka mbakobere, mu baali bazaaliibwa abakazi timubangamu asinga Yoanne Omubatiza, ate ng'asembayo mu Bwakyabazinga obw'omu igulu amusinga.

Matayo 11:9

Aye kale imwe mwaja kubona ki? Mulanzi? N'agh'agho, ka mbakobere: Mwaja kubona asingaku n'omulanzi

Ebikolwa by'Abatume 7:31

Musa yeewuunhia kye yali abona, era yaaseeta okwekalirisa. Yaawulira Musengwa ng'akoba ati,

1 Ab'e Korintho 4:2

Ekintu ekyendebwa ku mugheereza oti n'oyo, n'okuba omwesigwa ye Musengwa we.

Amateeka Agokubiri 18:18

Ndidha kubasindikira omulanzi okuva mu ighanga lyaibwe, ali ng'oti niiwe. Ndidha kumukobera eby'okwogera, olwo abakoberenga byonabyona bye ndimulagira.

Amateeka Agokubiri 34:5

Agho Musa omugheereza wa Musengwa Katonda yaafiira eyo mu nsi Moabu, nga Musengwa Katonda bwe yakoba.

1 Timotheo 3:15

Aye bwenaaba nga ndwire, bino binaakumanhisa bwetugwaine okwebisa nga bwe tuli abantu ba Katonda, ekyo nga n'Ekikunsu eky'Abaikiriza mu Kurisito ekya Katonda omulamu, era ng'ekyo n'empango n'omusingi ogw'amazima.

Yoshua 1:1

Musa omugheereza wa Musengwa Katonda bwe yafa, Musengwa Katonda yaayogera ni Yoshua, mutabane wa Nuni, eyali omuyambi wa Musa yaamukoba ati:

Yoshua 1:2

“Musa, abaire omugheereza wange, yafa. Kale ni, iwe weetegeke n'Abaisiraeli abandi boonaboona, musomoke omwiga Yorudani, mwingire mu nsi ye ndi kubagha.