Okubala 12:6 - Baibuli Ekibono kya Katonda 2014

⁶ Yaakoba ati: “Muwulire kye nkoba, bweghabaagho omulanzi mu imwe, nze Musengwa Katonda mwene mmweyoleka mu kubonekerwa, era naayogera naye mu kirooto.

Okubala 12:6 ပူးပေါင်းရင်းမြစ်များ

Amainhama 15:1

Ebyo nga bimaze okubaagho, Aburamu yaawulira Musengwa Katonda mu kirooto, ng'amukoba ati: “Aburamu, otatya. Nze ndidha kubanga ngabo yo nkuwonie ebizibu, era ndidha kukugha empeera nnene.”

Amainhama 20:7

Mpegaano ni, izaayo muka beene; kuba omusaadha oyo mulanzi, era aidha kukusabira obe mulamu. Aye bw'otaizeeyo mukazi, manha ng'oteekwa kufa, iwe n'abantu bo boonaboona.”

Amainhama 28:12

Yaaloota amadaala agasimbiibwa ku itaka, nga gatuuka ku igulu yaja okubona nga bamalaika ba Katonda bali kuganiina bwe baika!

Amainhama 28:16

Yakobo yaazuuka mu ndoolo, yaakoba mule ati: “Bwenebwene Musengwa Katonda ali mu kifo kino! Aye nze mbaire tiidhi!”

Amainhama 37:5

Agho Yosefu yaaloota ekirooto. Bwe yakikobera baganda be, beeyongera bweyongere okumukyagha.

Amainhama 37:9

Yosefu era yaaloota ekirooto ekindi, yaakikobera baganda be ati: “Naloose ekirooto ekindi, ng'endhuba, n'omwezi, n'emuunienie ikumi na ndala biri ku nkubira amakiryaivu.”

Amainhama 46:2

Katonda yaayogera ni Isiraeli oyo, nga amubonekeire obwire, yaakoba ati: “Yakobo, Yakobo!” Yakobo yaavugira ati: “Ndi ghano!”

2 Samueli 7:4

Aye obwire bwene obwo Musengwa Katonda yaakoba Nathani ati:

1 Bakyabazinga 3:15

Agho Solomoni yaasitukagho. Okuja okwetegereza ati nga kibaire kirooto. Yaaja e Yerusalemu, yaayemerera mu maiso g'Esanduuku y'Endagaano ya Musengwa Katonda, yaaghaayo ebigheebwayo ebyokebwa, n'ebigheebwayo olw'okutabagana. Era yaakolera abagheereza be boonaboona embaga.

1 Bakyabazinga 3:5

Bwe yali ng'ali eyo e Gibeoni, Musengwa Katonda yaamubonekera obwire mu kirooto, yaamukoba ati: “Saba ky'oyenda, nkughe.”

Yobu 33:15

Obwire abantu nga batendwike ku buliri mu ndoolo enhingi einho, baba ni bye babonera mu birooto ni mu kubonekerwa.

Yobu 4:13

Nali mu kulogootana obwire, endoolo enhingi einho nga dhingemye.

Zabbuli 105:15

ng'abakoba ati: “Ghatabaagho agema ku bantu bange be nasiiga omuzigo; abalanzi bange mutabakola kibi kyonakyona.”

Zabbuli 89:19

Wabonekera abagheereza bo abeesigwa mu biseera eby'eira, waabakoba oti: “Ntaire omukono gwange ku mulwani ow'amaani okumubeera; ngulumiiza oyo ye nalonda mu bantu.

Okuvaayo 7:1

Agho Musengwa Katonda yaakoba Musa ati: “Bona, nja kukufuula obe ng'oti oli Katonda ye kyabazinga, ate Aaroni muganda wo abe ng'oti mulanzi wo.

Yeremia 23:25

Ndidhi abalanzi abo bye bakoba, abalanga eby'obuguya mu liina lyange, nga bakoba mbu nze nabagha obukwenda bwange nga bali mu birooto byaibwe.

Yeremia 23:28

Omulanzi aloose ekirooto agwaine akobe ati ekyo kirooto bulooto. Ate omulanzi afunie obukwenda okuva ye ndi agwaine alangirire obukwenda obwo n'obwesigwa. Omusiisi guba mulungi ng'engaano yeene?

Ezekieli 1:1

Ku lunaku olwokutaanu mu mwezi ogwokuna, mu mwaka ogwamakumi asatu (30), nze Ezekieli kabona mutabane wa Buzi, mu biseera ebyo nali mba ghalala ni banhage banange agho kumpi n'omwiga ogwetebwa Kebari mu Babilonia. Agho eigulu lyaghembuka era naabonekerwa Katonda.

Danieli 10:8

Nze naasigala agho zenka nga ndi kubona okubonekerwa okwo okwewuunhisa einho, aye nga n'amaani ga mpoiremu. Nze eyabonekanga obulungi einho, naakyuka naabiigha inho era naaweeramu irala amaani.

Danieli 2:19

Obwire obwo Katonda yaayoleka Danieli ekyama ekyo mu kubonekerwa. Era Danieli oyo yaasaaka Katonda ow'eigulu,

Danieli 7:1

Mu mwaka ogusooka nga kyabazinga Beleshazzari n'afuga Babilonia, Danieli bwe yali ng'alambaire mu buliri bwe yaabonekerwa mu kirooto. Bwe yamala yaaghandiika ekirooto ekyo ng'akoba byonabyona nga bwe byali.

Danieli 8:2

Mu kubonekerwa kuno naja okulinga nti, nga mbona ndi mu Susa ekibuga ekyezungulwirwa ebimante ebigumu, ekyali mu kiketezo ky'e Elamu. Nali nga nhemereire ku mbali okw'omwiga Ulai.

Hosea 12:11

Abakozi b'ebibi ab'omu Gileadi, bwenebwene balizikirira. N'alutaari edh'omu Giligali dhe bagheeraku ente enume ng'emisengo, dhirifuuka ng'oti mmungo dha mabaale edhiri mu nimiro.”

Yoeli 3:1

Musengwa Katonda akoba ati: “Bona eno, mu kiseera ekyo kyene ndireetera abantu b'omu Buyudaaya n'ab'omu Yerusalemu, ebintu byairamu okubajiiranga obukalamu kabiri.

Zekaria 1:8

Naabona malaika wa Musengwa Katonda ng'ali kuvuga embalaasi emyufu, ng'agyemereiza mu miti egy'ebisaka egyali mu kiiko. Einhuma we yaliyo embalaasi edhindi emyufu, n'edha kikuusikuusi, n'endheru.

Okubala 24:4

Bino n'ebibono by'oyo awulira Katonda by'ayogera, ebibono by'oyo atenduka aye n'asigala ng'amoga, n'abona okubonekerwa kw'oyo Aghanga Ebintu Byonabyona.

Matayo 1:20

Aye aba akaalowooza ekyo, malaika wa Musengwa yaamubonekera mu kirooto yaamukoba ati: “Yosefu omwana wa Daudi, otatya kutwala Maria abe mukazi wo, kuba ky'alinda kya Mwoyo Mutukuvu.

Matayo 2:19

Agho Herode bwe yamala okufa, malaika wa Musengwa yaabonekera Yosefu mu kirooto, e Misiri.

Matayo 23:31

Kale mutyo beene mwakakasa muti muli baana b'abo abaita abalanzi.

Matayo 23:34

Kale ndidha kubatumira abalanzi, n'abasaadha abagezi n'abeegeresa abandi mulibaita, mwabakomerera ku misalaba, abandi mulibakuba enkoba mu sinagoga dhaimwe, era mwabakiriga mu buli kibuga.

Matayo 23:37

“Yerusalemu, Yerusalemu iwe aita abalanzi, n'okuba abatumiibwa y'oli amabaale! Emikuzi emeka gye nayenda okusoloza abaana bo aghalala ng'enkoko bw'esoloza obwana bwayo mu maghagha, aye nga tonganha?

Matayo 27:19

Mperaano, Pilato bwe yali ng'atyaime ku kityamo kye eky'obulamuzi, mukazi we yaamutumira obukwenda nga bukoba buti: “Omuntu oyo azira musango otaba ni ky'omukola kuba ebintu by'oyo kamaala byandaaziiza mu kirooto.”

Luka 1:11

Agho malaika wa Musengwa yaaboneka, ng'ayemereire ku mukono omusaadha ogw'alutaari ey'okuniokezaaku obubbaani.

Luka 1:22

Bwe yafuluma tiyasobola kwogera ye bali, agho baamanha nga ghaligho ekimubonekeire mu isinzizo. Yagezaaku okubamanhisa bye yayenda mu bumanhiso, yaasigala ng'omunwa guzibye.

Luka 20:6

Ate bwe tunaakoba tuti kwava mu bantu, abantu boonaboona baidha kutukuba amabaale, kuba bakikakasa mu myoyo gyaibwe bati Yoanne yali mulanzi.”

Ebikolwa by'Abatume 10:11

Yaabona eigulu nga libwikwike era ekintu kyaika ghansi nga kiri ng'oti n'eisuuka einene lye bagemye ku nsonda eina ni baliisa ku nsi.

Ebikolwa by'Abatume 10:17

Agho Petero yaaba agho ng'akaasobeirwa nga yeewuunhia ky'aboine. Mu kiseera ekyo, abasaadha Korunelio be yatuma baali bamaze okubuuliriza enhumba ya Simoni ghe yali era baali beemereire ku mulyango.

Ab'Efeso 4:11

Era n'oyo eyagha abandi okuba abatume, abandi okuba abalanzi, abandi okukobera abantu Amawulire Amalungi, abandi okulabirira abantu ba Katonda, n'abandi okuba abeegeresa.

Amateeka Agokubiri 18:15

Aye aidha kubasindikira omulanzi okuva mu ighanga lyaimwe, ali ng'oti ninze. Oyo ye munaawuliranga.

Amateeka Agokubiri 18:18

Ndidha kubasindikira omulanzi okuva mu ighanga lyaibwe, ali ng'oti niiwe. Ndidha kumukobera eby'okwogera, olwo abakoberenga byonabyona bye ndimulagira.

Abaheburayi 1:1

Eira Katonda yayogeranga ni badhaadha baife emikuzi kamaala era mu nsambo kamaala ng'abita mu balanzi.

Okwolekebwa 11:10

Abantu ab'oku nsi balisagamba baasangaala era baagheerezagania ebirabo olw'okufa kw'abalanzi abo bombi; kuba abo baaleetera abantu ab'oku nsi okudaagadaaga einho.

Okwolekebwa 11:3

Ndituma abadhulirwa bange babiri nga beesibye ebikaakaati olw'okunakughala, naabagha obukumu bamale enaku lukumi na bibiri na nkaaga (1,260) nga bakobera abantu ebibono bya Katonda.”

1 Samueli 28:6

Era yeebuuza ku Musengwa Katonda, aye Musengwa Katonda yaaloba kumwiramu, ka mube mu birooto, oba mu kukozesa Urimu, oba waire ng'abita mu balanzi.

1 Samueli 3:15

Samueli yaasigala mu buliri okutuusa bwe bwakya. Agho yaasituka, yaigula endhigi edh'endhu ya Musengwa Katonda. Yali ali kutya okukobera Eli ebyali mu kubonekerwa okwo.

1 Samueli 3:21

Musengwa Katonda yaayongeranga okubonekera mu Shilo, ye yeeyolekera Samueli, era yaayogeranga naye. Era buli Samueli kye yayogeranga, ng'Abaisiraeli boonaboona bakiwulirisa.