Okubala 12:2 - Baibuli Ekibono kya Katonda 2014

² Baakoba bati: “Musengwa Katonda ayogerera mu Musa yenka? Tayogereraku ni mu ife twena?” Musengwa Katonda yaabawulira nga beemuluguunhia.

Okubala 12:2 ပူးပေါင်းရင်းမြစ်များ

Amainhama 29:33

Kabiri yaatoola enda, yaazaala omwana mulenzi, yaakoba ati: “Musengwa Katonda yawulira nga tyendebwa kyaviire era n'ampa omwana ono.” Kale yaamutuuma eriina Simeoni.

2 Samueli 11:27

Ekiseera eky'okulira bwe kyawaaku, Daudi yaatuma abakwenda baaleeta Bathisheba oyo mu kisaagaati kya kyabazinga, yaamufuula mukazi we, era yamuzaalira omwana omulenzi. Aye ekintu ekyo Daudi kye yakola kyasungughaza Musengwa Katonda.

2 Bakyabazinga 19:4

Kyabazinga w'e Assiria yatuma omukungu we omukologho okwidha okudhooga Katonda omulamu. Musengwa Katonda wo agwaine awulire ebyo byonabyona omukungu oyo by'ayogeire, era amubonereze olw'okubyogera.’ Kale ni sabira abo abanaawonagho ni basigala nga bakaaligho.”

Okuvaayo 4:14

Agho Musengwa Katonda yaasungughalira Musa, yaamukoba ati: “Aaroni muganda wo Omulevi azirayo? Ndidhi nti oyo asobola okwogera obukalamu bwene. Era, bona eno, ali kwidha y'oli, era bw'anaakubona aidha kusangaala.

Okuvaayo 4:30

Aaroni yaabakobera ebibono byonabyona Musengwa Katonda bye yayogera ni Musa, era yaabakolera obumanhiso boonaboona nga babona.

Okuvaayo 5:1

Ebyo nga biwoire, Musa ni Aaroni baaja ye kyabazinga ow'e Misiri baamukoba bati: “Musengwa Katonda, Katonda wa Isiraeli akoba ati, leka abantu be baje mu irungu bakolere eyo ekibinuko eky'okumusinza.”

Okuvaayo 7:10

Kale Musa ni Aaroni baaja ye kyabazinga, baakola nga Musengwa Katonda bweyabalagira. Aaroni yaasuula omwigo gwe ghansi mu maiso ga kyabazinga n'abakungu be, gwafuuka omusota.

Ensambo 13:10

Okwekuluntaza kuleeta okutabukatabuka, aye okwebuuza ku magezi kuleetera omuntu okuba omugezi.

Isaia 37:4

Kyabazinga w'e Assiria yatuma omukungu we akulira bakungu baine boonaboona okwidha okudhooga Katonda omulamu. Musengwa Katonda wo agwaine awulire ebyo byonabyona omukungu oyo by'ayogeire, era amubonereze olw'okubyogera.’ Kale ni sabira abo abanaawonagho ni basigala nga bakaaligho.”

Mika 6:4

Kuba nabatoola e Misiri, naabanunula okuva mu bwiru era naabagha Musa, ni Aaroni, ni Miriamu, okubakulembera.

Okubala 11:1

Agho abantu beemuluguunhiza Musengwa Katonda ng'abawulira, olw'ebizibu ebyabatuukaku. Musengwa Katonda bweyabawulira, obusungu bwe bwabatumbukiraku ng'oti muliro. Agho omuliro gwa Musengwa Katonda oyo gwabaakiramu era gwayokya oluuyi olusembayo olw'ekifo ghe baasimba weema dhaibwe.

Okubala 11:29

Aye Musa yaamwiramu ati: “Enkikidi ekugemye ku lwange? Kyandibaire kikalamu nguli Musengwa Katonda ata omwoyo gwe ku bantu be boonaboona baaba balanzi.”

Okubala 12:3

Musa yali muntu muwombeefu inho, okusinga abantu boonaboona ab'oku nsi.

Okubala 16:3

Beesoloza, baaja baadheemera Musa ni Aaroni, baabakoba bati: “Mubitiriiza okwekuluntaza! Abantu boonaboona ab'eighanga lino ba Musengwa Katonda era Musengwa Katonda aba mu ife. Kale lwaki mwetwala nga muli ba ghaigulu inho okusinga abantu ba Musengwa Katonda abo?”

Ab'e Roma 12:10

Mugonzanienga ng'aboluganda mu Kurisito. Kiisi mulala afubenga okugha mwine ekitiisa.

Ab'e Roma 12:3

Olw'ekisa Katonda kye yampa, nkoba kiisi mulala ku imwe obuteetwala nga wa kitalo. Aye yeebisenga bukalamu ng'ajiira ku kigero eky'okwikiriza Katonda kye yamugha.

Ab'e Filippi 2:14

Buli kye mukola mukikole nga timutolooma oba okutakana,

Ab'e Filippi 2:3

Timukolanga kintu kyonakyona nga mwefaaku mwenka oba olw'okwenda bababone babasaake. Aye mu kwefeebya buli muntu atwale abandi nga n'abamusinga.

1 Petero 5:5

Mu nsambo n'endala imwe abato mubenga bawulize eri abakulu mu myaka. Mwenamwena mubenga bawombeefu, nga kiisi mulala agheereza mwine. Kuba ebyaghandiikibwa bikoba biti: “Katonda atakania abeekudumbaza, aye abeewooya abooleka ekisa.”