Okubala 12:10 - Baibuli Ekibono kya Katonda 2014

¹⁰ Ekire kire bwe kyava ku Weema eyo, okuja okubona nga Miriamu aidhwire endwaire ey'ebigenge, era ng'apaaluuse ng'oti mugozi. Aaroni bweyamulingaku n'abona nga yeenayeena aidhwire endwaire eyo,

Okubala 12:10 ပူးပေါင်းရင်းမြစ်များ

2 Bakyabazinga 15:5

Agho Musengwa Katonda yaaleetera Uzzia okulwala endwaire ey'ebigenge, yaaba nayo okutuusa lwe yafa. Yaabanga mu ndhu yiye yenka. Mutabane we Yothamu yaasigala nga n'alabirira ekisaagaati kye eky'obwakyazinga, era nga n'afuga ensi eyo.

2 Bakyabazinga 5:27

Kale ni endwaire ey'ebigenge eya Naamani eidha kukugema, era egemenga n'ab'eizaire lyo ebyanda n'ebyanda.” Gehazi yaja okuva aghaali Elisha ng'ali n'endwaire ey'ebigenge, nga mweru ng'oti mugozi.

2 Bakyabazinga 7:3

Agho ghaabaagho abasaadha bana abali n'endwaire ey'ebigenge nga bali kuliya kw'omulyango ogwingira mu kibuga Samaria. Beekobaana beene na beene bati: “Lwaki tuli kutyama obwa ghano okutuusa lwe tunaafa?

Okuvaayo 4:6

Kabiri Musengwa Katonda yaamukoba ati: “Ingiza omukono gwo mu kanzu yo.” Era Musa yaakola atyo. Yaja okugutoolamu nga gwidhieku ebigenge era nga gweruukiriire ng'oti mugozi.

Hosea 9:12

Aye ni bwe balizaala abaana, era ndibabatoolaku boonaboona ghaaloba kusigalagho waire omulala ati omulamu. Lwe ndibavaamu ni mbalekulira agho, baliba bakagwireku!”

Okubala 5:2

“Lagira Abaisiraeli babingengagho mu kifo ghe baasimba weema dhaibwe, abantu boonaboona abali n'endwaire ey'ebigenge, n'abo abava amasira mu mubiri, n'oyo yeenayeena atali mulongoofu olw'okwekonta ku mulambo.

Matayo 25:41

“Agho, alikoba abo abaliba ku mugooda ati, ‘Munve mu maiso imwe abalaame, muje mu muliro ogutazikira ogwategekerwa Sitaani ni bamalaika be!

Amateeka Agokubiri 24:9

Mwidhukire Musengwa Katonda waimwe kye yakola Miriamu, bwe mwali mu lugendo nga muva e Misiri.