Okubala 11:5 - Baibuli Ekibono kya Katonda 2014

⁵ Twidhukira ebyenhandha bye twalyanga mu Misiri ku bwereere! Twalyanga amaliibwa aga buli nsambo n'obutungulu obwa buli nsambo.

Okubala 11:5 ပူးပေါင်းရင်းမြစ်များ

Zabbuli 17:14

Wo Musengwa Katonda, kozesa omukono gwo omponie abantu abazira mugabo ghandi, okutoolaku mu bulamu obw'oku nsi. Baiguse okudaagadaaga kwe wabaterekera, ghasigale naghooku okundi okumala okwigusa n'abaana baibwe n'okubasina, ate balekereghooku n'abaidhukulu.

Okuvaayo 16:3

“Nguli Musengwa Katonda yatwitira mu Misiri ye twatyamanga ku nsaka edh'emamba ni ku biiwulo eby'emere, ni tulya ni twiguta, ekyo n'ekyandisinzeeku imwe okutuleeta mu irungu lino twenatwena tulambukire muno endhala.”

Isaia 1:8

Ekibuga Sioni kisigaire agho kityo ng'oti n'ekibuga kye bazingiiza, kiri ng'oti n'entindi eyeewolookereire mu isamba ly'emizabbibu, era ng'oti n'ekigangu kye bakuumiramu enimiro y'amaliibwa.

Yeremia 42:14

Ka twejiire e Misiri tube eyo, tulobe kubona ntalo, waire okuwulira amagwala agalaalika entalo, oba waire okufa endhala olw'okubulwa emere’,

Yeremia 44:18

Aye okuvanga lwe twalekera okuniokeza obubbaani omusambwa Kyabazinga Omukazi ow'Eigulu ogwo, ni tulekera n'okugughanga ebigheebwayo ebifukibwa, ghazira ke tukaafunayo, n'abantu baife abandi bafiiriire mu ntalo, n'abandi baafa endhala.”

Okubala 14:2

Beemuluguunhiza Musa ni Aaroni nga bakoba bati: “Nguli twafiira mu nsi Misiri, oba ni tufiira ghano mu irungu, ekyo n'ekyandisinze!

Ab'e Filippi 3:19

Ekirisembayo eky'abantu abo kuliba kuzikirira, kuba katonda ye basinza, n'enda dhaibwe. Beesaaka olw'ebyo ebyandibaswaziiza era balowooza bya ku nsi kuno byonka.