Okubala 11:31 - Baibuli Ekibono kya Katonda 2014

³¹ Agho Musengwa Katonda yaasindika empewo ng'eva ku nhandha, yaafuuwa obunhonhi obuli ng'oti bukologo. Bwaidha nga bugulukira ghansi inho mita ng'oti ndala yonka okuva ku itaka, bwagwa agho okwezungulula ekifo Abaisiraeli ghe baasimba weema dhaibwe. Nga buli luuyi lw'osimbiraku otambula olugendo lwa lunaku lulamba memale waatuuka ghe bukanga.

Okubala 11:31 ပူးပေါင်းရင်းမြစ်များ

Zabbuli 105:40

Baamusaba, yaabasindikira obunhonhi obuli ng'oti bukologo, yaabagha n'emere kamaala okuva mu igulu.

Zabbuli 106:15

Kale yaabagha kye baamusaba, aye kabiri yaamala yaabaleetera endwaire embi einho eyabagoogombyanga.

Zabbuli 135:7

Oyo n'asitusa ebire okuva ensi y'ekoma n'asindika olukuba mu maadhi agali kugwa, era n'atoolayo empewo ng'oti n'omuntu bw'atoolayo ebintu bye mu byagi.

Okuvaayo 10:13

Kale Musa yaagolola omwigo gwe ng'agusonse ku nsi Misiri. Musengwa Katonda yaaleeta empewo ng'eva e buvandhuba, yaakunta omusana ogwo gwonagwona n'obwire bwonabwona, era okuja okuwuuna enkyo ng'empewo eyo eyava e buvandhuba ereese enzige.

Okuvaayo 10:19

Era Musengwa Katonda yaakyusa empewo ey'e buvandhuba, yaaviira e bugwandhuba n'amaani, yaasitula enzige yaadhisindiikiriza, yaadhituusa mu Nhandha Emyufu. Mu nsi yoonayoona Misiri timwasigala nzige naire endala eti.

Okuvaayo 15:10

Wafuuwa amaadhi gairagho gaabasaaniagho; baadimira mu maadhi amangi ng'oti byuma bizito.

Okuvaayo 16:13

Eigulo eryo, obunhonhi obuli ng'oti bukologo bwaidha bwagwa ghe baasimba weema dhaibwe bwaidhula buli ghantu, era mu nkyo omusulo gwagwa gwabunia buli ghantu okwezungulula weema dhaibwe.

Okubala 11:30

Agho Musa n'abakulu ab'ebikunsu mu Isiraeli bairayo ere abantu ye baasimba weema dhaibwe.