Okubala 11:17 - Baibuli Ekibono kya Katonda 2014

¹⁷ Ndidha kwika ndhogere n'iwe agho, era ntoole ku mwoyo oguli ku iwe boona ngubateeku. Olwo babe nga bakubeeraku okwetwika obuvunaanizibwa obw'abantu abo, bulobe kubanga ku iwe wenka.

Okubala 11:17 ပူးပေါင်းရင်းမြစ်များ

Amainhama 11:5

Agho Musengwa Katonda yaika ghansi okubona ekibuga n'omunaala abantu abo bye baali bazimbye,

Amainhama 17:22

Olwamala okwogera ni Aburahamu, Katonda yaavaagho, yaaja ghaigulu.

Amainhama 17:3

Aburamu yaakutama n'ekyeni kyatuuka ku itaka. Katonda yaamukoba ati:

Amainhama 18:33

Musengwa Katonda bweyamala okwogera ni Aburahamu, yaaja. Ni Aburahamu yeena yaira ewuwe.

2 Bakyabazinga 2:15

Abalanzi abaali e Yeriko bwe baamubona, baakoba bati: “Obuyinza bwa Eliya buli ku Elisha.” Agho baidha okumweisuusaayo, era baakuba amakiryaivu agho mu maiso ge,

2 Bakyabazinga 2:9

Bwe baamala okusomoka, Eliya yaakoba Elisha ati: “Saba kye mbe nkukolere nga bakaali kuntwala kukuvaaku.” Elisha yairamu ati: “Nkusaba onganhe nfune omugabo gwa mikuzi ebiri ogw'omwoyo gwo.”

Nehemia 9:20

Wabagha omwoyo gwo omulungi gubagalagirenga eky'okukola. Tiwalekeraku kubaghanga mannu kulya, era waabaghanga amaadhi okubawonia endiwo.

Okuvaayo 18:18

Oli kwerumya inho era waalumya n'abantu abo, kuba omulimo muzito inho okugukola wenka.

Okuvaayo 18:22

Leka abo n'ababe basalirenga abantu emisango gyaibwe buliidho. Bwe ghabaagho ensonga enkulu bagireetenga y'oli, aye ensonga entonotono dhoonadhoona badhimalenga. Kale iwe kiidha kukwanguyira kuba banaaba bakukendeziizaaku obuzito.

Okuvaayo 19:11

olwadhuuzi babe nga beetegefu, kuba ku olwo nze Musengwa Katonda ndiika ku lusozi Sinai ng'abantu boonaboona babona.

Okuvaayo 19:20

Musengwa Katonda yaika ku lusozi Sinai ku mutwe yaayeta Musa yeena aje ghaigulu ku lusozi ku mutwe. Era Musa yaaja.

Okuvaayo 34:5

Agho Musengwa Katonda yaikira mu kire, yaayemerera agho ni Musa era yaayatula eriina lye erya “Musengwa Katonda.”

Isaia 44:3

Ndireeta amaadhi gaagwa mu nsi eziramu waire itondo lya maadhi, era naata emiiga mu itaka eryakala. Ndireeta omwoyo gwange gwaika ku baana baimwe, era naayugha enkabi dhange ku baidhukulu baimwe.

Isaia 63:11

Agho baidhukira ebyaligho eira mu biseera bya Musa omugheereza wa Musengwa Katonda, baabuuza bati: “Musengwa Katonda ali gha, eyasomosa abakulembeze b'abantu n'abawonia enhandha? Musengwa Katonda oyo ali gha, eyasindika omwoyo gwe omutukuvu mu bantu be?

Yoeli 2:28

“Ebyo nga biwoire, ekiseera kirituuka naayugha omwoyo gwange ku bantu boonaboona. Batabane baimwe ni baghala baimwe baliranga ebiribaagho, abakaire mu imwe baaloota ebirooto, n'abaisuka baimwe baabonekerwa.

Okubala 11:25

Agho Musengwa Katonda yaikira mu kire yaayogera ni Musa, era yaatoola ku mwoyo ogwali ku Musa yaaguta ku bantu abo. Era omwoyo ogwo bwe gwabaidhaku baayogera eby'obulanzi. Aye baakoma ku olwo, tibaakikola mukuzi gundi.

Okubala 12:5

Agho Musengwa Katonda yaikira mu kire ekiri ng'oti mpango, yaayemerera mu mulyango ogw'Eweema eyo, yaayeta Aaroni ni Miriamu, era bombi baidha.

Okubala 12:8

Oyo ndhogera naye butereevu maiso ku maiso, se ti mu bikoiko. Era ambona bukalamu nga bwe nfaanana. Kale mukana mutya ni mwemuluguunhiza omugheereza wange oyo Musa?”

Okubala 27:18

Agho Musengwa Katonda yaakoba Musa ati: “Twala Yoshua mutabane wa Nuni, omusaadha aliku omwoyo, ote emikono gyo ku mutwe gwe.

Okubala 7:89

Agho Musa bweyaja mu Weema ey'Okwagaananirangamu ni Musengwa Katonda, okwogera ni Musengwa Katonda, yaawuliranga amamiro nga gava ghaigulu agh'ekisandikiza eky'Esanduuku ey'Endagaano. Gaaviira ghagati agh'ebitonde ebibiri ebiri n'amaghagha ebyetebwa kerubi, gaayogera naye.

Yoanne 3:13

Ghazira yaali aniinieku mu igulu okutoolaku Omwana w'Omuntu eyaika okuva mu igulu.”

Yoanne 7:39

Agho Yesu yali ali kwogera ku Mwoyo abamwikiriza ye baali baja okufuna kuba mu kiseera ekyo Mwoyo yali akaali kugabibwa olw'okuba Yesu yali akaali kutuuka mu kitiisa kya Ise.

Ab'e Roma 8:9

Aye oba nga bwene Mwoyo wa Katonda ali mu imwe timufugibwa mubiri aye mufugibwa Mwoyo. Kiisi azira Mwoyo wa Kurisito ti wa Kurisito.

1 Ab'e Korintho 2:12

Mwoyo ye twafuna ti wa nsi eno aye ni Mwoyo ava ye Katonda, tusobole okumanha ebirabo Katonda bye yatugha.

1 Ab'e Thessalonika 4:8

Kale, aloba bino aba talobye bya bantu buntu, aye aba alobye bya Katonda oyo abagha Mwoyo we Omutukuvu.

1 Petero 1:22

Nga bwe mwamala okutukuza emyoyo gyaimwe nga mugondera amazima, ni mugonzania ng'aboluganda, mweyongere okugonzania n'omwoyo oguziramu buguya.

Yuda 1:19

Bano n'abaleeta okwekutulakutulamu, bajiira ku bya nsi era Mwoyo abaziramu.

1 Samueli 10:6

Agho omwoyo gwa Musengwa Katonda gwidha kukwidhaku n'amaani mangi, ofuuke muntu wundi era olange ghalala nabo.