Okubala 10:9 - Baibuli Ekibono kya Katonda 20149 Bwe munaabanga muja okulwana olutalo mu nsi yaimwe ng'omuzigu abalumbye, mwidha kufuuwanga amagwala ng'akamanhiso ak'okuja. Olwo nze Musengwa Katonda waimwe ndidha kubaidhukiranga mbawonie abazigu abo. အခန်းကိုကြည့်ပါ။ |
Aye bona, ekiseera kiidha kutuuka, abantu ab'omu Rabba ekibuga ekikulu eky'Abammoni, mbaleetere okuwulira okwasiikana okw'omu lutalo. Abazigu balikireka agho kityo nga kifuuse bifulukwa byereere, era nga bookiikya n'ebyalo byakyo omuliro byawaagho. Olwo Abaisiraeli balyeiriza ekiketezo kyaibwe, baakitoola ku abo abaali bakibatoireku.
Musengwa Katonda bwe yateerangagho Abaisiraeli omukulembeze, Musengwa Katonda oyo ng'aba ghalala n'omukulembeze oyo, era yaawonianga abantu abazigu baibwe, ekiseera kyonakyona omukulembeze oyo kye yamalanga ng'akaali mulamu. Musengwa Katonda yabagemerwanga ekivunika, kuba baasindanga olw'abo abaabadaazadaazanga ni babatuntuza.