Okubala 10:29 - Baibuli Ekibono kya Katonda 2014

²⁹ Agho Musa yaakoba mukoirume we Hobabu, mwanhina mukazi we era mutabane wa Reweli Omumidia ati: “Tuli kumpi okusimbuka okuja mu kifo Musengwa Katonda waife kye yakoba okutugha. Kale kola oje n'ife tugabane ku birungi bye tuja okufuna, kuba Musengwa Katonda yasuubiza Isiraeli ebirungi.”

Okubala 10:29 ပူးပေါင်းရင်းမြစ်များ

Amainhama 12:7

Agho Musengwa Katonda yaabonekera Aburamu, yaamukoba ati: “Baidhukulu bo ndibagha ensi eno.” Kale Aburamu yaazimbira agho Musengwa Katonda eyamubonekera, alutaari.

Amainhama 13:15

Ensi eyo yoonayoona y'oli kubona ndidha kugikugha iwe ni baidhukulu bo, ebe yaimwe ebyanda n'ebyanda.

Amainhama 15:18

Ku lunaku olwo, Musengwa Katonda yaakola endagaano ni Aburamu. Yaakoba ati: “Baidhukulu bo mbaghaire ensi eno yoonayoona okuva ku nsalosalo ya Misiri okutuuka ku mwiga omukologho Eufurate.

Amainhama 17:8

Ndidha kukugha iwe ni baidhukulu bo ensi eno buti y'olimu ng'omusenze. Ensi yoonayoona Kanaani eidha kubanga ya baidhukulu bo ebyanda n'ebyanda era nze ndidha kubanga Katonda waibwe.”

Amainhama 32:12

Ate nga wakoba oti, “Ndikugha buli kintu okukujiiranga obukalamu, era naakwaliza abaidhukulu kamaala ng'oti n'omusenho ogw'oku nhandha, ogutaghanga kubalika olw'obungi.”

Zabbuli 100:1

Abantu mwenamwena ab'ensi mukubire Musengwa Katonda emizira.

Zabbuli 34:8

Mwidhe mubone Musengwa Katonda nga bw'ali omulungi! Ba nkabi abo abamwesiga!

Zabbuli 95:1

Mwenamwena mwidhe twembere Musengwa Katonda, mwidhe tumukubire emizira oyo omukuumi era omulokozi waife!

Okuvaayo 18:1

Yethuro omusaadha eyazaalanga muka Musa era nga kabona ow'e Midia, yaawulira byonabyona Katonda bye yakolera Musa, Abaisiraeli boonaboona, n'abantu be, bweyali ng'ali kubatoola mu Misiri.

Okuvaayo 18:12

Agho Yethuro yaataagho ekigheebwayo ekyokebwa kyonakyona okuwaagho, n'emisengo egindi egy'okughaayo eri Katonda. Aaroni n'abakulu ab'ebikunsu mu Isiraeli boonaboona baidha balya ni mukoirume wa Musa mu maiso ga Katonda.

Okuvaayo 18:27

Agho Musa yaasiibula mukoirume we, yaagolola ewuwe mu nsi ye.

Okuvaayo 2:18

Bwe bairayo ye lata waibwe Yethuro, yaababuuza ati: “Musoboire mutya okwira amangu mutyo olwaleero?”

Okuvaayo 2:21

Agho Musa yaabona ng'amaka ag'omusaadha oyo malungi ga kubaamu. Era omusaadha oyo yaamugha mughala we Zippori.

Okuvaayo 3:1

Agho Musa bweyali ng'ali kwaya ebyayo bya Yethuro mukoirume we eyamuzaaliranga mukazi we, era nga Yethuro oyo ni kabona w'e Midia, yabitambuza mu irungu e bugwandhuba yaabituusa ni ku lusozi lwa Katonda olwetebwa Horebu.

Okuvaayo 3:8

era n'okwika mbawonie Abamisiri, mbatoole mu nsi eyo, mbatwale mu nsi enene, engimu era erimu ebirungi kamaala ensi omuli buti Abakanaani, Abahitti, Abamori, Abaperizzi, Abahivi, n'Abayebusi.

Okuvaayo 6:4

Era nakola nabo endagaano okubagha ekiketezo eky'e Kanaani, ekiketezo mwe baabanga ng'abasenze.

Isaia 2:3

abantu abangi abo balikoba bati: “Mwidhe tuje ku lusozi lwa Musengwa Katonda, mu isinzizo lya Katonda wa Isiraeli, atwegerese by'ayenda tukole, era tujiire ku ebyo by'atwegeresa; kuba Musengwa Katonda aba eyo mu Yerusalemu yaayegeresa abantu be, era aba eyo mu Sioni yaayogera n'abantu be.”

Yeremia 50:5

Balibuuza engira eja e Sioni, era baasimba mu ngira eyo nga bakoba bati, ‘Mwidhe tweyimbe ku Musengwa Katonda, tukole naye endagaano ey'ebyanda n'ebyanda, ye tutaja kumenhagho naire.’

Okubala 10:28

Eyo n'ensambo Abaisiraeli ye bairaganangaku nga batambula mu bikunsu byaibwe, buli lwe baasibulangagho weema dhaibwe okuja aghandi.

Okubala 23:19

Katonda talimba, aye abantu balimba; Katonda takyuka, aye abantu bakyuka. Ky'akoba taloba kukikola; ky'ayogera taloba kukituukiriza.

Ebikolwa by'Abatume 7:5

Katonda ti yamugha nsi eyo kuba yiye waire akatundu akatono kati, aye yamusuubiza okugimugha ebe eyiye n'eizaire lye, waire yali nga aziraku mwana.

Amateeka Agokubiri 30:5

yaabata mu nsi eyagheebwa badhaadha baimwe, olwo imwe mugitwale. Era yaabaleetera okuba n'ebirungi kamaala, n'okuba abangi okusinga badhaadha baimwe bwe baali.

Amateeka Agokubiri 4:40

Mukuumenga amateeka ge n'ebiragiro bye, bye ndi kubagha olwaleero, mughange okubanga obukalamu, imwe n'abaana baimwe abaliiragho, era mughangaalire mu nsi, Musengwa Katonda waimwe y'ali kubagha okubanga eyaimwe enaku dhoonadhoona.”

Tito 1:2

ageemereire ku kusuubira obulamu obutawaagho. Katonda oyo ataguya n'eyatusuubiza obulamu obwo okuva eira n'eira.

Abaheburayi 6:18

Agho ni, Katonda bye yasuubiza n'ekirayiro kye, n'ebyo ebintu ebibiri ebitasobola kukyuka, era Katonda by'ataghanga kutuguyaamu. Kale ni, ife abaalumuka nga tunoonia obulumukiro, kitwizaamu inho amaani okunhweza eisuubi eryatugheebwa.

Okwolekebwa 22:17

Mwoyo n'Omugole bakoba bati: “Idha!” N'oyo awulira bino akoba ati: “Idha!” Kiisi ali ndiwo aidhe, era kiisi ayenda maadhi ga bulamu, agafune aghazira kusasula.

Abalamuzi 1:16

Agho baidhukulu b'omusaadha Omukeni, eyali lata wa muka Musa, nga bali ghalala n'ab'ekika kya Yuda, baava e Yeriko, ekibuga eky'emiti eminaazi. Baaja mu irungu lya Buyudaaya eriri mu kiketezo ekikalukalu eky'oku luuyi olw'omukono omusaadha olw'e buvandhuba okumpi ni Aradi. Baasenga eyo mu Bamaleki.

Abalamuzi 4:11

Mu kiseera ekyo, Heberi Omukeni yali yeeyawire ku Bakeni baine, baidhukulu ba Hobabu mwanhina muka Musa. Era yali ng'amaze okusimba weema ye aghali omuti omukologho mu Zonannimu, okumpi n'e Kedeshi.

1 Samueli 15:6

Saulo yaakoba Abakeni ati: “Imwe muje muve mu Bamaleki, ndobe kubazikiriza ghalala nabo, kuba imwe mwagemerwa Abaisiraeli ekivunika bwe baali bava e Misiri.” Kale Abakeni baaja, baava mu Bamaleki.