Okubala 10:17 - Baibuli Ekibono kya Katonda 2014

¹⁷ Eweema ey'Okwagaananirangamu ni Musengwa Katonda bweyasimbulwangagho, ng'ab'ekika kya Gereshoni n'ab'ekika kya Merari bagibbeeda, nga batoolera okutambula.

Okubala 10:17 ပူးပေါင်းရင်းမြစ်များ

1 Ebyomubyanda 23:24

Abo n'ab'omu kika kya Levi ng'enda dhaibwe bwe dhaali, era nga n'abaali abakulu b'enda edho. Enda edho n'edhaavaamu abasaadha abaaba nga bagheziiza emyaka amakumi abiri n'okusingagho, abaabalibwa ni baghandiikibwa, nga n'ab'okukolanga omulimo ogw'okugheereza mu isinzizo lya Musengwa Katonda.

Okubala 1:51

Buli lwe munaagisengulanga, Abalevi n'abanaagisimbulangagho, era buli ghe munaagisimbanga, Abalevi n'abanaagisimbangagho. Atali Mulevi bw'anaagiseetangaku aidha kwitibwanga.

Okubala 10:16

ate Eliabu mutabane wa Heloni yaakulembera ekikunsu eky'ekika kya Zebuluni.

Okubala 10:21

Agho ab'ekika eky'Abalevi abasimuka mu Kohathi baatoolera okutambula nga babbeedie ebintu ebitukuvu. Era baajanga okutuuka mu kifo eky'okusimbamu weema edh'abantu, nga Eweema ey'Okwagaananirangamu ni Musengwa Katonda yaweire ira okusimbwa.

Abaheburayi 12:28

Kale twebazenga olw'okufuna Obwakyabazinga obutatengeesebwa, era tusinzenga Katonda mu nsambo emusiimya, nga tumutaamu ekitiisa era nga tumutya

Abaheburayi 9:11

Aye Kurisito bwe yaidha ng'Omukulu wa Bakabona ow'ebintu ebirungi ebija okwidha, yabita mu weema esinga obukulu n'okutuukirira, etaakolebwa bantu, era etaali ya ku nsi kuno.

2 Petero 1:14

Ndidhi nti ndi kumpi okuva mu mubiri guno, nga Musengwa waife Yesu Kurisito bwe yakindholeka obukalamu.