Okubala 10:12 - Baibuli Ekibono kya Katonda 2014

¹² Abaisiraeli baatoolera olugendo mu bikunsu okuva mu irungu ery'e Sinai. Ekire ekyo kyaja kyayemerera mu irungu ery'e Parani.

Okubala 10:12 ပူးပေါင်းရင်းမြစ်များ

Amainhama 14:6

n'Abahori mu kiketezo kyaibwe Seiri eky'ensozi baababingirira okubatuusa mu Eluparani ku mbali kw'eirungu.

Amainhama 21:21

Yaabanga mu irungu ery'e Parani, era inhina yaamufunira omukazi Omumisiri.

1 Bakyabazinga 11:18

Baava mu Midia, baaja e Parani baatoolayooku abasaadha be baaja nabo e Misiri. Agho baatuuka ye kyabazinga w'e Misiri, yaagha Hadadi ekibandha n'endhu, era yaamughanga n'ensako kwe yalyanga.

Okuvaayo 13:20

Agho Abaisiraeli baava e Sukkothi baatambula baatuuka mu Ethamu ku mbali okw'eirungu, baasimba agho weema dhaibwe.

Habakkuku 3:3

Katonda aidha kwidha kabiri ng'ava e Temani eky'omu Edomu; Omutukuvu oyo aidha kuviira ku nsozi edh'e Parani. Okumesunkana kwe kuja kumaamira eigulu lyonalyona, n'ensi yoonayoona emusaake.

Okubala 1:1

Ku lunaku olusooka mu mwezi ogwokubiri, mu mwaka ogwokubiri kasookanga Baisiraeli bava mu nsi Misiri, Musengwa Katonda yayogera ni Musa, mu irungu ery'e Sinai, mu Weema ey'Okwagaananirangamu ni Musengwa Katonda. Yaamukoba ati:

Okubala 10:33

Kale baava ku lusozi lwa Musengwa Katonda, baatambula olugendo lwa nnaku isatu. Era Esanduuku ey'Endagaano ya Musengwa Katonda yaabeesookangayo emberi olugendo lwa nnaku isatu, okubanooneza ekifo eky'okusimbamu weema dhaibwe.

Okubala 12:16

Ebyo bwe byawa abantu baatoolera okutambula nga baava e Hazerothi, baaja baasimba weema dhaibwe mu irungu ery'e Parani.

Okubala 13:26

Baaja ye Musa ni Aaroni, ni y'Abaisiraeli boonaboona nga beesoloiza e Kadeshi mu irungu ery'e Parani, baabakobera bye baabonayo, era baabooleka ni ku bibala bye baatoolayo.

Okubala 13:3

Kale Musa yaatuma abakulembeze abo ab'ebika mu Isiraeli, nga bali mu irungu ery'e Parani nga Musengwa Katonda bweyalagira.

Okubala 2:34

Kale Abaisiraeli baakola byonabyona Musengwa Katonda bye yalagira Musa. Baasimbanga weema dhaibwe aghali bendera dhaibwe, era baatambulanga, nga buli muntu ajiira mu kika kye ni mu nda ya ise.

Okubala 9:1

Agho Musengwa Katonda yaayogera ni Musa mu irungu ery'e Sinai, mu mwezi ogusooka ogw'omwaka ogwokubiri kasookanga bava mu nsi Misiri.

Okubala 9:17

Ekire ekyo buli lwe kyatoolebwanga ku Weema eyo, ng'Abaisiraeli bavaagho ghe baalinga basimbye weema dhaibwe. Era ekire ekyo bwe kyayemereranga aghantu, ng'Abaisiraeli basimba agho weema dhaibwe kabiri.

Okubala 9:5

Era eigulo ery'olunaku olweikumi n'eina olw'omwezi ogusooka, baakikola nga bali mu irungu ery'e Sinai, nga bajiira ku ebyo byonabyona Musengwa Katonda bye yalagira Musa.

Amateeka Agokubiri 1:1

Bino n'ebibono Musa bye yakoba Abaisiraeli boonaboona, nga bali mu irungu, ku luuyi olw'e buvandhuba olw'omwiga Yorudani. Baali mu kiiko kyagwo okumpi n'ekifo ekyetebwa Sufu, ghagati gh'ekibuga Parani nga kiri ku luuyi olundi, n'ebibuga Tofeli, Labani, Hazerothi ni Dizahabu, nga biri ku luuyi olundi.

Amateeka Agokubiri 1:19

“Twakola nga Musengwa Katonda waife bweyatulagira, twava ku lusozi Sinai. Twatambula okubita mu irungu eryo lyonalyona einene era eritiisa lye mwabona, nga tugemye engira eja mu nsi y'ensozi ey'Abamori, twatuuka e Kadeshi Barinea.

Amateeka Agokubiri 1:7

Mpegaano mukole muje, mweyongere mu lugendo lwaimwe. Muje mu biketezo eby'oku nsozi eby'Abamori, ni mu biketezo byonabyona ebibiriiraine: mu kiiko kya Yorudani, ni mu biiko ebindi, ni mu nsozi, ni mu biketezo ebikalukalu eby'oku luuyi olw'omukono omusaadha olw'e buvandhuba, n'eby'oku Nhandha Eyaghagati. Muje mu nsi y'Abakanaani, ni mu nsozi edh'e Lebanoni, okutuukira irala ku mwiga omukologho Eufurate.

Amateeka Agokubiri 33:2

Yakoba ati: “Musengwa Katonda yava ku lusozi Sinai, yaavaayo ng'oti ndhuba ku Edomu yaatwakira, yaayaka ng'ava ku lusozi Parani, ng'ali ghalala n'omutwalo mulala ogwa bamalaika, ng'ali n'omuliro ogwaka ku luuyi lwe olw'omukono omusaadha.

1 Samueli 25:1

Agho Samueli yaafa. Abaisiraeli boonaboona beesoloza okumulira, baamuziika mu maka ge e Rama. Ebyo olwawa, Daudi yaasitula, yaaja mu irungu ery'e Parani.