Okubala 1:53 - Baibuli Ekibono kya Katonda 2014

⁵³ Aye Abalevi baidha kusimbanga weema dhaibwe okwezungulula Weema ey'Okwagaananirangamu ni Musengwa Katonda, olwo Abaisiraeli balobe kusungughalirwa. Era Abalevi n'abanaabanga n'obuvunaanizibwa ku Weema ey'Okwagaananirangamu ni Musengwa Katonda.”

Okubala 1:53 ပူးပေါင်းရင်းမြစ်များ

1 Ebyomubyanda 23:32

Era baagheebwa ogw'okulabiriranga Eweema ey'Okwagaananirangamu ni Musengwa Katonda, n'Ekifo Ekitukuvu, nga babeeraku baganda baibwe bakabona ab'olulyo lwa Aaroni okugheerezanga mu isinzizo lya Musengwa Katonda.

2 Ebyomubyanda 13:10

Aye ife, Musengwa Katonda oyo ni Katonda waife era titumuvangaku naire. Bakabona be tuli nabo, abamugheereza, ba ku lulyo lwa Aaroni, era bayambibwaku Abalevi.

2 Ebyomubyanda 13:11

Baniokeza obubbaani obuwunha akawoowo eri Musengwa Katonda, baaghaayo n'emisengo egyokebwa gyonagyona okuwaagho, buli nkyo na buli igulo. Baata emigaati egigheereibwayo eri Katonda ku meeza entukuvu, era buli igulo baalabiriranga ekikondo ky'entaala ekya zaabu, okubona ng'entaala dhaaku dhaaka. Ife tukola ebyo Musengwa Katonda waife bye yalagira. Aye imwe mwamuvaaku.

Yeremia 23:15

“Agho ni, nze Musengwa Katonda Afuga Amagye, nkoba abalanzi b'omu Yerusalemu nti: ‘Mubone eno, ndidha kubagha olubiriizi balulye lubakaayire, mbaghe n'amaadhi agalimu eirogo baganhwe; kuba baleeteire abantu boonaboona mu nsi eno obutatya Katonda.’

Yeremia 5:31

Abalanzi balanga bya buguya, ni bakabona bafuga nga bajiira ku balanzi bye balagira, n'imwe abantu bange mwena mwaloba kukitakaniaku naire. Aye mulikola ki ng'enkomerero etuuse?”

Abalevi 10:6

Musa yaakoba Aaroni ni batabane be, Eleazari ni Ithamari, ati: “Mutaloba kusunsula nviiri dhaimwe era mutakanulamu ebivaalo byaimwe okwoleka nga munakughaire. Bwe munaakola ekyo mwidha kufa, era Musengwa Katonda aidha kusungughalira ekikunsu kyonakyona eky'abantu. Aye Baisiraeli banaimwe abandi boonaboona, baikirizibwa okulira olw'okufiirwa okwo, okuleeteibwa omuliro Musengwa Katonda gw'asindiike.

Okubala 1:50

Aye oidha kubagha ogw'okulabiriranga Weema ey'Okwagaananirangamu ni Musengwa Katonda, n'ebikozesebwamu byonabyona. Baidha kugibbeedanga okugitwala n'ebikozesebwamu byonabyona, n'okukolanga emirimo gyamu. Era baidha kusimbanga eweema dhaibwe okugyezungulula.

Okubala 1:54

Kale Abaisiraeli abo baakola byonabyona Musengwa Katonda bye yalagira Musa.

Okubala 16:46

Musa yaakoba Aaroni ati: “Toola ekiniokezebwamu obubbaani ekikyo, okiteemu omuliro okuva ku alutaari era ote obubbaani ku muliro ogwo. Bw'omala okitwale mangu eri abantu okole omukolo ogw'okubatoolaku ebibi; kuba obusungu bwa Musengwa Katonda bumaze okubatuukaku era endwaire embi etooleire okubaita.”

Okubala 16:9

Mukibona nga kintu kitono, Katonda wa Isiraeli okulonda imwe mu bantu be Abaisiraeli boonaboona n'abaseesa okumpi ni mwene, mugheerezenga mu Weema ye era mwemererenga mu maiso g'abantu be abo okubagheereza?

Okubala 17:7

Musa yaata emiigo egyo mu Weema ey'Okwagaananirangamu ni Musengwa Katonda, gha mberi w'Esanduuku ey'Endagaano.

Okubala 2:17

Agho ebikunsu ebyo ebibiri nga bitooleire okutambula, Abalevi boona baidha kutambulanga nga babbeedie Weema ey'Okwagaananirangamu ni Musengwa Katonda, nga bali ghagati ghe bikunsu ebibiri ebisooka n'ebibiri ebiiraku. Ebikunsu biidha kutambulanga nga bijiira ku nsambo ye biiraganwaku mu kifo ghe basimba weema, nga buli kikunsu kinonereza bendera yaakyo.

Okubala 3:23

Abagerashoni abo baali nga bali n'okusimba weema dhaibwe ku luuyi olw'e bugwandhuba ow'Eweema ey'Okwagaananirangamu ni Musengwa Katonda, einhuma waayo.

Okubala 3:29

Abakohathi abo baali nga bali n'okusimba weema dhaibwe ku luuyi olw'omukono omusaadha olw'e buvandhuba olw'Eweema ey'Okwagaananirangamu ni Musengwa Katonda.

Okubala 3:35

Abalevi abasimuka mu Merari oyo baali nga bali n'okusimba weema dhaibwe ku luuyi olw'omukono omugooda olw'e buvandhuba olw'Eweema ey'Okwagaananirangamu ni Musengwa Katonda. Omukulu waibwe nga ni Zurieli mutabane wa Abihaili.

Okubala 3:38

Musa, Aaroni, ni batabane b'Aaroni n'abaali ab'okusimba weema dhaibwe emberi ow'Eweema ey'Okwagaananirangamu ni Musengwa Katonda, ku luuyi lwayo olw'e buvandhuba. Omulimo gwaibwe gwali gwa kulabiriranga emikolo egikolebwa mu Kifo Ekitukuvu olw'Abaisiraeli. Era ng'omuntu owundi yeenayeena agezaaku okukola omulimo ogwo ali n'okwitibwa.

Okubala 31:30

Ku mugabo ogw'Abaisiraeli abandi abasigairegho oidha kutoolaku omuntu mulala mulala ku buli bantu ataanu abanhage, era oidha kukola otyo ku nte, ku ndogoyi, ku ntaama, ku mbuzi, era ni ku nsolo edhindi dhoonadhoona, obighe Abalevi abalabirira Weema ya Musengwa Katonda.”

Okubala 31:47

Ku mugabo ogwo Abaisiraeli abaasigalagho gwe baafuna, Musa yatoolaku omuntu mulala mulala ku buli bantu amakumi ataanu, era yaatoola n'ensolo ndala ndala ku buli nsolo amakumi ataanu, yaabigha Abalevi abalabirira Eweema ya Musengwa Katonda. Musa ekyo yakikola nga Musengwa Katonda oyo bweyamulagira.

Okubala 8:19

Era ntaire Abalevi ng'ekirabo mu mikono gy'Aaroni ni batabane be, bagheerezenga Abaisiraeli mu Weema ey'Okwagaananirangamu ni Musengwa Katonda, era baleeterenga Abaisiraeli abo okutoolebwaku ebibi; balobe kugwirwanga kibamba bwe banaabanga nga baseese kumpi n'Ekifo Ekitukuvu.”

2 Timotheo 4:2

Koberanga abantu ekibono, badeebe oba bakisiima oba tibakisiima, bainhonhole, obanenie era obagumye, obeegerese n'obuguminkiriza.

1 Samueli 6:19

Agho Musengwa Katonda yaita abantu ab'e Bethi Shemeshi nsanvu, olw'okuba baalinga mu Sanduuku ey'endagaano ye. Abantu baalira inho olwa Musengwa Katonda okwita abantu abangi batyo.