Okubala 1:51 - Baibuli Ekibono kya Katonda 2014

⁵¹ Buli lwe munaagisengulanga, Abalevi n'abanaagisimbulangagho, era buli ghe munaagisimbanga, Abalevi n'abanaagisimbangagho. Atali Mulevi bw'anaagiseetangaku aidha kwitibwanga.

Okubala 1:51 ပူးပေါင်းရင်းမြစ်များ

2 Samueli 6:7

Agho Musengwa Katonda yaamutumbukizaaku obusungu bwe ng'oti muliro, yaamwitiragho olw'okwetulinkiriza n'agema ku Sanduuku eyo. Uzza oyo yaafiira agho gha mbali gh'Esanduuku ya Katonda.

Okubala 10:11

Ku lunaku olwamakumi abiri, olw'omwezi ogwokubiri, mu mwaka ogwokubiri kasookanga Baisiraeli bava mu nsi Misiri, ekire ekyo kyatoolebwa ku Weema ey'Okwagaananirangamu ni Musengwa Katonda.

Okubala 16:40

Ekyo kiidha kwidhukizanga Abaisiraeli, ghalobe kubangagho muntu yeenayeena atali kabona wa ku lulyo lw'Aaroni, aseeta mu maiso ga Musengwa Katonda okuniokeza obubbaani; kuba asobola okuzikirizibwa nga Kora ni baine bwe baazikirizibwa. Ebyo byakolebwa nga Musengwa Katonda bweyalagira Eleazari ng'abita mu Musa.

Okubala 17:13

Oba nga buli muntu aseeta okumpi ni Weema ey'Okwagaananirangamu ni Musengwa Katonda ateekwa kufa, olwo twenatwena tituuweegho buwe?”

Okubala 17:5

Omwigo ogw'omuntu ye nnaalonda gwidha kusibuka. Mu nsambo eyo ndidha kulekeza Abaisiraeli okukwemuluguunhizanga.”

Okubala 18:22

Okuva ni mpegaano, Abaisiraeli abandi abatali Balevi bataseetanga kumpi na Weema eyo, olwo balobe kwereetaku kibi kya kubaitisa.

Okubala 18:3

Baidha kukolanga emirimo gy'onaabaghanga era bakolenga n'emirimo egindi egy'omu Weema. Aye bataseetanga kumpi na bintu bikozesebwa mu Kifo Ekitukuvu, oba okuseeta ku alutaari olwo beene n'iwe mulobe kufa.

Okubala 18:4

Baidha kukoleranga ghalala n'iwe, mu kulabiriranga Weema ey'Okwagaananirangamu ni Musengwa Katonda, nga mukola emirimo gyamu gyonagyona. Aye ghatabangagho muntu atali Mulevi, n'aseeta ye muli.

Okubala 18:7

Aye iwe ni batabane bo, niimwe mwenka abanaakolanga emirimo egy'obwakabona egy'oku alutaari n'egy'omu Kifo Ekitukuvu. Mbaghaire obwakabona ng'ekirabo, era omuntu atali Mulevi bw'anaaseetanga okumpi, aidha kwitibwanga.”

Okubala 3:10

Era oidha kutaagho Aaroni ni batabane be abo, bakole obwakabona; aye omuntu owundi yeenayeena agezaaku okukola obwakabona aidha kwitibwanga.”

Okubala 3:38

Musa, Aaroni, ni batabane b'Aaroni n'abaali ab'okusimba weema dhaibwe emberi ow'Eweema ey'Okwagaananirangamu ni Musengwa Katonda, ku luuyi lwayo olw'e buvandhuba. Omulimo gwaibwe gwali gwa kulabiriranga emikolo egikolebwa mu Kifo Ekitukuvu olw'Abaisiraeli. Era ng'omuntu owundi yeenayeena agezaaku okukola omulimo ogwo ali n'okwitibwa.

1 Samueli 6:19

Agho Musengwa Katonda yaita abantu ab'e Bethi Shemeshi nsanvu, olw'okuba baalinga mu Sanduuku ey'endagaano ye. Abantu baalira inho olwa Musengwa Katonda okwita abantu abangi batyo.