Okubala 1:20 - Baibuli Ekibono kya Katonda 2014

²⁰ Amaina ag'abantu abaali nga bagheza emyaka amakumi abiri n'okusingagho, abaali basobola okulwana mu lutalo, gaaghandiikibwa nga gajiira ku bika byaibwe ni ku nda dhaibwe. Baatoolera n'ab'ekika kya Reubeni mutabane wa Yakobo omuberi, obungi bwaibwe nga bwaga buti:

Okubala 1:20 ပူးပေါင်းရင်းမြစ်များ

Amainhama 29:32

Leeya yaatoola enda, yazaala omwana mulenzi, yaamutuuma eriina Reubeni, kuba yakoba ati: “Musengwa Katonda aboine okudaazibwadaazibwa kwange, mpegaano baze aidha kuunhenda.”

Amainhama 35:23

Batabane ba Leeya ni bano: Reubeni omwana wa Yakobo omuberi, ni Simeoni, ni Levi, ni Yuda, ni Issakari, ni Zebuluni.

Amainhama 46:9

ni batabane ba Reubeni: Hanoka ni Pallu, ni Hezironi, ni Karumi.

1 Ebyomubyanda 5:1

Bano n'abaana n'abaidhukulu aba Reubeni omwana omuberi owa Isiraeli. Aye waire nga Reubeni oyo n'eyali omwana omuberi, omugabo gwe ogw'omwana omuberi baagumutoolaku, baagugha abaana ba Yosefu muganda we kuba Reubeni oyo yaba n'owundi ku baka lata we Yakobo mu buliri. Kale mu lukalala olw'obuzaale tiyaghandiikibwa ghe yandibaire ng'omwana omuberi.

Okubala 1:21

Abareubeni baali emitwalo ena na kakaaga na bitaanu (46,500).