Okubala 1:16 - Baibuli Ekibono kya Katonda 2014

¹⁶ Abo n'abakulembeze abaalondebwa okuva mu bantu boonaboona Abaisiraeli, era nga n'abakulu ab'ebika eby'Abaisiraeli.

Okubala 1:16 ပူးပေါင်းရင်းမြစ်များ

Okuvaayo 18:21

Era linga mu bantu boonaboona obone abantu abali n'obusobozi, abatya Katonda, abeesigwa era abatenda kulya nguzi. Olondemu abasobola okukulembera abantu olukumi olukumi, n'abantu ekikumi ekikumi, n'abantu ataanu ataanu, n'abantu eikumi eikumi.

Okuvaayo 18:25

yaalinga mu Baisiraeli boonaboona, yaalondamu abantu abali n'obusobozi, yaabafuula abakulembeze b'abantu olukumi olukumi, n'abantu ekikumi ekikumi, n'abantu ataanu ataanu, n'abantu eikumi eikumi.

Mika 5:2

Musengwa Katonda akoba ati: “Bethelehemu Efuratha, waire oli katono mu bibuga bya Buyudaaya, nja kukutoolamu omufuzi alifuga Isiraeli, ng'ali ku lulyo olw'abantu ab'eira einho abataja kwerabirwa.”

Okubala 1:15

Ow'omu kika eky'Abanafutali ni Ahira mutabane wa Enani.

Okubala 1:17

Musa ni Aaroni baatwala abantu abo aboogeirwaku,

Okubala 1:4

Mu buli kika mwidha kuvaamu omukulu waakyo mukole naye.”

Okubala 10:4

Aye bwe banaafuuwangaku eigwala eirala lyonka, olwo abakulu ab'ebika mu Isiraeli bonka n'abaneesololezanga gh'oli.

Okubala 11:17

Ndidha kwika ndhogere n'iwe agho, era ntoole ku mwoyo oguli ku iwe boona ngubateeku. Olwo babe nga bakubeeraku okwetwika obuvunaanizibwa obw'abantu abo, bulobe kubanga ku iwe wenka.

Okubala 16:2

beesitula nga bali n'abantu ebikumi bibiri n'ataanu, nga bakulembeze mu Isiraeli era nga bamanhiibwa bukalamu.

Okubala 26:9

Eliabu yaazaala Nemueli, ni Dathani, ni Abiramu. Dathani ni Abiramu abo, n'abo abaalondebwa abantu boonaboona okutakania Musa ni Aaroni, era beeyimba ku Kora ni baine, lwe baatakania Musengwa Katonda.

Okubala 30:1

Agho Musa yaakobera abakulu ab'ebika ebya Abaisiraeli ati: “Bino Musengwa Katonda by'alagiire:

Okubala 7:2

Agho abakulembeze mu Isiraeli, abaakuliranga enda dha baiseibwe era abaakulira abo abaabala abantu mu Isiraeli,

Amateeka Agokubiri 1:15

Kale naatoola abakulembeze abagezi era abali n'obumanhirivu mu buli kika, naabataagho okuba abakulu baimwe. Abandi baakulira abantu olukumi olukumi, n'abandi ebikumi ebikumi, n'abandi amakumi ataanu ataanu, n'abandi eikumi eikumi. Naataagho n'abakulembeze abandi mu bika byaimwe.

Abalamuzi 6:15

Gideoni yaamukoba ati: “Wo Musengwa Katonda, nkweghembye ka mbuzeeku: Isiraeli nnaamununula ntya? Ekika kyange n'ekisingayo obunafu mu lulyo lwa Manasse, ate nze, ninze nsembayo obuto mu ndhu ya lata.”

1 Samueli 22:7

Agho Saulo yaakoba abagheereza be abo ati: “Imwe Ababenjamini, muwulire bino: Mulowooza muti mutabane wa Yesse aidha kugha buli muntu ku imwe ebibandha n'amasamba g'emizabbibu? Oba muti mwenamwena aidha kubafuula baduumizi, muduumirenga ebikunsu eby'abaisirukale olukumi olukumi, n'eby'abaisirukale ekikumi ekikumi?

1 Samueli 23:23

Kale ni muje mubonere irala ebifo mw'abwama ni yeegisa, memale mwire nga muli n'amawulire amakakafu. Olwo ndidha kuja n'imwe, era bw'anaaba ng'ali mu kiketezo ekyo, ndidha kumwagaaza mu nkumi n'enkumi edh'Abayudaaya.”