Obadia 1:5 - Baibuli Ekibono kya Katonda 2014

⁵ Abaibi bwe baidha okwiba obwire, batwalaku ebyo bye benda byonka. N'abanoga emizabbibu balekakuuku egindi. Aye iwe abazigu bo baidha kukuzikiriza!

Obadia 1:5 ပူးပေါင်းရင်းမြစ်များ

2 Samueli 1:19

Wo Isiraeli, abakugheesa ekitiibwa babaitiire ku nsozi dho! Abantu ab'amaani bagwire inho!

Isaia 14:12

Iwe emuunienie eyaka einho ku nkyo, oghanwike ku igulu waagwa! Iwe eyaghangulanga amaghanga, buti osuuliibwa ku itaka!

Isaia 17:6

Abantu abalisigalagho mu Isiraeli baliba batono inho, ng'oti n'omuti omwoliva gwe banozeeku emyoliva, ni gusigazaaku ebiri oba esatu ghaigulu ku busanso bw'ensaga obusembayo, oba ni gusigazaaku ena oba etaanu ku nsaga dhaagwo edha ghansinsi. Nze Musengwa Katonda wa Isiraeli ntyo bwe nkobye.

Isaia 24:13

Kityo bwe kiriba mu maghanga goonagoona ag'omu nsi. Kiriba ng'oti ni mu biseera eby'amakungula nga bamaze okukuba ebibala okuva ku miti emyoliva, n'okunoga emizabbibu egisembayo.

Yeremia 49:9

Abantu bwe baba banoga emizabbibu balekakuuku egindi, n'abaibi bwe baidha okwiba obwire batwalaku ebyo bye benda byonka.

Yeremia 50:23

Ensi Babilonia yakontakontanga amaghanga agandi goonagoona ag'omu nsi, ng'oti nhundo, yaagamaniangula. Aye yoona mperaano bagikonsekonse baagimaniangula. Era amaghanga goonagoona gatiire inho olw'ebyo ebigituuseeku.

Yeremia 6:9

Agho Musengwa Katonda Afuga Amagye yankoba nze Yeremia, ati: “Ng'omunozi w'emizabbibu bw'airayo einhuma okulonderera egyo egiba gisigaireyo, weena otyo bw'oidha okwirayo einhuma osoloze Abaisiraeli abaliwonagho bawonezebwe.”

Okulira 1:1

Ha, ekibuga ekyaidhulanga abantu kamaala, kyasigalira kweinhamira. Ekibuga ekyateebwangamu ekitiisa ensi yoonayoona, buti kiri ng'oti namwandu! Ekyalinga ng'oti ni muka omufuzi, buti kyafuuka ng'oti mukazi mwiru.

Obadia 1:9

Abalwani ab'omu Temani baja kutya badhugumire, era kiisi mulwani wa Edomu yeenayeena aja kwitibwa.”

Mika 7:1

Nkagwireku nze! Ndi oti n'omuntu ali endhala aja ku muti ogw'ebibala n'ayagaana nga baagumalaku, era n'aja ku mizabbibu nga kwona baaginogaku. Olwo yaaba ng'asubiibwa obuwoomi bw'emizabbibu n'obw'ebibala eby'emitiini ebisookereza okwenga!

Zefania 2:15

Ebyo n'ebija okutuuka ku kibuga ekyali kyeidhi nga n'ekirigho kyonka, era nga kirowooza kiti ezira kibuga kindi kyaga nakyo bukologho. Aye kija kuzikirira kifuuke ekifo ensolo edh'omu nsiko ghe dhisula. Buli muntu anaakibitangaku, aneesimoozanga era yaata omukono mu nkoto yeinhamira.

Amateeka Agokubiri 24:21

Bwe munaamalanga okukungula emizabbibu mu masamba gaimwe, mutairangayo kulonderera gisigairemu. Egyo mwidha kugirekerenga basenze, ni bamulekwa, ni banamwandu.

Okwolekebwa 18:10

Balyemerera ghalaku olw'okutya okudaagadaaga kwe, baakoba bati: “Okagwireku, okagwireku iwe Babiloni ekibuga ekikologho! Iwe ekibuga eky'amaani! Ozikiriziibwa mu saawa busaawa eti!”