Obadia 1:19 - Baibuli Ekibono kya Katonda 2014

¹⁹ Abaisiraeli ab'omu kiketezo ekikalukalu eky'oku luuyi olw'omukono omusaadha olw'e buvandhuba, baja kunhaga Edomu. Ab'omu biketezo eby'omu biiko baja kutwala ekiketezo Filisitia. Abandi baja kutwala ebiketezo Efuraimu ni Samaria. Olwo Ababenjamini batwale ekiketezo Gileadi.

Obadia 1:19 ပူးပေါင်းရင်းမြစ်များ

2 Bakyabazinga 17:24

Agho kyabazinga w'e Assiria yaasengula abantu okubatoola mu bibuga, Babiloni, ni Kutha, ni Avva, ni Hamathi, ni Sefarivaimu. Yaabatwala okubasenza mu bibuga bya Samaria, mu kifo ky'Abaisiraeli. Abantu abo baatwala ensi Samaria yaaba yaibwe, baabanga mu bibuga byayo.

1 Ebyomubyanda 5:26

Agho Katonda wa Isiraeli yaasiikuula enzigu mu mwoyo gwa Puli kyabazinga w'e Assiria, eriina lye erindi nga ni Tigulathi Pileseri, yaaja yaatwala mu bunhage Abareubeni, n'Abagadi, n'ekitundu ku Bamanasse. Yaabatwala e Hala, n'e Habori, n'e Hara, ni ku mwiga Gozani, baabeera irala eyo ni ye buli eno.

Ezera 4:17

Kyabazinga yaabairamu mu bughandiike ati: “Ya Rehumu omufuzi, ni Shimushai omughandiisi, ni bakagwa baimwe abandi boonaboona ababa mu Samaria ni mu biketezo ebindi ebiri ere ng'osomoike omwiga Eufurate. Mbalamwisa inho.

Ezera 4:2

Kale baaja ye Zerubbabeli ni y'abakulu ab'enda dha baiseibwe, baabakoba bati: “Ka tubeeyimbeku tuzimbire ghalala endhu ya Katonda kuba twena tusinza Katonda waimwe nga imwe bwe mukola, era tubairenga tughaayo emisengo y'ali okuviira irala mu biseera bya kyabazinga Esarahaddoni ow'e Assiria, eyatuleeta ghano.”

Zabbuli 69:35

Katonda aliwonia Sioni abazigu, yairamu okuzimba ebibuga bya Yuda, abantu be baabityamangamu nga byaibwe ku bwaibwe.

Yeremia 32:44

Abantu baidha kugulanga ebibandha, batenga ku ndagaano emikono era badhisibengaku obumanhiso nga ghaligho n'abadhulizi. Ebyo biidha kubangagho mu biketezo bya Benjamini, ni mu byalo ebyezungulwire Yerusalemu, ni mu bibuga eby'omu Buyudaaya, ni mu bibuga eby'omu biketezo eby'oku nsozi, ni mu bibuga eby'omu biketezo eby'omu biiko, ni mu bibuga eby'omu biketezo bya Buyudaaya ebikalukalu ebiri ku luuyi olw'omukono omusaadha olw'e buvandhuba. Ndiizaagho abantu mu nsi yaibwe, naabaleetera ebintu kabiri okubajiiranga obukalamu. Nze Musengwa Katonda, ninze nkobye.”

Yeremia 49:1

Bino Musengwa Katonda bye yakoba ku nsi Ammoni, ati: “Abantu ab'omu Isiraeli bali gha? Ezira muntu asobola kulwanirira nsi yaibwe? Lwaki baaleka abantu abasinza omusambwa Milikomu okutoola ekiketezo eky'ab'ekika kya Gadi ni bakifuula ekyaibwe?

Ezekieli 25:16

nze Musengwa Katonda kyenva nkoba nti, ndigolola omukono gwange naabonereza ensi Filisitia eyo naagimalamu abantu. Ndizikiriza n'abaliba basigairegho mu kiketezo eky'oku nhandha.

Ezekieli 36:28

Olwo mwabanga mu nsi ye nagha badhaadha baimwe, era mwabanga bantu bange, nze naaba Katonda waimwe.

Amosi 1:13

Musengwa Katonda akoba ati: “Abantu ab'omu Ammoni bakoze ebibi emikuzi kamaala. N'olw'ensonga eyo nteekwa buteekwe okubabonereza kuba, mu ntalo dhe baalwana okugaziya ekiketezo kyaibwe, baasalanga amabunda g'abakazi be baayagaananga nga bali nda mu Gileadi.

Amosi 1:8

Era nja kuzikiriza abafuzi ababa mu bibuga Ashidodi ni Ashikeloni, era mbonereze ekibuga Ekuroni, n'Abafilisiti abaliba bawoniegho bazikirire.”

Amosi 9:12

Olwo Abaisiraeli baghangule ebiketezo by'ensi Edomu ebisigairegho, ghalala n'amaghanga agandi goonagoona agaali gamanhiibwa nga gange, nga gafugibwa Baisiraeli.” Atyo Musengwa Katonda bw'akoba, aja okutuukiriza ekyo.

Mika 7:14

Wo Musengwa Katonda, ife abantu bo be weerondera okuba ababo ku bubwo, tulabirire ng'omwayi bw'agema omwigo n'alabirira entaama dhe. Waire tuli eyo twenka mu irungu, aye ensi etwezungulwire ngimu. Tuleke tuje tukozese ebiketezo by'e Bashani n'e Gileadi ebigimu obulungi nga bwe twakolanga eira.

Okubala 1:32

Abantu abaava mu Yosefu ab'ekika eky'Abaefuraimu

Yoshua 13:25

Ekiketezo kyaibwe kyali kitwalizaamu Yazeri, n'ebibuga bya Gileadi byonabyona. Era kyatwalizaamu ekitundu eky'ekiketezo eky'Abammoni okutuukira irala ku Aroeri ekiri e buvandhuba wa Rabba.

Yoshua 13:31

Era kyatwalizaamu ekitundu ku Gileadi, era kyatwalizaamu ebibuga bino: Ashitarothi ni Edurei ebibuga bino kyabazinga Ogi owa Bashani mwe yafugiranga. Bino byonabyona byagheebwa edhindi ku nda edha baidhukulu ba Makiri mutabane wa Manasse.

Yoshua 15:21

Ku luuyi olw'omukono omusaadha olw'e buvandhuba aghasemberayo irala era ng'oyolekeire ensalosalo ni Edomu, baagheebwayo ebibuga bino: Kabuzeelo, Ederi, Yagura,

Yoshua 15:33

Mu kiketezo eky'omu kiiko, baagheebwayo ebibuga bino: Eshitaolo, Zora, Ashina,