Obadia 1:18 - Baibuli Ekibono kya Katonda 2014

¹⁸ Abantu ab'oku nda ya Yakobo n'ab'oku nda ya Yosefu baliba ng'oti muliro, ate ab'oku nda ya Esau baaba ng'oti isubi ikalu. Omuliro ogwo guliryokya gwalimalagho, olwo ghabulegho awonagho waire omulala ati ku b'oku nda ya Esau. Nze Musengwa Katonda ninze ndhogeire.

Obadia 1:18 ပူးပေါင်းရင်းမြစ်များ

2 Samueli 19:20

kuba nze omugheereza wo ndidhi nga nayonoona. Kyova obona nga ndidhie olwaleero luno, nga ninze asoose okuva mu ndhu yoonayoona eya Yosefu okwidha okukusangaaza iwe Isebantu kyabazinga.”

Okuvaayo 5:12

Kale abantu baasaatuukira mu biketezo byonabyona ebya Misiri nga baagala eisubi.

Isaia 10:17

Musengwa Katonda oyo eitaala lya Isiraeli aliba omuliro, Katonda oyo Omutukuvu wa Isiraeli yaaba enimi edh'omuliro; ogulyokya ni gusaaniagho mu lunaku olulala, abo boonaboona abali ng'oti n'amawa n'enkandwa.

Isaia 31:9

Kyabazinga waibwe alitya inho yaalumuka. N'abakungu baibwe baalumuka, era nga bali mu kabuguutano ako, baalekulira agho bendera dhaibwe edh'omu lutalo.” Musengwa Katonda oyo abantu ye basinziza mu Sioni, era ye bookera emisengo mu Yerusalemu, atyo bw'akobye.

Isaia 47:14

Bona eno, abo baliba ng'oti isubi ikalu, omuliro gwabookya okubasaaniagho. Tibalisobola kwewonia kubbeibbera kwa muliro gwa maani gutyo. Tiguliba gwa kisuusu abantu gwe batyama agho ni boota.

Isaia 5:24

Kale ni ng'omuliro bwe gumamula ebikaba, n'eisubi eikalu ni liya okuweekereragho, boona ebyo bye beesiga bwe birivunda, n'ebyo bye bakola byafuumuuka ng'oti nkungu; kuba baaloba amateeka ga Musengwa Katonda Afuga Amagye, baanhooma ekiragiro eky'Omutukuvu wa Isiraeli.

Isaia 9:18

Ebyonoono by'abantu byokya ng'oti muliro, ogusaaniagho enkandwa n'amawa; ni gumamula ebibira, ni guvaamu ebire eby'omwosi ebiri ng'oti mpango, era ni gunioka nga guja ghaigulu.

Isaia 9:19

Olw'ekiruyi Musengwa Katonda Afuga Amagye ky'ali nakyo, ensi ekunaine omuliro, abantu baaba ng'oti n'enku dhe guli kwokya, ghaabulagho omuntu waire omulala ati asaasiraku muganda we n'aloba kumukola kabi.

Yeremia 11:23

Namala okutaagho ekiseera mwe ndisindikira akabi ku bantu abo ab'omu Anathothi, era ekiseera ekyo bwe kirituuka ghazira ku abo aliwonagho.”

Ezekieli 37:16

“Iwe omuntu, toola omwigo ogughandiikeku oti, ‘Gwa Yuda ni Baisiraeli baine.’ Kabiri otoole n'ogundi ogughandiikeku oti, ‘Gwa Yosefu ni Baisiraeli baine, era ng'ogwo n'omwigo gwa Efuraimu.’

Ezekieli 37:19

oidha kubakoba oti nze Musengwa Katonda ndi kukoba nti: Bona, ndi kumpi okutoola omwigo gwa Yosefu, era ng'ogwo n'omwigo gwa Efuraimu ni Baisiraeli baine, ngute ghalala n'ogwa Yuda, gyombi ngifuule omwigo mulala, ngugeme mu ngalo.

Yoeli 2:5

Dhituumiratuumira ku ngulu kw'ensozi nga dhivuuma ng'oti n'okupakalania okw'ebigaali eby'omu lutalo; era ng'oti n'okutulikatulika okw'eisubi eikalu nga liri kumamulwa omuliro. Dhisimbye enhiriri ng'oti igye lya maani eryetegeike okulwana.

Amosi 1:8

Era nja kuzikiriza abafuzi ababa mu bibuga Ashidodi ni Ashikeloni, era mbonereze ekibuga Ekuroni, n'Abafilisiti abaliba bawoniegho bazikirire.”

Amosi 5:15

Mukyaghe ebibi, mugonze ebirungi. Musalenga mu mazima mu mbuga dhaimwe edh'amateeka. Oba katyo Musengwa Katonda Afuga Amagye, yaakagemerwa abaliwonagho ku Baisiraeli ekivunika.

Amosi 6:6

Munhwa amabuga amalamba ag'omwenge ogw'emizabbibu, era mwesiiga ebizigo ebisinga kuba birungi, aye mwaloba kulumirwa nsi Isiraeli ezikiriire.

Obadia 1:16

Abantu bange baanhwa ekikopo ekikaagha eky'okubonerezebwa, ku lusozi lwange olutukuvu. Aye amaghanga goonagoona ageezungulwire ghano, gaja kunhwa ekikopo eky'okubonerezebwa ekisingaku agho okukaagha. Bwenebwene gaja kukinhwa kyonakyona era gamale gazikirire.”

Mika 5:8

Abaisiraeli abo abaliwonagho eyo mu maghanga, baliba ng'oti n'empologoma eri kuyiiga ensolo edh'omu nsiko mu kibira, oba eri kuyiiga entaama mu kyayiro. Kiisi y'etuukaku egituumiraku yaagikankanula nga ghazira isuubi lyonalyona lya kuwona.

Nahumu 1:10

Waire muli ng'oti n'amawa amakaadaanie, era mwaba ng'oti n'abanhwi b'omwenge abatamiire, muja kusaanagho ng'eisubi eikalu bwe limamuka n'omuliro.

Zekaria 12:6

“Mu kiseera ekyo ndireetera ebika eby'omu Buyudaaya okuba ng'oti n'omuliro gwe bakunaaniiza mu mmungo y'enku, oba mu binhwa by'engaano. Birizikiriza amaghanga goonagoona agabyezungulwire agho. Aye abantu b'omu Yerusalemu balisigala nga ghazira kabi kabatuuseeku naire.

Malaki 4:1

Musengwa Katonda Afuga Amagye akoba ati: “Olunaku luli kwidha abo abeetwala okuba aba ghaigulu n'abakozi ab'ebibi, lwe baliya ng'oti isubi ikalu. Ku lunaku olwo baliya ensaga n'emizi, okutuuka okuweekereragho.

1 Ab'e Korintho 3:12

Ole asobola okuzimbira ku musingi ogwo: zaabu, oba feeza, oba amabaale ag'omughendo, oba emiti, oba eisubi oba eisandha.