Obadia 1:12 - Baibuli Ekibono kya Katonda 2014

¹² Ti niiwe owandisekereire ab'oluganda bo ab'e Buyudaaya, ng'obona ebintu biri kubajiira bubi bityo. Ti niiwe owandisagambye ku lunaku lwe wabona ng'Abayudaaya bali kuzikirizibwa; kuba bwenebwene, iwe oseka otya nga beene bali mu bughafu?

Obadia 1:12 ပူးပေါင်းရင်းမြစ်များ

Yobu 18:20

E buvandhuba n'e bugwandhuba, abaliwulira ebimutuuseeku, baligemwa entiisa baatya inho.

Yobu 31:29

Tisangaalirangaku kuzikirira kw'oyo ankyaye, oba okusagamba ng'akabi kamugwiriire.

Zabbuli 22:17

Amagumba gange goonagoona geegeze, abazigu baaningaku baaneerolera.

Zabbuli 31:18

Sirisa abaguya abo kuba baidhwire okwebona. Boogera bubi ku bantu abatuufu nga babanhoomerera.

Zabbuli 35:15

Aye lwe nagwa mu bizibu, beene baasangaala busangaale, beesoloza, baaneezungulula, bankongoola, ni be nali tiidhi bankuba nga tibalekera naire.

Zabbuli 37:13

Aye Musengwa Katonda asekerera omubi, kuba aidhi ati olunaku lwe tiruli ghala.

Zabbuli 54:7

Wamponia wantoola mu bizibu byange byonabyona, naabona abazigu bange nga baghangwirwa.

Zabbuli 59:10

Katonda wange olw'okungonza einho, aliidha yambeera, naabona abazigu bange nga baghangwirwa.

Zabbuli 92:11

Mboine n'amaiso gange okugwa okw'abazigu bange, era naawulira n'amatu gange okulira okw'ababi abo abaanumbagana.

Ensambo 17:5

Omuntu akiina abaavu aba ali kuvuma Katonda eyabatonda; n'oyo asekerera abali mu bizibu taliroba kubonerezebwa.

Isaia 37:24

Otumye abakwenda bo okuneesuutiraku nze Musengwa Katonda, nga bakoba nga bwe wakozesa ebigaali byo eby'omu lutalo, n'oghangula ensozi dhoonadhoona endeeyi edh'omu Lebanoni. Weesuuta ng'eyo bwe watemayo emivule egisinga obuleeyi, era waatemayo n'emiti emisipuressi egisinga bulungi. Waakoba nga bwe waingirira irala mu bibira, mu kitundu ekisinga kuba kizibirivu.

Okulira 2:16

Abazigu baimwe boonaboona babaziimuula, beesiimooza, baaluma emba nga bakoba bati: “Otyo, tukizikiriiza! Olunaku luno lulongoire lwatuuka twalubonaku, tubaire tumaze entangama nga tuluteegereire.”

Okulira 4:21

Imwe abantu ab'e Edomu n'imwe ababa mu Uzi museke inho era musagambe inho nga mukaali. Aye olwaimwe luli kwidha, lwe muligemesebwa ekikopo eky'obusungu bwa Musengwa Katonda. Mulikinhwa mwatamiira mwatoolera n'okubita amadu.

Ezekieli 35:12

Olimanha nga nze Musengwa Katonda nawulira byonabyona bye wayogera ng'onhooma ensozi dh'omu Isiraeli, oti dhaalekebwa agho dhityo nga dhiri bifulukwa byereere, era oti dhaakugheebwa iwe odhinhage.

Ezekieli 35:15

ng'oti niiwe bwe wasagamba nga Isiraeli, ensi yange, erekeibwa agho etyo ng'eri bifulukwa byereere. Olusozi Seiri ndidha kulukolaku n'ensi Edomu yoonayoona ngikoleku, birekebwe agho bityo nga biri bifulukwa byereere. Olwo balimanha nga ninze Musengwa Katonda.”

Ezekieli 36:5

“Nze Musengwa Katonda kyenva ni nkoba nti ndi kwogeza busungu bwereere eri amaghanga goonagoona, n'okusingira irala Edomu, olw'enkikidi ye ndi nayo ku lw'abantu bange. Amaghanga ago gaanhaga ensi yange gaagifuula eyaago ku bwago, era gaaginhagulula mu masanhu amangi n'obunhoomi obubitirivu.

Mika 4:11

Amaghanga kamaala geesoloiza okubalumba, nga gakoba gati: “Yerusalemu kizikirizibwe, tukibone nga kisigaire bifunfugu byereere.”

Luka 19:41

Agho Yesu yaatuuka okumpi n'ekibuga, bwe yakibona yaalira.

Yakobo 3:5

N'olulimi bwe luli: kantu katono ku mubiri aye keesuutira mu bintu kamaala. Ogubira ni bwe gwaga gha, kaba kaliro katono kaagwokya.

2 Petero 2:18

Mu busiru bwaibwe baasiikana nga beesuuta, era baakozesa obudankaanu bwaibwe obw'omubiri okusendasenda abo abaakava obuve mu bantu abakaali mu nsobi.

Yuda 1:16

Abantu bano buli kaseera baba mu kutolooma olw'obutasiima, bageyigeyi, bajiira ku kwegomba kwa mibiri gyaibwe, beesaaka era baasuutiriza abantu nga bali ni kye babendaku.

Okwolekebwa 13:5

Ekisolo kyagheebwa omunwa, kyesaakasaaka era kyavuma Katonda era kyaikirizibwa okuba n'obuyinza okumala emyezi amakumi ana n'ebiri (42).

1 Samueli 2:3

Mulekere agho okwogera nga mwesuuta, mukomye ebibono eby'okwesaaka; kuba Musengwa Katonda ni Katonda aidhwire okumanha, era alamula ebikolwa eby'abantu.