Obadia 1:11 - Baibuli Ekibono kya Katonda 2014

¹¹ Ku lunaku olwo wayemerera ku mbali, waalingirira ng'abazigu bamenha endhigi edh'emiryango egingira mu Yerusalemu. Waaba mubi okwagayaga n'abagwira abo, abaaja n'eby'obukombe bye baatoola mu Yerusalemu, ni babigabana beene na beene.

Obadia 1:11 ပူးပေါင်းရင်းမြစ်များ

2 Bakyabazinga 25:11

Agho Nebuzaradani oyo yaabatwala e Babilonia mu bunhage, abantu abaali basigaire mu kibuga, n'abo abaali beeghaireyo ni baira ku luuyi lwa kyabazinga w'e Babilonia, era n'abandi boonaboona.

Zabbuli 137:7

Wo Musengwa Katonda, idhukira Abaedomu kye baakola ku lunaku Abababilonia lwe baagema Yerusalemu. Baakobanga bati: “Mu kisaaniegho kyonakyona. Mutuukire irala ku musingi!”

Zabbuli 50:18

Bwemubona omwibi, ng'oyo afuuka mukagwa waimwe, era omwenzi mumwaniriza.

Zabbuli 83:5

Bwenebwene beekobaana eky'okudheema, era beeyimba baakola endagaano ey'okukwesonsaaku.

Zabbuli 83:6

Abazigu abo ni bano: Abaedomu, Abaishimaeli, Abamoabu, Abahagari,

Ezekieli 35:10

“Wakoba oti eighanga Buyudaaya ni Isiraeli, gombi gago ghalala n'ebiketezo byago, waire nga nze Musengwa Katonda waibwe nali nga ndigho.

Yoeli 3:3

Baakubira obululu ku bantu bange, baaghaayo abalenzi okusasulira abakazi bamalaaya, era baaghaayo abaghala okubagulamu omwenge, era baagunhwa.

Amosi 1:6

Musengwa Katonda akoba ati: “Abantu ab'e Filisitia bakoze ebibi emikuzi kamaala. N'olw'ensonga eyo nteekwa buteekwe okubabonereza kuba baatwala abantu ab'eighanga eiramba nga banhage, baabatunda mu Edomu babe abairu.

Amosi 1:9

Musengwa Katonda akoba ati: “Abantu ab'e Tiro bakoze ebibi emikuzi kamaala. N'olw'ensonga eyo nteekwa buteekwe okubabonereza kuba baatwala abantu ab'eighanga eiramba mu bunhage mu nsi Edomu, baaloba kukuuma ndagaano ye baakola.

Nahumu 3:10

Aye waire kyali kityo, abantu b'omu kibuga ekyo Thebesi baabatwala mu bunhage. Abaana baamu abato baabakuba ghansi mu buli maagaanana gaakyo baabasekembula okutuusa okufa. Abantu baamu ab'ekitiisa baasibwa ku ndhegere era baakubwaku akalulu okusalagho abe abatwale.

Zefania 2:10

Ekyo n'ekija okuba ekibonerezo eky'Abamoabu n'Abammoni olw'okwekuluntaza kwaibwe, n'olw'okuvuma n'okwesuutira ku bantu ba Musengwa Katonda afuga amagye.