Obadia 1:10 - Baibuli Ekibono kya Katonda 2014

¹⁰ “Edomu, oidha kuzikirizibwa era onhoomebwenga ebyanda n'ebyanda; kuba wanhaga ebintu eby'aboluganda bo, ab'enda ya Yakobo, era waabaita.

Obadia 1:10 ပူးပေါင်းရင်းမြစ်များ

Amainhama 27:11

Aye Yakobo yaakoba Rebekka inhina ati: “Oidhi nga muganda wange Esau aliku obuviiri ku mubiri gwe, aye nze nziraku.

Amainhama 27:41

Esau yaakyagha Yakobo olw'enkabi ise dhe yamusabira. Esau yaakoba mule ati: “Enaku edh'okulira nga bbaaba afiire, dhiri kumpi kutuuka. Bwe dhirituuka, ndiita muganda wange Yakobo.”

2 Ebyomubyanda 28:17

kuba Abaedomu baali kabiri nga balumbye ab'omu Buyudaaya, baabaghangula era baatwala n'abasibe.

Zabbuli 109:29

Abazigu bange bagwananga baanhoomebwa, baidhula ensoni edhitabavaaku ng'oti kivaalo.

Zabbuli 132:18

Abazigu be nja kubaswaza, aye obwakyabazinga bwe buja kusigala nga bukaaligho.”

Zabbuli 137:7

Wo Musengwa Katonda, idhukira Abaedomu kye baakola ku lunaku Abababilonia lwe baagema Yerusalemu. Baakobanga bati: “Mu kisaaniegho kyonakyona. Mutuukire irala ku musingi!”

Zabbuli 69:7

Ku lulwo abantu banvuma, era tikaayala na mu bantu.

Zabbuli 89:45

Omuleeteire okukairigha ng'akaali muto, waamuleetera okuswala einho.

Ensambo 10:6

Abantu abatuufu bafuna enkabi, aye ababi boogera nga bagisa obukambwe obubaidhwire.

Ensambo 17:5

Omuntu akiina abaavu aba ali kuvuma Katonda eyabatonda; n'oyo asekerera abali mu bizibu taliroba kubonerezebwa.

Yeremia 12:14

Agho Musengwa Katonda yaakoba ati: “Kino kye ndidha okukola ab'omu maghanga agaliiraine Isiraeli agoonoona ensi ye nagha abantu bange Abaisiraeli. Ndidha kubatoola mu nsi dhaibwe, ng'oti n'omuntu bw'aiwululagho ekisimbe n'emizi gyakyo. Era ndiwonia Abayudaaya naabatoola mu ngalo dh'abantu abo ababi.

Yeremia 3:25

Twidha kulambaala mu nsoni, okuswala kwaife kutubwike ng'oti mwebwiko kuba ife ni badhaadha baife twakola ebibi eri Musengwa Katonda waife, okuva mu buto okutuusa ni ye buli eno, twaloba kugondera Musengwa Katonda waife by'akoba.”

Yeremia 49:13

Nze ndayira mu liina lyange mwene nti ekibuga Bozira kirifuuka ekintu ekitiisa einho, abantu baakisekerera era baakozesa eriina lyakyo ng'ekikolimo. Ebyalo byonabyona ebikiri okumpi birifuuka bifulukwa byereere eby'olubeerera. Nze Musengwa Katonda, ninze nkobye.”

Yeremia 51:51

Imwe mukoba muti, ‘Baatuvuma era baatuswazaswaza inho. Ensoni dhaatugema ira, kuba abagwira bangira baatwala ebifo ebitukuvu eby'omu isinzizo.’

Okulira 4:21

Imwe abantu ab'e Edomu n'imwe ababa mu Uzi museke inho era musagambe inho nga mukaali. Aye olwaimwe luli kwidha, lwe muligemesebwa ekikopo eky'obusungu bwa Musengwa Katonda. Mulikinhwa mwatamiira mwatoolera n'okubita amadu.

Okulira 4:22

Imwe ab'omu Sioni ekibonerezo kyaimwe olw'okwonoona kiwoire, Musengwa Katonda takaayongera kubakuumira mu bunhage. Aye imwe Abaedomu, Musengwa aja kwoleka okwonoona kwaimwe era ababonereze.

Ezekieli 35:9

Ndikuleetera okusigala agho otyo ng'oli bifulukwa byereere ebyanda n'ebyanda, n'ebibuga byo byaloba kwirayo kubangamu bantu. Olwo mulimanha nga ninze Musengwa Katonda.

Ezekieli 7:18

Balivaala ekutiya baadhugumira olw'okutya, baamwa emitwe gyaibwe okugimaliriraku enviiri ng'oti mpaata, n'ensoni dhaabagema baaswala.

Yoeli 3:19

Ensi Misiri erifuuka irungu, n'ensi Edomu yaafuuka bifulukwa byereere; kuba abantu b'omu nsi edho baalumba Buyudaaya, baita abantu abaziraku musango.

Amosi 1:11

Musengwa Katonda akoba ati: “Abantu ab'e Edomu bakoze ebibi emikuzi kamaala. N'olw'ensonga eyo nteekwa buteekwe okubabonereza kuba baayiiga baganda baibwe Abaisiraeli, baabaita aghazira kusaasira naire. Era obusungu bwaibwe bwaloba kukendeeraku naire, aye baabusiba ku mwoyo enaku dhoonadhoona.

Mika 7:10

Ekyo abazigu baife baidha kukibona baswale abo abaatuyeeyerezanga nga bakoba bati: “Musengwa Katonda waimwe ali gha?” Tulisangaala okubona nga batyankirirwa mu nguudo ng'oti bityanka!

Amateeka Agokubiri 23:7

“Mutanhoomanga Baedomu, kuba baluganda n'imwe. Mutanhoomanga Bamisiri, kuba mwaliku basenze mu nsi yaibwe.

Amateeka Agokubiri 23:8

Baidhukulu baibwe okuva ku luse olwokusatu n'okweyongerayo, banaikirizibwanga okubalirwa mu bantu ba Musengwa Katonda.”