Nehemia 9:36 - Baibuli Ekibono kya Katonda 2014

³⁶ Bona, mperaano tuli bairu bwiru mu nsi ye wagha badhaadha baife okubangamu n'okulyanga ebibala byamu, n'ebirungi ebindi ebigirimu byonabyona.

Nehemia 9:36 ပူးပေါင်းရင်းမြစ်များ

2 Ebyomubyanda 12:8

kuba bwenebwene Shishaki oyo aidha kubaghangula basobole okubona endhawulo ghagati gh'okugheereza nze n'okugheereza bakyabazinga ab'ensi.”

Ezera 9:9

Tuli bairu, aye era Katonda waife tatulekuliire agho mu bwiru bwaife. Atwoleike nga bw'atugonza obutalekera, yaaleetera bakyabazinga b'e Perusia okutugonza, baatulekagho nga tukaali balamu. Olwo tusobole okuzimbira Katonda waife oyo eisinzizo lye eryali lyonooneibwa, era atukuumenga ng'atuwonia abazigu mu Buyudaaya ni mu Yerusalemu.

Okulira 5:4

Buti tuli n'okusasulira amaadhi ge tunhwa era n'enku dhe tufumbisa.

Okulira 5:5

Batusindiikiriza bya ntaka ng'ate tuli n'ebikoligo mu nkoto; ni bwetukoogha tutya tibatuganha kuwolaku.

Amateeka Agokubiri 28:48

Kale ni aidha kubasindikiranga abazigu, imwe mufuuke bagheereza baibwe, endhala n'endiwo bibalumenga, nga muli madu era nga muzira kintu kyonakyona kye muli nakyo. Musengwa Katonda oyo aidhanga kubaleetera okutuntuzibwa einho, okutuusa lwe mulizikirizibwa.