Nehemia 9:32 - Baibuli Ekibono kya Katonda 2014

³² Wo Katonda waife omukologho, oli w'amaani era wa ntiisa. Iwe okuuma endagaano era waagonza abantu obutakoma. Agho ni, ebizibu byonabyona ebyatwidhira, ife ni bakyabazinga baife, n'abakungu baife, ni bakabona baife, n'abalanzi baife, ni badhaadha baife, n'abantu bo boonaboona, okuviira irala ku byanda bya bakyabazinga ba Assiria, okutuusa ni ye buli eno, otabitwala ng'ekintu ekitono.

Nehemia 9:32 ပူးပေါင်းရင်းမြစ်များ

1 Bakyabazinga 8:23

Yaakoba ati: “Wo Musengwa Katonda wa Isiraeli, ezirayo katonda ali ng'oti niiwe, k'ebe ghaigulu mu igulu oba ghansi ku nsi; kuba iwe okuuma endagaano y'okola n'abantu bo era waabagonza obutalekera, kasita bagumira ku iwe n'omwoyo gwaibwe gwonagwona.

2 Bakyabazinga 15:19

Agho Puli kyabazinga w'e Siria, yaalumba Isiraeli. Menahemu yaagha Puli oyo kilo emitwalo amakumi asatu n'ena (340,000) edha feeza, olwo Puli oyo aghange okuyamba Menahemu okukakata ku bwakyabazinga.

2 Bakyabazinga 15:29

Mu biseera Peka bye yafugiramu Isiraeli, ghaabaagho kyabazinga Tigulathi Pileseri ow'e Assiria yaidha yaagema ebibuga Iyoni, ni Abeli Bethi Maaka, ni Yanoa, ni Kedeshi, ni Hazori, n'ebiketezo eby'e Gileadi, n'eby'e Galilaaya, n'eby'e Nafutali. Era yaatwala n'abantu mu Assiria nga banhage.

2 Bakyabazinga 17:23

okutuusa Musengwa Katonda lwe yababinga mu maiso ge, nga bwe yabalabula ng'abita mu bagheereza be abalanzi boonaboona. Agho ab'omu Isiraeli baabatoola mu nsi yaibwe, baabatwala mu Assiria ye bakaali ni ye buli eno.

2 Bakyabazinga 17:3

Agho kyabazinga Shalumaneseri ow'e Assiria, yaalumba Hoshea yaamughangula mu lutalo, Era Hoshea oyo yaaghanga Shalumaneseri omusolo.

2 Bakyabazinga 17:6

Mu mwaka ogwomwenda nga kyabazinga Hoshea n'afuga Isiraeli, kyabazinga w'e Assiria yaagema ekibuga Samaria, era yaakukumba abantu ab'omu Isiraeli yaabatwala mu Assiria nga banhage. Abandi yaabata mu kibuga Hala, abandi kumpi n'omwiga Habori mu kiketezo ky'e Gozani, ate abandi mu bibuga eby'Abamedia.

2 Bakyabazinga 23:29

Mu biseera bye ng'akaali kyabazinga, kyabazinga Neko ow'e Misiri yaidha n'eigye okubeeraku kyabazinga w'e Assiria kumpi n'omwiga Eufurate. Agho kyabazinga Yosia yaaja okumulwanisa. Neko bwe yabona Yosia, yaamwitira e Megiddo.

2 Bakyabazinga 25:7

Baitira batabane be mu maiso ge ng'alingiriire ati. Era mwene baamutundulamu amaiso, baamusiba mu ndhegere, baamutwala e Babilonia.

Ezera 4:10

ghalala n'abantu abamaghanga agandi goonagoona, Osinappari omukologho be yatoola mu maka gaibwe eby'entaka, okusenga mu bibuga eby'e Samaria ni mu kiketezo ekiri ere ng'osomoike omwiga Eufurate.”

Ezera 4:2

Kale baaja ye Zerubbabeli ni y'abakulu ab'enda dha baiseibwe, baabakoba bati: “Ka tubeeyimbeku tuzimbire ghalala endhu ya Katonda kuba twena tusinza Katonda waimwe nga imwe bwe mukola, era tubairenga tughaayo emisengo y'ali okuviira irala mu biseera bya kyabazinga Esarahaddoni ow'e Assiria, eyatuleeta ghano.”

Ezera 9:13

Aye waire ng'ebyo byonabyona bitutuuseeku olw'ebikolwa byaife ebibi, n'olw'omusango omukologho ogutuliku, tubona nga iwe Katonda waife watugha ekibonerezo kitono inho ku ekyo ebibi byaife kye byali bigwaniire kuba watulekagho ife abaawonagho nga tuli bangi.

Nehemia 1:5

nga nkoba nti: “Wo Musengwa Katonda ow'eigulu, oli mukologho era ow'entiisa. Iwe akuuma endagaano yo era waagonza obutalekera abo abakugonza ni bagema ebiragiro byo.

Zabbuli 47:2

Kuba Musengwa Katonda oyo Ali Ghaigulu Yeene agheebwa ekitiisa. Oyo ni kyabazinga omukologho afuga ensi yoonayoona.

Zabbuli 66:3

Mukobe Katonda muti: “By'okola nga bya ntiisa! Obuyinza bwo bungi, bukaka n'abazigu bo okwidha nga bagwirana okukukubira amakiryaivu.

Zabbuli 66:5

Mwidhe mubone Katonda by'akoze, ebintu by'akola mu bantu bya ntiisa.

Okuvaayo 18:8

Musa yaaghayiraku mukoirume we ebyo byonabyona Musengwa Katonda bye yakola kyabazinga ow'e Misiri, ni bye yakola Abamisiri olw'okununula Abaisiraeli. Era yaamughayira ku bizibu bye baayagaana mu ngira, n'ensambo Musengwa Katonda ye yabawoniamu.

Isaia 9:6

Kuba ife omwana atuzaaliirwa, omwana omulenzi atugheereibwa, aidha okubanga omufuzi waife. Aidha kwetebwanga “Omuwi w'Amagezi Eyeewuunhisa, Katonda ow'Obuyinza, Iseife aligho ebyanda n'ebyanda, Omulangira Aleeta Emiraala”.

Danieli 9:4

Naasaba Musengwa Katonda wange oyo nga ndhatula ebibi eby'abantu bange. Naakoba nti: “Musengwa Katonda wange, oli mukologho era ow'entiisa. Iwe okuuma endagaano yo era waagonza obutalekera abo abakugonza ni bagema ebiragiro byo.

Danieli 9:6

Titwawulirisa bagheereza bo abalanzi, abaayogeranga mu liina lyo eri bakyabazinga baife, n'eri abakulembeze baife, n'eri badhaadha baife, n'eri eighanga lyonalyona.

Danieli 9:8

Wo Musengwa, ife twenatwena ng'otwaliizaamu, bakyabazinga baife, n'abakulembeze baife, ni badhaadha baife, twakola ebibi y'oli byatuleetera okuswala.

Abalevi 26:18

“Ebyo byonabyona bwe binaamalanga okubaagho, era ni musigala nga timukampulira, ekibonerezo kyaimwe ndidha kukyongerangaku emikuzi musanvu olw'ebibi byaimwe.

Abalevi 26:21

“Bwe munaayongeranga okukola empwitu n'obutampulira, ndidha kwongeranga kabiri ku kibonerezo kyaimwe emikuzi musanvu, nga njiira ku bungi bw'ebibi byaimwe.

Abalevi 26:24

zeena ndibeefuulaku naababonereza emikuzi musanvu okuwulagho olw'ebibi byaimwe.

Abalevi 26:28

zeena ndibeefuulaku mu busungu naayongera okubabonereza emikuzi musanvu okusingagho olw'ebibi byaimwe.

Amateeka Agokubiri 7:12

Musa yaayongera okukoba Abaisiraeli ati: “Bwe munaajiiranga ku biragiro bino, ni mu bigema era ni mu bituukiriza, Musengwa Katonda waimwe aidha kukuumanga endagaano, ye yakola n'imwe. Era aidha kubagonzanga obutalekera nga bweyasuubiza badhaadha baimwe.

Amateeka Agokubiri 7:13

Aidha kubagonzanga, abaghe enkabi mweyongerenga okwala nga muzaala abaana kamaala. Aidha kughanga eitaka lyaimwe enkabi mufunenga emere, n'omwenge ogw'emizabbibu, n'omuzigo ogw'ebibala eby'emiti emyoliva. Aidha kuleeteranga ebyayo byaimwe okuzaalagana: ente, embuzi, n'entaama. Ebirungi ebyo byonabyona aidhanga kubibagheera mu nsi ye yasuubiza badhaadha baimwe okugibagha imwe.

Amateeka Agokubiri 7:21

Kale ni mutabatyanga, kuba Musengwa Katonda waimwe aba mu imwe, era oyo n'omukologho ali n'okutiibwa.

Amateeka Agokubiri 7:9

Agho ni, mukimanhe nga Musengwa Katonda waimwe ni Katonda yenka era nga mwesigwa. Akuuma endagaano n'abantu ab'ense n'ense abamugonza era ni bakuuma ebiragiro bye, era abagonza obutalekera.