Nehemia 6:15 - Baibuli Ekibono kya Katonda 2014

¹⁵ Kale ku lunaku olwamakumi abiri n'eitaanu (25) olw'omwezi ogwetebwa Elulu, twamaliriza okuzimba ekimante ekyo. Omulimo ogwo twagukola mu nnaku amakumi ataanu na ibiri.

Nehemia 6:15 ပူးပေါင်းရင်းမြစ်များ

Ezera 6:14

Era abakulembeze b'Abayudaaya baazimba eisinzizo eryo bukalamu. Abalanzi Haggai ni Zekaria mutabane wa Iddo baabaizangamu amaani olw'ebyo bye baalanganga. Baamaliriza okuzimba nga bajiira ku biragiro bya Katonda wa Isiraeli, ni ku kwikirizibwa kwa bakyabazinga, Kuro ni Dario ni Arutazerizesi, ab'e Perusia.

Ezera 6:15

Kale eisinzizo eryo lyawa okuzimba ku lunaku olwokusatu olw'omwezi ogwetebwa Adari, nga kyabazinga Dario ali kufuga omwaka gwe ogwomukaaga.

Nehemia 7:1

Ekimante bwe kyawa okuzimbibwa era nga mmaze n'okutaamu endhigi dhaamu, naataagho abakuumi b'emiryango, n'abembi, era naagha n'Abalevi abandi emirimo gyaibwe egy'okukolanga.

Zabbuli 1:3

Ali ng'oti n'omuti ogwasimbibwa ku mwiga, ogwama ebibala mu biseera byagwo, era oguli n'amakaba agataniala. Ghazira ky'akola ni kimufiiririra.

Zabbuli 147:2

Musengwa Katonda ali kuzimba Yerusalemu buyaaka; ali kwiza Abaisiraeli abaali abanhage.

Danieli 9:25

Agho ni kimanhe era okitegeere ng'okuva ku kiseera ekiragiro eky'okuzimba Yerusalemu obuyaaka lwe kirigheebwa, okutuuka ku kwidha kw'omukulembeze omulonde wa Katonda, ghaja kubitagho emyaka nsanvu emikuzi musanvu. Olwo ghabeegho emyaka nkaaga n'ebiri emikuzi musanvu, egy'okuzimbiramu Yerusalemu obuyaaka, n'enguudo dhaakyo, n'ekimante ekigumu okukyezunguluza. Aye ekiseera ekyo kiriba kya bizibu.