Nehemia 3:7 - Baibuli Ekibono kya Katonda 2014

⁷ Ku abo kwairaku Melatia ow'e Gibeoni, ni Yadoni ow'e Meronothi, n'abantu abandi ab'e Gibeoni n'ab'e Mizipa abaali bafugibwa omukungu w'ekiketezo ekiri ere ng'osomoike omwiga Eufurate abo boona baakola ogw'okulongoosa.

Nehemia 3:7 ပူးပေါင်းရင်းမြစ်များ

2 Samueli 21:2

Kale kyabazinga Daudi yaayeta Abagibeoni. Abagibeoni abo tibaali Baisiraeli, aye baali Abamori abaawonagho. Saulo yayenda okwita Abagibeoni abo kuba yalumirwanga inho Abaisiraeli n'ab'omu kika kya Yuda, waire nga Abaisiraeli abo baali bamaze okulayirira Abagibeoni abo obutabaita.

1 Ebyomubyanda 27:30

Obili Omuishimaeli n'eyalabiriranga engamiya Yehedeia ow'e Meronothi yaalabiriranga endogoyi

2 Ebyomubyanda 16:6

Agho kyabazinga Asa yaatwala abantu ab'omu Buyudaaya boonaboona, baaja baatoola e Rama amabaale n'emiti, Baasha bye yali ali kuzimbisa. Asa yaabizimbisa ebibuga, Geba ni Mizipa.

Ezera 4:11

Bino n'ebibono ebyali mu mbaluwa eyo: “Ya kyabazinga Arutazerizesi. Ife abagheereza bo abali mu kiketezo ekiri ere ng'osomoike omwiga Eufurate, tukulamwisa inho.

Nehemia 3:19

Ku oyo kwairaku Ezeri mutabane wa Yeshua eyafuganga ekiketezo eky'e Mizipa, yaalongoosa ekitundu ekiringiriire ghe batereka eby'okulwanisa, okutuukira irala ku kimante ghe kigonhokera.