Nehemia 13:2 - Baibuli Ekibono kya Katonda 2014

² kuba abantu abo baaloba okugha Abaisiraeli emere n'amaadhi mu lugendo lwaibwe nga buli kuva e Misiri. Era baagulirira Balaamu abakolimire. Aye Katonda waife mu kifo eky'ekikolimo, yaatughaamu nkabi.”

Nehemia 13:2 ပူးပေါင်းရင်းမြစ်များ

Zabbuli 109:28

Ka bankolimire aye nga iwe ompa bwa nkabi! Ni bwe baanumba, ka baswale aye nga nze omugheereza wo nsangaala busangaale.

Mika 6:5

Bantu bange, mwidhukire Balaki Kyabazinga w'e Moabu bye yali ategeike okubakola, era ni Balaamu mutabane wa Beora bye yamwiramu. Era mwidhukire ebyali mu ngira nga muva e Shittimu nga muja e Giligali. Bwe munaidhukira ebyo byonabyona munaategeera bye nkola okubalokola.”

Okubala 23:18

Agho Balaamu yaayogera ebibono eby'obulanzi bino, ati: “Balaki, idha owulire, ntegera kutu, iwe mutabane wa Zippori.

Matayo 25:40

“Agho Kyabazinga alibairamu ati, ‘Bwenebwene ka mbakobere buli kye mwakolera omulala ati ku baganda bange bano abato, mwakikolera nze.’

Amateeka Agokubiri 23:3

“Omuammoni n'Omumoabu, ni baidhukulu baibwe, okutuukira irala ku luse olweikumi, tibaabalirwenga mu bantu ba Musengwa Katonda ebyanda n'ebyanda.

Amateeka Agokubiri 23:4

Kuba mu lugendo lwaimwe nga muli kuva e Misiri, baaloba okubagha emere n'amaadhi. Era baagulirira Balaamu mutabane wa Beori ow'e Pethori ekibuga ky'e Mesopotamia, okubakolimira.

Amateeka Agokubiri 23:5

Aye Musengwa Katonda waimwe yabagonza, yaaloba kuwulirisa bya Balaamu. Mu kifo eky'ekikolimo, yaabaghaamu nkabi.

2 Petero 2:15

Baaleka engira entuufu, baadaaliima, baagema engira ya Balaamu omulanzi, omwana wa Beori eyagonza einho eby'obufuni ni bimukoza n'ebisobu.