Nehemia 12:47 - Baibuli Ekibono kya Katonda 2014

⁴⁷ Era mu biseera bya Zerubbabeli ni mu bya Nehemia, Abaisiraeli boonaboona baaghangayo omugabo buli lunaku gwe baaghanga abembi n'abakuumi ab'emiryango. Era baaghangayo n'emigabo gy'Abalevi, ate Abalevi boona baayawulanga ku egyo, baaghaaku abaana ba Aaroni.

Nehemia 12:47 ပူးပေါင်းရင်းမြစ်များ

2 Bakyabazinga 25:30

Kyabazinga yaalagira bamughenga omugabo ogwa buli lunaku, ekiseera kyonakyona kye yamala nga mulamu.

2 Bakyabazinga 7:10

Agho bairayo ku kibuga Samaria, baayeta abaigazi b'ekibuga ekyo, baabakobera bati: “Tujiire mu kifo Abasiria ghe baasimba weema dhaibwe, twaloba kwagaanayo waire okuwulirayo omuntu naire omulala ati. Aye ghabairegho bwa mbalaasi na ndogoyi nga nsibe, ni weema nga badhirese nga bwe dhaabaire.”

Ezera 2:2

Abakulembeze baibwe baali: Zerubbabeli, Yoshua, Nehemia, Seraia, Reelaia, Morodekai, Bilishani, Misipari, Bigivai, Rehumu, ni Baana. Guno n'omughendo ogw'Abaisiraeli abaira okuva mu bunhage:

Nehemia 11:23

Era kyabazinga yali nga yataagho enkola abembi abo ye baajiirangaku mu kukola omulimo gwaibwe buli lunaku.

Nehemia 12:1

Luno n'olukalala lwa bakabona n'Abalevi abaira okuva mu bunhage, ni Zerubbabeli mutabane wa Shealutieli, era ni Yeshua. Seraia, ni Yeremia, ni Ezera,

Nehemia 12:12

Mu biseera bya Yoiakimu, bano n'abaakuliranga enda dha bakabona: Meraia nga n'akulira enda ya Seraia; Hanania yaakulira eya Yeremia;

Nehemia 12:26

Abantu abo baaligho mu kiseera kya Yoiakimu mutabane wa Yeshua era mwidhukulu wa Yozadaki, ni mu kiseera kya Nehemia eyali omufuzi, ni mu kya Ezera eyali kabona era omunamateeka.

Ab'e Galatia 6:6

Oyo ayegeresebwa ekibono, atoole ku bibye byonabyona agheeku oyo amwegeresa.

Amateeka Agokubiri 18:8

Aidha kufunanga omugabo gw'emere nga n'omulala n'ogwa baine, ng'otoireku ebyo by'anaabanga ng'afunie okuva mu boluganda lwe.”