Nahumu 3:7 - Baibuli Ekibono kya Katonda 2014

⁷ Boonaboona abanaakubona baidha kwesisighalanga nga bakoba bati, ‘Ee, Nineve nga kyafafaagana! Naani aja okukirumirwa omwoyo? Naani ayenda okugumya abantu baamu.’ ”

Nahumu 3:7 ပူးပေါင်းရင်းမြစ်များ

Isaia 51:19

Obuzibu bukwidhiire bwa mikuzi ebiri: olutalo lwonoineyonoine ensi yo, n'abantu bo baafa endhala n'empiima. Naani anaakusaasiraku n'anaakugumya?

Yeremia 15:5

“Musengwa Katonda akoba ati: ‘Imwe abantu bange ab'e Yerusalemu, naani alibasaasira? Naani aliwulira enaku olwaimwe? Naani alikyukira ewaimwe ababuuze okumanha embeera ye mulimu?

Yeremia 50:18

Kale olw'ekyo, nze Musengwa Katonda Afuga Amagye, Katonda wa Isiraeli, nkoba nti ndibonereza kyabazinga Nebukadinezzari n'ensi ye, ng'oti ni bwe nabonereza kyabazinga ow'e Assiria.

Yeremia 51:9

Abagwira abaabanga mu Babilonia baakoba bati, ‘Twagezaaku okuyamba ensi Babilonia eno, aye nga tikikaasoboka naire. Kale ife ka tugiveemu twireyo ewaife ye twava, kuba Katonda abonereiza inho Babilonia eno, yaagisaanizaagho irala.’ ”

Okulira 2:13

Abantu ab'e Yerusalemu, imwe be ngonza oti ki, nkobe ki? Mbageze ku ki? Mbafaananie ki imwe, ekinaabaleetera okusaasirwa? Okuzikirizibwa kwaimwe tikwakukoma oti n'amaadhi ag'enhandha agaidha ni gaabeeyaagho obweye; ghazira aghanga kwizaagho bintu byazikirizibwa.

Nahumu 1:1

Buno n'obukwenda obwava ye Katonda nga bugema ku kibuga Nineve. Nahumu ow'oku kyalo Elikoshi yafuna okwolekebwa, era bye yabona mu kwolekebwa ni bino ebyaghandiikibwa mu kitabo kino.

Zefania 2:13

Musengwa Katonda aja kukozesa obuyinza bwe azikirize abantu ab'e Assiria abali ku luuyi olw'omukono omugooda olw'e buvandhuba. Aja kuzikiriza ekibuga Nineve kisigale nga kyanhe bwanhe, era nga kikalu ng'oti irungu lyene.

Okubala 16:34

Abaisiraeli boonaboona abaali okumpi agho, baalumukagho bwe baawulira okulira kwaibwe. Baakoba bati: “Tulumuke. Eitaka twena litatumira.”

Okwolekebwa 18:10

Balyemerera ghalaku olw'okutya okudaagadaaga kwe, baakoba bati: “Okagwireku, okagwireku iwe Babiloni ekibuga ekikologho! Iwe ekibuga eky'amaani! Ozikiriziibwa mu saawa busaawa eti!”