Nahumu 3:4 - Baibuli Ekibono kya Katonda 2014

⁴ Ebyo byonabyona biri kutuuka ku kibuga ekyo Nineve olw'okwebisa nga malaaya asikiriza ali n'obulezi bwene obwita; kuba kisendasenda amaghanga okugakiidhamya era kyakozesa obulezi bwakyo okugafuula abairu.

Nahumu 3:4 ပူးပေါင်းရင်းမြစ်များ

Isaia 47:8

Kale ni wulira kino, iwe ayenda einho amasanhu: Oja waatyama waasiira n'enkondo, waakoba mule oti, ‘Ninze aligho, ezirayo wundi okutoolaku nze. Nze tija kuba namwandu, waire okufiirwaku abaana.’

Isaia 47:9

Aye ebyo byombi birikwidhira mu kaseera buseera era ku lunaku lulala luti, waafiirwa abaana era wafuuka namwandu. Era waire eirogo lyo n'okulagula kwo, by'okozesa tibirikuwonia naire.

Ezekieli 16:35

Kale ni, iwe Yerusalemu malaaya, wulira Musengwa Katonda by'akoba.

Okwolekebwa 18:23

Okumulika okw'entaala tikuliirayo kabiri kuboneka mu iwe, waire amamiro ag'oyo abayiiza omugole oba ag'omugole mwene, okwirayo okuwulirwa mu iwe. Abaasuubuliranga mu iwe abaali abakologho ku nsi wabaguya, n'amaghanga goonagoona wagaguyanga n'obulogo bwo.”

Okwolekebwa 18:9

Bakyabazinga ab'ensi abaayendanga naye era ni beedhalabyanga bwe balibona omwosi ng'ali kuya, balimulirira era baagegenga.