Nahumu 3:18 - Baibuli Ekibono kya Katonda 2014

¹⁸ Isebantu kyabazinga ow'e Assiria, abakungu bo bali mu ndoolo dhe bataja kuvaamu ebyanda n'ebyanda. Abantu bo basansaaniire mu nsozi era ghazira muntu wa kubasololeza ghalala.

Nahumu 3:18 ပူးပေါင်းရင်းမြစ်များ

1 Bakyabazinga 22:17

Mikaia yaakoba ati: “Mboine abaisirukale ba Isiraeli boonaboona nga basansaaniire eyo ku nsozi, ng'oti n'entaama edhiziraku mwayi. Musengwa Katonda yankoba ati, ‘Abantu abo baziraku mukulembeze, buli mulala leka aireyo miraala mu maka ge.’ ”

Okuvaayo 15:16

Baatya baawaamu, olw'ebyo omukono gwo bye gwakola eby'amaani. Baaba agho nga basiriike ng'oti mabaale, okutuusa abantu bo, Iwe Musengwa Katonda, bwe baabitagho; abantu bo be watoola mu bwiru.

Isaia 13:14

Olunaku olwo bwe lulituuka, abasenze abaliba mu Babiloni balirumuka okwirayo ewaibwe, ng'oti n'empuli dhe bali kuyiiga, era baasansaana ng'oti n'entaama edhiziraku mwayi, buli muntu yaira mu bantu be.

Isaia 47:1

Musengwa Katonda akoba ati: “Iwe Babiloni, va ku kityamo eky'obwakyabazinga oike ghansi otyame mu nkungu. Ng'okaali kughangulwa waliku ng'oti n'omughala omwegha. Aye mpegaano tibakaakwegomba, kuba obulungi n'obunhirivu bye wali nabyo tibikaaligho.

Yeremia 50:18

Kale olw'ekyo, nze Musengwa Katonda Afuga Amagye, Katonda wa Isiraeli, nkoba nti ndibonereza kyabazinga Nebukadinezzari n'ensi ye, ng'oti ni bwe nabonereza kyabazinga ow'e Assiria.

Yeremia 51:39

Nga bwe bali n'amairu, ndibategekera embaga, naabatamiiza baasangaala. Memale baaja baatenduka endoolo, aye baaloba kwiramu kuzuuka.

Yeremia 51:57

Nditamiiza abakungu baakyo, n'abantu baakyo abagezi, n'abafuzi baakyo, n'abaduumizi baakyo ab'amagye, n'abalwani baakyo ab'amaani. Balitenduka endoolo aye baaloba kwiramu kuzuuka. Nze Kyabazinga, Musengwa Afuga Amagye, ninze nkobye.

Okwolekebwa 6:15

Olwo bakyabazinga ab'oku nsi, n'abafuzi, n'abakulu b'abaisirukale, n'abakombe, n'ab'amaani, n'abantu boonaboona, abairu n'ab'eidembe, beegisa mu mpuku ni mu gabaale ag'oku nsozi.