Nahumu 2:9 - Baibuli Ekibono kya Katonda 2014

⁹ Munhage feeza! Munhage zaabu! Ekibuga kiidhwire eby'obukombe eby'omughendo einho!

Nahumu 2:9 ပူးပေါင်းရင်းမြစ်များ

2 Ebyomubyanda 36:10

Agho omwaka nga guli kutoolera, ekiseera ebimera kye bisibukiramu, kyabazinga Nebukadinezzari yaatwala Yehoiakini e Babilonia nga musibe, yaatwala n'ebintu eby'omughendo eby'omu isinzizo. Yaataagho Zedekia muganda wa Yehoiakini oyo, yaamufuula kyabazinga wa Buyudaaya ni Yerusalemu.

Isaia 33:1

Mukagwireku imwe abazikiriza banaimwe, ate nga imwe ghazira abazikirizangaku; n'imwe abaghemukira abantu ni mubeefuulaku ate nga imwe ghazira abaghemukirangaku n'abeefuulaku. Ekiseera kyaimwe eky'okuzikiriza bwe kiriwaaku, olwo mwena balibazikiriza; era ekiseera kyaimwe eky'okughemukira abantu nga mubeefuulaku bwe kiriwaaku, olwo mwena balibaghemukira baabeefuulaku.

Isaia 33:4

Abantu baatwala ebintu byago ng'omunhago, baabituumiraku ng'oti nzige, baabinhaagaana.

Yeremia 25:34

Muwowoole imwe abakulembeze, mulire amaziga. Imwe abalabirira abantu bange, mwevulunge mu nkungu. Ekiseera kituuse eky'okubaita, babasalesale ng'oti bwe baita entaama enume enungi einho.

Yeremia 46:5

Aye Musengwa Katonda yeebuuza ati: “Kiki kye ndi kubona? Batiire inho era bali kwira einhuma! Abalwani baibwe ab'amaani baghangwirwa, baaziinhuuka embiro nga bagwidhubana, aghazira kulinga na inhuma. Era buli ghantu ghali ntiisa ndhereere!

Yeremia 51:56

Amagye agazikiriza ago gaidhiire Babiloni, gakiidhiire okukizikiriza. Abaisirukale baakyo babagemye, n'obulaso bwaibwe baabumenhamenha; kuba nze ndi Katonda abonereza, era ndyesasuliza ku Babiloni nga bwekigwaine.

Ezekieli 26:12

Balyagaaza eby'obukombe byo n'eby'obusuubuzi byo ye biriba yoonayoona, baabinhagulula. Baamenhagho ebimante byo ebikwezungulwire, era baasaaniagho n'endhu dho enungi. Baatoola amabaale go, n'embaawo dho, n'ebintu byo ebindi bye boonoine, baabisuula mu nhandha.

Danieli 11:8

Alinhaga ebifaananie bya bakatonda baibwe eby'ekyuma ekisaanuusiibwa, yairayo nabyo e Misiri ghalala n'ebintu bye bakozesa mu isinzizo eby'omughendo, ebya feeza ni zaabu. Alibisaagho emyaka nga talumba kyabazinga wa Siria.

Nahumu 3:17

Abakungu baimwe bali kamaala ng'oti n'enzige bwe dhiba enhingi einho. Bwe kuba okwinhogovu dhiba ku nkomera, aye endhuba bw'evaayo ni kusuughaku, dhiguluka dhaabulagho nga ghazira n'asobola kumanha ghe dhijiire.

Okwolekebwa 18:12

Nga ghazira agula zaabu, feeza, binhere, bikomo bya mabaale ga mughendo, ngoye mpegheevu edh'ebitiibwa edha nakasooma n'edha liiri n'edha kasaayisaayi, waire okubaagho agula ekintu eky'omuti ogwa kawoowo, oba eky'eisanka, oba eky'omuti ogw'omughendo, oba eky'ekyuma eky'ekikomo, oba eky'ekyuma ekigumu einho, oba eky'amabaale ag'omughendo agamirimiinha.

Okwolekebwa 18:16

nga bakoba bati: “Okagwireku! Okagwireku iwe ekibuga ekikologho, eyavaalanga ebivaalo ebighegheevu eby'ebitiibwa ebya nakasooma n'ebya kasaayisaayi; ng'otoonha zaabu n'ebinhere, n'ebikomo eby'amabaale ag'omughendo.