Nahumu 2:5 - Baibuli Ekibono kya Katonda 2014

⁵ Abakulu bali kuduumirwa, baaja eno nga bwe bagwa. Abazigu bali kweyuna ekimante ekyezungulwire ekibuga, baataagho ekintu ekikingiriza abalwani abasuula oguntu oguwomola ekimante.

Nahumu 2:5 ပူးပေါင်းရင်းမြစ်များ

Isaia 21:5

Mbonekeirwa nga bategeike ekiiwulo, baayala ghansi engoye edh'okutyamaku, baatyama, baalya era baanhwa. Okuja okutemya n'okuzibula nga kirangiriirwa kiti: “Imwe abakulu b'abaisirukale, musituke, mutegeke engabo dhaimwe!”

Isaia 5:27

Mu abo timulibaamu akoogha waire eyeekontola kugwa; timulibaamu awongera waire atenduka. Ensibiro edh'omu nkende dhaibwe tidhirirebera naire, waire obukosi bw'engaito dhaibwe okukutuka.

Yeremia 46:12

Amaghanga kamaala gaawulira bwemwaswala, buli muntu yaabawulira nga mulira amaziga. Abalwani baabandagana beene na beene, boonaboona baagwa ghansi.

Yeremia 50:29

“Musoloze abakugu boonaboona mu kulasa obusaale, n'abo boonaboona abaidhi okukozesa obulaso n'obusaale, baje balumbe ekibuga Babiloni. Bakizingize okukyezunguluza, era balobe kuganha muntu yeenayeena kulumuka kuwona. Olwo mukyesasulizeeku byonabyona bye kyakola era mukibise nga kyene bwe kyabisanga abandi kuba kyaneekudumbalizaaku nze Omutukuvu wa Isiraeli.

Nahumu 2:6

Endhigi edh'oku mwiga dhiigwike, abantu ab'omu kisaagaati kya kyabazinga baidhula okutya.

Nahumu 3:18

Isebantu kyabazinga ow'e Assiria, abakungu bo bali mu ndoolo dhe bataja kuvaamu ebyanda n'ebyanda. Abantu bo basansaaniire mu nsozi era ghazira muntu wa kubasololeza ghalala.

Nahumu 3:3

Ab'oku mbalaasi bali kulumba ng'empiima dhaibwe dhiri kumyansa era nga n'amafumo gaibwe gali kumirimiinha. Emirambo giri kugwa mmungo na mmungo, era abalwani bali kuja nga bagyekontolaku.

Habakkuku 1:8

“Embalaasi dhaibwe dhirumuka embiro okusingaku n'empala, era nkambwe okusingaku emisege egiri endhala einho; dhimaduka nga dhizira kye dhitya. Abadhivuga bava ghala, baidha nga baguluka buguluke ng'oti n'enkookooma bw'eika n'eswankula ky'eja okulya.