Nahumu 2:4 - Baibuli Ekibono kya Katonda 2014

⁴ Ebigaali byaibwe eby'omu lutalo bali kubighalabania mu nguudo edh'ekibuga, baabivuga okubiiza eno n'ere mu mpya dh'ekibuga. Biri kumyansa ng'oti ngada edhiri kwaka, era byamansuka embiro ng'oti kughemya kwa lukuba.

Nahumu 2:4 ပူးပေါင်းရင်းမြစ်များ

Ensambo 31:21

Ebiseera eby'ekiinhogogo tibimweraliikiriza, kuba ab'omu maka ge baba n'ebivaalo ebizito ebisuugha.

Isaia 37:24

Otumye abakwenda bo okuneesuutiraku nze Musengwa Katonda, nga bakoba nga bwe wakozesa ebigaali byo eby'omu lutalo, n'oghangula ensozi dhoonadhoona endeeyi edh'omu Lebanoni. Weesuuta ng'eyo bwe watemayo emivule egisinga obuleeyi, era waatemayo n'emiti emisipuressi egisinga bulungi. Waakoba nga bwe waingirira irala mu bibira, mu kitundu ekisinga kuba kizibirivu.

Isaia 66:15

Bona, Musengwa Katonda aliidhira mu muliro ng'ali n'ebigaali eby'omu lutalo ebiziinhuuka ng'oti kiwunga, ng'aidha okwolesa obusungu bwe obubitirivu, n'okubonereza ng'akozesa enimi edh'omuliro.

Yeremia 4:13

Bona, abazigu baabale bali kwidha ng'oti bire. Ebigaali byaibwe eby'omu lutalo birumuka ng'oti mpewo eyeezungulula n'amaani bw'eidha; n'embalaasi dhaibwe dhiziinhuuka okusingaku n'enkookooma. Tukagwireku ife era tuzikiriire!

Yeremia 46:9

Muduumire embalaasi dhije dhirumbe, n'ebigaali eby'omu lutalo biwuluguke embiro! Imwe abalwanisa engabo ab'e Ethiopia n'ab'e Puti, muje mulumbe. N'imwe abakugu mu kulasa obusaale ab'e Ludi, muje mulumbe.’ ”

Ezekieli 23:24

Balikulumba nga baviira ku luuyi olw'omukono omugooda olw'e buvandhuba, nga bali na igye iramba, n'ebigaali eby'omu lutalo, n'eby'okutambuliramu. Baliidha n'enkoofiira edh'ekyuma ku mitwe, nga bagemye engabo entono n'enene, baakulumba nga bakuva ku buli luuyi. Ndikughaayo mu ngalo dhaibwe, baaja baakusalira omusango nga bajiira ku mateeka gaibwe.

Ezekieli 26:10

Baliba n'embalaasi kamaala, dhaasiikuula enkungu waagibuliramu n'okugibuliramu. Empindo ey'embalaasi, n'ebigaali eby'okutambuliramu, n'ebigaali eby'omu lutalo, eritengeesa ebimante byo nga bali kubita mu miryango gyo, okwingira mu kibuga ekimaze okuwomolwawomolwa.

Ezekieli 26:7

Era Musengwa Katonda akoba ati: “Bona, ndireeta Nebukadinezzari kyabazinga ow'e Babilonia, kyabazinga asinga mu bakyabazinga boonaboona. Aliidha yaalumba Tiro ng'aviira ku luuyi olw'omukono omugooda olw'e buvandhuba, ng'ali n'eigye einene inho, eririmu embalaasi, n'ebigaali eby'omu lutalo, n'abaisirukale ab'oku mbalaasi.

Danieli 11:40

“Ekiseera eky'enkomerero eya kyabazinga wa Siria bwe kiriba nga kiri kumpi kutuuka, kyabazinga w'e Misiri alimulumba. Era kyabazinga wa Siria oyo aliziinhuuka okuja okumulwanisa ng'oti n'empewo eyeezungulula n'amaani bw'eidha. Alikozesa ebigaali eby'omu lutalo, n'abalwani ab'oku mbalaasi, n'amaato kamaala. Aliidha n'eigye lye eryo, lyalumba ensi kamaala nga liri kubanda bubande ng'oti n'amaadhi ag'omwidhuzo, era lyataalaalira mu nsi edho.