Nahumu 2:3 - Baibuli Ekibono kya Katonda 2014

³ Abalwani abaziramu ntete ab'oyo aja okumenhamenha ekibuga Nineve, bagemye engabo emyufu, era baavaala ebivaalo ebya kasaayisaayi. Bali kwetegekera kulumba. Ebigaali byaibwe eby'omu lutalo bimyansa ng'oti muliro, n'embalaasi edhisika ebigaali ebyo dhiri kweguguna kutoolera.

Nahumu 2:3 ပူးပေါင်းရင်းမြစ်များ

Yobu 39:23

Ekiruutu omuli obusaale, n'eifumo einene erimesunkana, ghalala n'eifumo eitono, byonabyona birengeedhera era byakubaganira ku ndala eyo.

Zabbuli 80:13

Embiidhi edh'omu nsiko dhaagutyankirira, na kiisi kya mu nsiko kyonakyona kyeriira okwo.

Isaia 14:8

Emiti emisipuressi gisagambya olw'okugwa kwo iwe kyabazinga w'e Babilonia, n'emivule gy'e Lebanoni gyakoba giti, ‘Kasookanga agwa tighakaaligho atutema!’

Ezekieli 23:24

Balikulumba nga baviira ku luuyi olw'omukono omugooda olw'e buvandhuba, nga bali na igye iramba, n'ebigaali eby'omu lutalo, n'eby'okutambuliramu. Baliidha n'enkoofiira edh'ekyuma ku mitwe, nga bagemye engabo entono n'enene, baakulumba nga bakuva ku buli luuyi. Ndikughaayo mu ngalo dhaibwe, baaja baakusalira omusango nga bajiira ku mateeka gaibwe.

Ezekieli 26:7

Era Musengwa Katonda akoba ati: “Bona, ndireeta Nebukadinezzari kyabazinga ow'e Babilonia, kyabazinga asinga mu bakyabazinga boonaboona. Aliidha yaalumba Tiro ng'aviira ku luuyi olw'omukono omugooda olw'e buvandhuba, ng'ali n'eigye einene inho, eririmu embalaasi, n'ebigaali eby'omu lutalo, n'abaisirukale ab'oku mbalaasi.

Nahumu 3:2

Wulira omuvuuma ogw'enkoba nga bali kukuba embalaasi dhe bali kuvuga. Wulira okuwoloma okw'enkede edh'ebigaali eby'omu lutalo, n'empindo edh'ebigere eby'embalaasi, n'okupakalana okw'ebigaali eby'omu lutalo.

Zekaria 1:8

Naabona malaika wa Musengwa Katonda ng'ali kuvuga embalaasi emyufu, ng'agyemereiza mu miti egy'ebisaka egyali mu kiiko. Einhuma we yaliyo embalaasi edhindi emyufu, n'edha kikuusikuusi, n'endheru.

Zekaria 11:2

Imwe emiti emisipuressi muwowoole kuba emivule gigwire, emiti egyo emirungi einho bagizikiriiza. Imwe emiti emikologho egy'e Bashani muwowoole, kuba ekibira ekibaire ekizibirivu bakitemyegho!

Zekaria 6:2

Ekigaali ekyasooka kyali n'embalaasi dha kasaayisaayi nga dhiri kukighaluza, ate ekyokubiri kyaba n'embalaasi ndhirugavu nga n'edhiri kukighaluza.

Okwolekebwa 12:3

Era ku igulu kwabonekaku ekirikoliko ekindi: ogusota ogunene ogumyufu nga guli n'emitwe musanvu n'amayiga ikumi, nga ku buli mutwe kuliku engule.

Okwolekebwa 6:4

Yaavaayo embalaasi eyindi, nga myufu. Eyali ali kugivuga, ng'agheereibwa okuleeta entalo ku nsi, abantu baitagane. Era baamugha empiima endeeyiriri.