Nahumu 2:13 - Baibuli Ekibono kya Katonda 2014

¹³ Musengwa Katonda afuga amagye akoba ati: “Bona eno, buti nze nfuuse muzigu y'oli iwe Nineve, era nja kwokya ebigaali byo eby'omu lutalo, n'empologoma dho edho ento dhija kwitibwa n'empiima mu lutalo. Nja kukutoolaku ebyo byonabyona bye wanhaga ku bandi, era tekaaba biragiro bya bakwenda bo.”

Nahumu 2:13 ပူးပေါင်းရင်းမြစ်များ

2 Bakyabazinga 18:17

Agho kyabazinga w'e Assiria ng'ali e Lakishi, yaasindika eigye eikologho nga likulirwa abakungu be basatu abakulira bakungu banaibwe boonaboona, lyaja okulumba Hezekia e Yerusalemu. Bwe baatuukayo, baayemerera gha mweta oguleeta amaadhi okuva mu nsulo y'eitale eri ku ngira eja mu kifo ekyetebwa Ekyolezo.

2 Bakyabazinga 18:19

Omukungu Omuassiria yaabakoba ati: “Mukobe kyabazinga Hezekia muti, ‘Kyabazinga omukologho ow'e Assiria ali kukubuuza ati, kiki ekiri kukwesiguza?

2 Bakyabazinga 19:23

Otumye abakwenda bo okuneesuutiraku nze Musengwa Katonda, nga bakoba nga bwe wakozesa ebigaali byo eby'omu lutalo, n'oghangula ensozi dhoonadhoona endeeyi edh'omu Lebanoni. Weesuuta ng'eyo bwe watemayo emivule egisinga obuleeyi, era n'otemayo n'emiti emisipuressi egisinga bulungi. Waakoba nga bwe waingirira irala mu bibira, mu kitundu ekisinga kuba kizibirivu.

2 Bakyabazinga 19:9

Agho kyabazinga w'e Assiria baamukobera bati: “Bona, Tirihaka kyabazinga w'e Ethiopia asitwire eigye okukulwanisa.” Bwe yakiwulira, yairamu okugheereza abakwenda ye kyabazinga Hezekia, ng'akoba ati:

2 Ebyomubyanda 32:19

Baayogera ku Katonda wa Yerusalemu mu nsambo n'endala nga bwe boogera ku bakatonda b'amaghanga agandi, abantu bye baakola obukole n'engalo.

Zabbuli 46:9

Alekeza okulwana entalo mu nsi yoonayoona; yaakutulakutula mu bulaso, era yamenhamenha amafumo, n'engabo yaadhikumaku omuliro.

Yeremia 21:13

Mubone eno, imwe abantu ababa mu kiiko. Ndidha kubakolaku waire mugungumala ng'oti ibaale eikologho eriri ku museetwe. Era mukoba mule muti, ‘Naani anaidha okutulumba? Era naani anaatuuka eno ye tuba?’

Yeremia 46:14

“Mulangirire mu nsi Misiri ni mu bibuga byamu, Migidoli, Menfisi, ni Tahapanhesi, muti, ‘Mwetegeke okwerwanaku. Byonabyona bye muli nabyo baja kubizikiriza mu lutalo.

Yeremia 50:31

“Iwe ensi Babilonia, weekuluntaza inho. Kale ni, nze Musengwa Katonda Afuga Amagye ndidha kukukolaku. Ekiseera kituuse nze nkubonereze.

Yeremia 51:25

Iwe Babilonia, oli ng'oti lusozi oluzikiriza ensi yoonayoona. Aye nze Musengwa Katonda mwene ndikukolaku. Ndigolola omukono gwange naakumaniangulamaniangula, naakuleka ng'oli bwa ivu, ng'oti n'olusozi lwe bookiikya omuliro.

Ezekieli 13:8

Kale Musengwa Katonda akoba nti: “Olw'okuba okubonekerwa kwe mukoba mbu mufunie kuba kwa bulimba, n'ebyo bye mulanga byaba bya buguya, mbakyaye era buti nfuuse muzigu ye muli.

Ezekieli 21:3

Kobera ensi Isiraeli oti nze Musengwa Katonda ndi kukoba nti: Bona eno, buti nze nfuuse muzigu y'oli, era ndisowola empiima yange mu kiruutu kyayo naita abantu abakulimu, abatuufu n'ababi, naabakumalamu.

Ezekieli 26:3

“Kale ni, nze Musengwa Katonda kyenva ni nkoba nti: Bona eno iwe ekibuga Tiro, buti nze nfuuse muzigu y'oli. Era ndisitula amaghanga kamaala, gaidha gaakulumba ng'oti kwefuukuula kwa nhandha.

Ezekieli 28:22

Okikobere bino, nze Musengwa Katonda, bye ndi kukikoba nti: Bona eno iwe ekibuga Sidoni, buti nfuuse muzigu y'oli, era abantu balisaaka ekitiisa kyange olw'ebyo bye ndikola mu imwe. Bwe ndyoleka nga bwendi omutukuvu, ni nsalira abo abakubaamu omusango era ni mbabonereza, olwo balimanha nga ninze Musengwa Katonda.

Ezekieli 29:10

bona eno, buti nfuuse muzigu y'oli era naafuuka muzigu n'eri emiiga gyo. Ndikuleetera okusigala obwagho otyo ng'oli bifulukwa byereere, okuva e Migidoli okutuuka e Siyene, n'okutuukira irala ku nsalosalo ni Ethiopia.

Ezekieli 29:3

Mukobe oti, nze Musengwa Katonda ndi kukoba nti: Bona eno, buti nfuuse muzigu y'oli, iwe kyabazinga wa Misiri. Niiwe ogusota ogukologho oguba mu miiga ni gukoba guti, ‘Omwiga Kiyira gwange ku bwange, ninze eyagukola.’

Ezekieli 35:3

Lukobe oti nze Musengwa Katonda, ndi kulukoba nti: Bona eno iwe olusozi Seiri, nze buti nfuuse muzigu y'oli. Era ndigolola omukono gwange naakubonereza, naakuleetera okusigala agho otyo ng'oli bifulukwa byereere omutaba bantu.

Ezekieli 38:3

Mukobere bino, nze Musengwa Katonda, bye ndi kukoba nti: Bona eno, nze buti nfuuse muzigu y'oli iwe Gogi omufuzi ow'ab'e Mesheki n'ab'e Tubali.

Ezekieli 39:1

Agho Musengwa Katonda yankoba ati: “Iwe omuntu, langa akabi akali kwidhira Gogi omufuzi ow'ab'e Mesheki n'ab'e Tubali. Mukobere bino, nze Musengwa Katonda, bye ndi kukoba nti: Bona eno, nze buti nfuuse muzigu y'oli iwe Gogi.

Ezekieli 5:8

Kale ni mubone eno, buti nze Musengwa Katonda waimwe, zeena ndi muzigu ye muli, era ndibasalira imwe omusango naababonereza ng'abamaghanga agabeezungulwire boonaboona babona.

Nahumu 2:12

Empologoma ensaadha yakankanulanga emamba emala abaana baayo, era yaayiigiranga enkazi dhaayo ensolo, yaidhuza mu mpuku dhaayo.

Nahumu 3:1

Ekibuga kino kikagwireku, kiidhwire obuguya n'obutemo. Era kiidhwire eby'obukombe ebija okunhagibwa abazigu.

Nahumu 3:12

Ebifo byo eby'okwewogomamu bija kuba ng'oti n'ebibala ebisooka okwenga ku muti omutiini, ole bw'atengeesa omuti bigwa butereevu mu munwa ogw'omuli.

Nahumu 3:15

Aye, ni bwemunaakola mutya, era omuliro gwidha kubookya, babaitire mu lutalo, era babamalegho ng'enzige bwe dhimalagho ebisimbe. Mwazaalagana inho ng'oti nzige.

Nahumu 3:5

Musengwa Katonda afuga amagye akoba ati: “Bona eno, buti nze nfuuse muzigu y'oli iwe Nineve. Nja kukughembula, amaghanga gakwerolere ng'oli madu, gabone bw'oswala.

Yoshua 11:6

Musengwa Katonda yaakoba Yoshua ati: “Abo otabatya kuba ndidha kubaita boonaboona, idho ku saawa ng'oti ni dhino banaaba bafiire. Embalaasi dhaibwe mwidha kudhisala eminho, n'ebigaali byaibwe eby'omu lutalo mubyokye.”

Yoshua 11:9

Yoshua yaabakola nga Musengwa Katonda bwe yamulagira: yaasala embalaasi dhaibwe eminho, era yaayokya ebigaali byaibwe eby'omu lutalo omuliro.