Nahumu 2:10 - Baibuli Ekibono kya Katonda 2014

¹⁰ Nineve kizikiriire, kirekeibwa agho kityo, era kiwolongeire. Abantu emyoyo gyabawaamu ira, amagulu gabadhugumira budhugumire, mu mikono muzira maani, n'ensaya dhaabalekuka.

Nahumu 2:10 ပူးပေါင်းရင်းမြစ်များ

Amainhama 1:2

Ensi yali ndhereere era nga ntabuletabule enzikiiza yali egemye ku nhandha, era ng'omwoyo gwa Katonda gumaamiire amaadhi.

Zabbuli 22:14

Zeenazeena mpoiremu ndi kiwooboloolo, buli igumba liviire ku buyungiro bwalyo, omwoyo gunseeneine.

Isaia 14:23

Ndikifuula ekifo ekibaamu obw'ebiwigulu n'ebidiba by'amaadhi, era ndikyeya n'olweyo oluzikiriza. Nze Musengwa Katonda Afuga Amagye ntyo bwe nkobye.”

Isaia 21:3

Obulumi bwe ndi nabwo bwenda kundhita bwite; ndi ng'oti n'omukazi ali kulumwa okuzaala. Obulumi tibunganha kubona waire okuwulira.

Isaia 24:1

Bona, Musengwa Katonda alyonoonayonoona ensi eno yaagireka ng'eri bw'agho etyo aligifunhafunha yaaleetera abagibaamu okusansaana.

Yeremia 30:6

Buti sooka olowooze era weebuuze! Bwenebwene omusaadha asobola okuzaala omwana? Memale lwaki mbona buli musaadha ng'agemereire enda ye ng'oti n'omukazi ali kulumwa okuzaala? Lwaki buli muntu ayakaanhiriire?

Yeremia 49:23

Bino Musengwa Katonda bye yakoba ku Damasiko, ati: “Abantu b'omu bibuga Hamathi ni Arupadi beeraliikirivu era basobeirwa, kuba baawulira amawulire amabi agatiisa. Okweraliikirira kuli kubeefuukuula mu myoyo gyaibwe ng'oti kwefuukuula kwa nhandha. Era bazira miraala naire.

Yeremia 51:62

Bw'olimala olisaba Katonda oti, ‘Wo Musengwa Katonda, wakoba oti oidha kuzikiriza ekifo kino ghabule ekiramu kyonakyona ekikisigalamu, k'abe omuntu oba kibe ekisolo olwo ekifo kino kifuuke irungu ery'olubeerera.’

Yeremia 8:21

Omwoyo guunuma olw'abantu bange abalumizibwa. Era ntiire inho naawaamu amaani n'enaku yangema.

Ezekieli 21:7

Bwebakubuuza bati, ‘Lwaki oli kusinda?’ Ng'obairamu oti, ‘Ndi kusinda olw'amawulire ge mpuliire, ag'ebyo ebiri kwidha. Bwe birituuka, boonaboona emyoyo giribatekemuka, emikono gyabalebera, ebikiryaivu byabadhugumira, era baazirika. Bona eno, ebyo bija kubaagho bituukirire.’ ” Musengwa Katonda atyo bw'akoba.

Ezekieli 31:15

Musengwa Katonda era akoba ati: “Omuti ogwo bwe guliserengeta e magombe, ndireetera emiiga egy'omu itaka okulira olwagwo. Ndirekeza emiiga n'ensulo okukuuluula, naaleeta enzikiiza ku nsozi edh'e Lebanoni, era naaleetera emiti egy'omu kibira gyonagyona okukala.

Danieli 5:6

Agho kyabazinga amaiso gaamumyuka, yaatya inho, amagulu gaamudhugumira, n'ebikiryaivu byakontagana.

Yoeli 2:6

Abantu bwe badhirengera nga dhija ye bali, batya inho baasiiwuuka n'okusiiwuuka.

Nahumu 2:2

Kuba Musengwa Katonda aja kwirizaagho Yakobo ekitiibwa kye ekyo nga n'ekitiibwa eky'Abaisiraeli ekyaligho ng'abazigu bakaali kwidha abaanhaga ebintu.

Nahumu 3:7

Boonaboona abanaakubona baidha kwesisighalanga nga bakoba bati, ‘Ee, Nineve nga kyafafaagana! Naani aja okukirumirwa omwoyo? Naani ayenda okugumya abantu baamu.’ ”

Zefania 3:6

Musengwa Katonda akoba ati: “Nzikiriiza amaghanga, naasaaniagho ebimante ebigumu ebyezungulwire ebibuga byago, n'ebituuti ebirengererwaku. Naazisa enguudo dh'omu bibuga ebyo nga ghazira adhibitamu ebibuga ebyo byawolongera nga ghazira muntu abibaamu.

Yoshua 2:11

Bwe twawulira ekintu ekyo twatya inho era twawaamu n'amaani olwaimwe, kuba twidhi nga Musengwa Katonda waimwe, ni Katonda ow'eigulu ghaigulu era ow'ensi ghansi.

Yoshua 7:5

era abasaadha ab'e Ayi abo baabingirira Abaisiraeli okuviira irala ku mulyango okubatuusa a Shebarimu. Abaisiraeli bwe baali nga baserengeta, bale baabaitamu abantu ng'asatu na mukaaga, era baawaamu amaani baatenha.