Nahumu 2:1 - Baibuli Ekibono kya Katonda 2014

¹ Imwe abantu ab'e Nineve, babalumbye. Oyo aja okumenhamenha ekibuga abatuuseeku! Mute abaisirukale ghaigulu ku kimante ekigumu ekyezungulwire ekibuga era mukuume enguudo edh'omu kibuga. Mwesibe mwenhwegule. Mwetegeke okulwana olutalo.

Nahumu 2:1 ပူးပေါင်းရင်းမြစ်များ

2 Ebyomubyanda 25:8

Aye bw'obona ng'abo n'abanaakuleetera okuba ow'amaani mu lutalo, ja nabo. Aye Katonda aidha kukukuba enume y'ekigwo mu maiso g'abazigu bo, kuba Katonda oyo ali n'obuyinza obw'okubeera omuntu n'aghangula, era yaaba n'obw'okumuleka ni bamughangula.”

Zabbuli 50:14

Omusengo gwaimwe ka gubenga okunsiima nze Katonda, era mutuukirizenga bye mweyama eri nze Ali Ghaigulu Yeene.

Zabbuli 65:2

eri iwe akolera abantu ebyo bye bakusaba. Abantu boonaboona baliidha y'oli

Isaia 14:6

abo abaatuntuzanga abantu n'obukambwe aghazira kusalaku, ni bafuganga amaghanga n'ekiruyi, nga bagakiriga akadeeberero.

Isaia 29:7

Agho amaghanga olukunkumuli agalwanisa Arieli ekibuga ky'alutaari ya Katonda, ni galumba ebifo byakyo eby'okwewogomamu era ni gakidaazadaaza, galiwaagho ng'oti kirooto bulooto, ng'oti n'ekintu ole kye yeefaanaaniriiza obwefaanaanirize mu bwire.

Isaia 29:8

Amaghanga ago olukunkumuli ageesoloza okulwanisa Olusozi Sioni, galiba ng'oti n'omuntu endhala y'eruma n'aloota ng'ali kulya, aye n'azuuka ng'ekaamuluma. Oba ng'oti n'ole ali n'endiwo, n'aloota ng'ali kunhwa, aye ate n'azuuka ng'akaali nayo era ng'emukaziiza gha mamiro.”

Isaia 52:7

Nga kisangaaza okubona omukwenda ng'ali kubitira mu nsozi okwidha okuleeta amawulire amalungi, amawulire agalangirira emiraala era agalangirira obulokozi n'obughanguzi! Omukwenda oyo akoba ati: “Katonda waimwe n'afuga!”

Yeremia 25:9

‘Bona, nja kwetesa abantu boonaboona ababa ku luuyi olw'omukono omugooda olw'e buvandhuba, era ndhetese n'omugheereza wange Nebukadinezzari kyabazinga w'e Babilonia. Memale mbaleete balwanise abantu b'omu Buyudaaya, n'ab'omu maghanga goonagoona agaliiraine agho. Nja kuzikiriza nsaaniegho eighanga lino Buyudaaya ghalala n'amaghanga agaliiraine agho, mu nsambo etiisa einho, buli muntu ageesimoozenga bwesimooze era agavumirirenga ebyanda n'ebyanda. Nze Musengwa Katonda, ninze nkobye.

Yeremia 50:23

Ensi Babilonia yakontakontanga amaghanga agandi goonagoona ag'omu nsi, ng'oti nhundo, yaagamaniangula. Aye yoona mperaano bagikonsekonse baagimaniangula. Era amaghanga goonagoona gatiire inho olw'ebyo ebigituuseeku.