Nahumu 1:8 - Baibuli Ekibono kya Katonda 2014

⁸ Aye abazigu be abazikiriza n'omwidhuzo ogw'amaadhi ag'amaani. Abo abamutakania abasindika mu nzikiiza ey'omu magombe.

Nahumu 1:8 ပူးပေါင်းရင်းမြစ်များ

Yobu 30:15

Ebintiisa bindidhira. Ekitiibwa kyange kijiire ng'oti mpewo. Eisuubi ery'okuwona kwange libise ng'oti kire.”

Yobu 40:11

Yolesa obusungu bwo obubitirivu, olingirire buli mwepansi omwise olusisi.

Ensambo 4:19

Aye obulamu obw'abakozi ab'ebibi buli ng'oti nzikiiza egemye bedimudimu; ni bwe bagwa tibamanha na kye beekontoireku.

Isaia 13:10

Emuunienie edha buli nsambo ku igulu dhirirekera agho okwaka, endhuba yaagema enzikiiza ng'eri kuvaayo, n'omwezi gwaloba kwaka.

Isaia 13:9

Bona, olunaku lwa Musengwa Katonda luli kwidha! Ku lunaku olwo aliraga ekiruyi n'obusungu obubitiriire, yaaleka ensi ng'eri bwa bifulukwa byereere era yaasaaniagho abakozi b'ebibi boonaboona mu nsi.

Isaia 28:17

Okukola amazima n'okulifuuka olukoba olupima, ate obutuufu bwaba akagugha akatereeza ekisenge ekizimbibwa.” Kiwunga alimu omugozi alyeyaagho obuguya bwaimwe bwe mwesiga, amaadhi ag'omwidhuzo gaazikiriza ebyo bye mwesiguliraku.

Isaia 28:18

Olwo endagaano yaimwe ye mwakola n'okufa naagimenhagho, n'entegeeragana ye mwataagho ghagati ghaimwe n'amagombe naagisazaamu. Era akabi namuzisa bwe kaliidha, kalibaleka nga kabatenteinetenteine.

Isaia 28:2

Bona, Musengwa Katonda ali n'omuntu we ow'amaani aziramu ntete naire, eyeetegeike okubalumba n'amaani. Omuntu oyo ali ng'oti ni kiwunga namuzisa alimu n'omugozi; ali ng'oti ni kiwunga ow'amaani einho, era ng'oti n'amaadhi ag'omwidhuzo agataalaala ni gaidhula ensi.

Isaia 8:22

oba ni balinga ghansi ku itaka, tibalibona kintu kindi naire, okutoolaku enaku n'enzikiiza etiisa, egemye bedimudimu, era mu yeene eyo mwe balibabingira.

Yeremia 13:16

Mughe Musengwa Katonda waimwe ekitiisa ng'akaali kuleeta nzikiiza ni mwekontola ku nsozi. Era nga n'obutangaavu bwe mwasuubira akaali kubufuula nzikiiza eri bedimudimu.

Yeremia 51:64

Agho waakoba oti, ‘Ensi Babilonia etyo bw'eridimira, era teriinhululwayo kabiri, kuba Musengwa Katonda aja kugizikiriza.’ ” Ebibono bya Yeremia ghano ghe bikoma.

Ezekieli 13:13

“Musengwa Katonda kyava n'akoba ati: Mu busungu obungi ndisindika empewo ey'amaani, naaleetera n'ekire eky'amaadhi ekinene kyayuyika nga kirimu n'amabaale ag'omugozi amakologho, byasaaniagho ekimante ekyo.

Danieli 11:10

“Batabane ba kyabazinga wa Siria oyo balitegeka okulwana olutalo, baasoloza eigye einene einho. Eigye eryo liriidha nga liri kubanda bubande ng'oti n'amaadhi ag'omwidhuzo, lyataalaala mu nsi eyo era lyatuukira irala ni mu kifo kya kyabazinga eky'okwewogomamu.

Danieli 11:22

Alyeyaagho yaazikiriza kiisi muntu yeenayeena aligezaaku okumulwanisa, ni bw'aliba Omukulu wa Bakabona ba Katonda.

Danieli 11:40

“Ekiseera eky'enkomerero eya kyabazinga wa Siria bwe kiriba nga kiri kumpi kutuuka, kyabazinga w'e Misiri alimulumba. Era kyabazinga wa Siria oyo aliziinhuuka okuja okumulwanisa ng'oti n'empewo eyeezungulula n'amaani bw'eidha. Alikozesa ebigaali eby'omu lutalo, n'abalwani ab'oku mbalaasi, n'amaato kamaala. Aliidha n'eigye lye eryo, lyalumba ensi kamaala nga liri kubanda bubande ng'oti n'amaadhi ag'omwidhuzo, era lyataalaalira mu nsi edho.

Danieli 9:26

Ng'emyaka enkaaga n'ebiri emikuzi omusanvu gibiseegho, omukulembeze omulonde wa Katonda aja kwitibwa, aye ng'aziraku musango. Ghalibaagho omufuzi ow'amaani aliidha n'eigye lye, yaazikiriza ekibuga n'eisinzizo. Enkomerero ye eriba ng'oti maadhi ga mwiga ogubanze. Era ghalibaagho olutalo n'okuzikirizibwa.

Amosi 8:8

Olw'ebikolwa ebyo, ensi eritengeeta, n'abantu boonaboona baagemwa enaku ensi erisiikuuka, yeefuukuula ng'oti n'omwiga Kiyira.

Nahumu 1:1

Buno n'obukwenda obwava ye Katonda nga bugema ku kibuga Nineve. Nahumu ow'oku kyalo Elikoshi yafuna okwolekebwa, era bye yabona mu kwolekebwa ni bino ebyaghandiikibwa mu kitabo kino.

Nahumu 2:8

Abantu bali kulumuka okuva mu kibuga Nineve ng'oti n'amaadhi bwe gayoolooka okuva mu kidiba ekyabiike. Omuduumizi ali kukanda kweta ati: “Mwemerere! Mwemerere,” aye nga ghazira akyuka kwira.

Zefania 2:13

Musengwa Katonda aja kukozesa obuyinza bwe azikirize abantu ab'e Assiria abali ku luuyi olw'omukono omugooda olw'e buvandhuba. Aja kuzikiriza ekibuga Nineve kisigale nga kyanhe bwanhe, era nga kikalu ng'oti irungu lyene.

Matayo 7:27

Amaadhi gaagwa, mukoka yayoolooka, kiwunga yaakunta, byakuba endhu eyo era yaagwa, yaamenhekeragho irala.”

Matayo 8:12

aye abaana ab'omu Bwakyabazinga balibingirwa ku luya mu kizikiiza, omuliba okugegenga n'okuluma emba olw'obulumi obubitirivu.”

1 Samueli 2:9

Aidha kukuumanga ebigere by'abo abeesigwa y'ali, aye ababi aidha kubaleeteranga okufiira mu nzikiiza; kuba omuntu taghangula lwa maani g'ali nago.