Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Nahumu 1:5 - Baibuli Ekibono kya Katonda 2014

5 Musengwa Katonda gh'aba, musisi atengeesa ensozi enene, obusozi obutono bwasaanuuka, ensi yoonayoona yeesunda, n'abantu baamu boonaboona baadhugumira.

အခန်းကိုကြည့်ပါ။ ကော်ပီ




Nahumu 1:5
34 ပူးပေါင်းရင်းမြစ်များ  

Olwo ensi yaayuuga, yeesunda, emisingi egy'eigulu gyatengeeta era gyadhugumira; kuba agho Musengwa Katonda yali asungughaire.


Empagi dh'eigulu dhitengera era dhaadhugumira, Katonda bw'atiisaamu obutiise okudhisaaniagho.


Asiguukulula ensozi ng'azira y'akobeireku, yaadhisaaniagho mu busungu bwe.


Oyo alinga bulinge ku nsi yaadhugumira, ate yaagema bugeme ku nsozi dhaanioka omwosi.


Ensozi enene dheezinduka, dhaatuumaga ng'oti ntaama nume; obusozi obutono bwona bwezinduka, bwatuumatuuma ng'oti ntaama nto.


n'imwe ensozi enene okwezinduka, ni mutuumaga ng'oti ntaama nume, era n'imwe obusozi obutono mwena okwezinduka ni mutuumatuuma ng'oti ntaama nto?


Olwo ensi yaayuuga yeesunda, emisingi egy'ensozi gyatengeeta era gyadhugumira; kuba agho Musengwa Katonda yali asungughaire.


Omwosi gwamuva mu nhindo, ate enimi edh'omuliro n'amanda agaaka, byamuva mu kanwa.


Katonda bw'aboigoka, abamaghanga baidhamu okutya okw'amaani, obwakyabazinga bwatengeesebwa n'ensi yoonayoona yaatengera.


ensi yatengeeta, eigulu lyayugha amaadhi, olusozi Sinai lwadhugumira olw'okwidha kwo, iwe Katonda wa Isiraeli.


Enhandha k'ewolome n'ebirimu byonabyona olw'eisanhu; n'ensi eyembe n'ebigiriku byonabyona.


Olusozi Sinai lwaidhula omwosi, kuba Musengwa Katonda yalwikaku ng'ali mu muliro. Era omwosi ogwaluvangaku okuja ghaigulu nga guli ng'oti n'oguva mu kifo aghookerwa ebiwumbe olusozi lwonalwona lwatengeeta bubi inho.


Bona, Musengwa Katonda alyonoonayonoona ensi eno yaagireka ng'eri bw'agho etyo aligifunhafunha yaaleetera abagibaamu okusansaana.


Ensi eritagala ng'oti mutamiivu, yaayuuzibwayuuzibwa ng'oti ntindi. Ebibi byayo bigizitooghereire byagigwisa, era teja kwirayo kusituka.


Obusungu bwa Musengwa Katonda butumbukiire ku bantu be ng'oti muliro, era agalwire omukono gwe okubabonereza. Ensozi dhiidha kutengeeta, n'emirambo gy'abo abaitiibwa gisigale agho mu nguudo dh'ebibuga ng'oti bikaba. Aye waire ng'ebyo bimaze okubaagho, obusungu bwe bwidha kusigala nga bukaaligho. Era asigale ng'akaasitwire omukono gwe okubabonereza.


Aye iwe Musengwa Katonda, niiwe Katonda mwenemwene, niiwe Katonda omulamu era kyabazinga ow'ebyanda n'ebyanda. Bw'osungughala ensi etengeeta, era amaghanga goonagoona tigasobola kugumira kiruyi kyo.


Nalingirira ensozi, naabona nga dhiri kutengeeta, n'obusozi bwonabwona nga buli kwewuubira eno n'ere.


Ebyenhandha mu maadhi, enhonhi edhiguluka, ensolo edh'omu nsiko, ebyeghaluliza ku itaka byonabyona, n'abantu boonaboona ku nsi, biritengera olw'okuntya nga ntuuse. Ensozi dhirisuulibwa ghansi, ebifo ebiri mu biiko byagwa, n'ebimante ebyezungulwire ebibuga byamenhekamenheka.


Bwe dhiba dhiidha, ensi yeesunda n'eigulu lyatengeeta. Endhuba n'omwezi biirugala, n'emuunienie dhaalekera okwaka.


Musengwa Katonda afuga amagye agema ku nsi, ensi yaatengeeta n'abantu boonaboona baagemwa enaku. Ensi esiikuuka yeefuukuula ng'oti n'omwiga Kiyira.


Buli lusozi lw'alitangaku ekigere nga lusaanuuka ng'oti muzigo bagutaire ku muliro. Era nga luyuyika mu kiiko ng'oti maadhi gayuyika kuva ku lusozi.


Ensozi dhaakubona dhaatengeeta; amaadhi ag'amaani gaayuyika. Amaadhi ag'enhandha gawolomboka era geefuukuula inho.


Ebizibu ebiri ng'oti nsozi ndeeyiriri birivaagho ghaaba ng'oti museetwe. Oliiramu okuzimba obuyaaka eisinzizo, era bw'oliba otaaku eibaale erisembayo, abantu balyasiikana bati, ‘Liboneka bulungi, obulungi bwenebwene!’ ”


Musengwa Katonda Afuga Amagye akoba ati: “Olunaku luli kwidha abo abeetwala okuba aba ghaigulu n'abakozi ab'ebibi, lwe baliya ng'oti isubi ikalu. Ku lunaku olwo baliya ensaga n'emizi, okutuuka okuweekereragho.


Agho olusuubo olw'omu isinzizo lwakanukamu ghabiri, okuva ghaigulu okutuuka ghansi ensi yeesuukunda, embaale dhaayatika.


Ghaabaagho musisi ow'amaani kuba malaika wa Musengwa yaikirira okuva mu igulu, yaidha yaagalangula eibaale yaalitoolagho yaalityamaku.


Agho naabona ekityamo eky'obwakyabazinga ekikologho, nga kyeru, era nga kiriku akityaimeku. Eigulu n'ensi byabulagho mu maiso ge obutairayo kubonekaku.


Eigulu lyazingibwaku ng'enzingo ey'ekitabo bwezingibwaku, lyavaagho kiisi lusozi na kiisi kizinga byatoolebwa mu bifo byabyo.


Musisi yatengeesa ensozi mu maiso ga Musengwa Katonda ow'e Sinai, Musengwa Katonda oyo Katonda owa Isiraeli.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ