Nahumu 1:2 - Baibuli Ekibono kya Katonda 2014

² Musengwa Katonda wa nkikidi, tayenda bantu be kusinza bakatonda bandi. Abatakola nga bw'ayenda ababonereza; abamutakania abasungughalira era yaabasasulamu ebibonerezo ebikakali.

Nahumu 1:2 ပူးပေါင်းရင်းမြစ်များ

Yobu 20:23

Omubi aliba ng'akaali kulya kwiguta, Katonda yaamumaliraku obusungu obubitirivu, bwamufuukira emere.

Zabbuli 94:1

Wo Musengwa Katonda, niiwe Katonda abonereza nga weesasuuza, idha oyoleke obusungu bwo.

Okuvaayo 20:5

Ebintu ebyo mutabisinzanga, kuba nze Musengwa Katonda waimwe ndi wa nkikidi ku bantu bange. Abo abankyagha mbabonereza, era naabonereza n'abaana baibwe, n'abaidhukulu, okutuukira irala ku luse olwokusatu n'olwokuna.

Okuvaayo 34:14

Mutasinzanga katonda yeenayeena, kuba nze Musengwa Katonda, ayetebwa ‘Nkikidi’, bwenebwene ndi wa nkikidi.

Okuvaayo 34:7

Ninze ayoleka enkumi n'enkumi edh'abantu okugonza kwange okwo okutakoma. Era mbasonigha olw'okukola ebibi, n'olw'obudheemu, n'olw'empwitu. Aye tiroba kubonereza baana na baidhukulu lwa bibi bya bazaire baibwe, mu nse dhoonadhoona okutuuka ku lwokusatu ni ku lwokuna.”

Isaia 42:13

Musengwa Katonda avaayo, yaaja okulumba ng'omulwani ow'amaani. Ayoleka obukambwe ng'omwisirukale, yaakaabuka ng'ataireku n'enduulu edh'omu lutalo, yaayolesa amaani amabitirivu ag'okulwanisa abazigu be.

Isaia 51:17

Situka, situka iwe Yerusalemu, situkiramu mangu oyemerere! Situka iwe owanhwa ekikopo eky'obusungu bwa Musengwa Katonda obungi, mwene kye yakugha okunhwa, n'okimaliramu irala era ni kikuleetera okutagala.

Isaia 51:20

Abantu bo baziriike bali agho beegolomoire mu maagaanana aga buli luguudo. Bali ng'oti mpongo egwire mu lutuula lw'omuyiizi. Musengwa Katonda abanoziiza n'obusungu bwe, Katonda oyo abakangaiviire n'amaani.

Isaia 66:15

Bona, Musengwa Katonda aliidhira mu muliro ng'ali n'ebigaali eby'omu lutalo ebiziinhuuka ng'oti kiwunga, ng'aidha okwolesa obusungu bwe obubitirivu, n'okubonereza ng'akozesa enimi edh'omuliro.

Yeremia 25:15

Agho Musengwa Katonda, Katonda wa Isiraeli yankoba ati: “Toola ekikopo kye ngemye mu ngalo dhange eky'omwenge ogw'emizabbibu ogw'obusungu bwange. Okitwale okighe amaghanga goonagoona ye nnaakutuma, bakinhweku.

Yeremia 28:8

Abalanzi abaayogera eira, nga iwe ninze tukaali, baakoba entalo, n'endhala, n'endwaire ya kawumpuli, ebyali eby'okwidha biite abantu mu maghanga kamaala ni mu bwakyabazinga obw'amaani.

Yeremia 3:5

Memale oja kutusungughalira byanda na byanda? Ekiruyi kyo tikija kuwaagho naire?’ Mutyo bwe mukoba, aye mwaja bwa mu maiso n'okukola ebibi nga bwe musobola.”

Yeremia 36:7

Oba katyo balitoolera okusabanga Musengwa Katonda, era baakyuka baaleka empisa dhaibwe embi, kuba Musengwa Katonda yeesoomeire okukola ku bantu abo mu busungu n'ekiruyi ebitaloodheka.”

Yeremia 4:4

Mukuume endagaano ye mwakola ninze, nze Musengwa Katonda, era mwegheeyo ye ndi, imwe abantu b'omu Buyudaaya n'ab'omu Yerusalemu, ekiruyi kyange kirobe kutumbuka ng'oti n'omuliro omuntu gw'atasobola kuzikiza, olw'ebibi bye mwakola.”

Yeremia 50:15

Mwasiikanire ku ndhuyi dh'ekibuga ekyo dhoonadhoona nga mukirwanisa. Abantu baakyo bamaze okweghaayo mu ngalo edh'abazigu baibwe. Ekimante kyakyo ekigumu ekikyezungulwire bakiwomoirewomoire era baakimenhagho. Nze Musengwa Katonda ndi kwesasuuliza ku Bababilonia. Kale ni, imwe mubeesasulizeeku era mubabise nga beene bwe baabisanga abandi.

Okulira 4:11

Musengwa Katonda yadhuuna obutalekamu, era obusungu bwe bwayaka ng'oti muliro yaateera oluyiira olwayokya Sioni okutuukira irala ku misingi gyakyo.

Ezekieli 36:6

“Agho ni langa ebigema ku nsi Isiraeli, era okobere ensozi, n'obusozi, n'obwinhamo, n'ebiiko, oti nze Musengwa Katonda ndi kwogeza obusungu bubitirivu olw'enkikidi ye ndi nayo ku lwabyo, kuba byavumibwa amaghanga.

Ezekieli 38:18

Musengwa Katonda akoba ati: “Ku lunaku olwo Gogi lw'alirumbiraku ensi Isiraeli, ekiruyi kija kunsituka.

Ezekieli 38:19

Ndi kwogeza enkikidi endiku olw'abantu bange, n'obusungu obundiku obuli kutumbuka ng'oti muliro, era ndi kulangirira nti ku lunaku olwo ghalibaagho musisi ow'amaani mu nsi Isiraeli.

Ezekieli 39:25

Agho ni, Musengwa Katonda kyava ali kukoba ati: “Aye mpegaano nja kuleetera baidhukulu ba Yakobo ebintu okwiramu okubajiiranga obukalamu, ngemerwe ekivunika eighanga lyonalyona Isiraeli, era nkuume n'ekitiisa ky'eriina lyange eitukuvu.

Ezekieli 5:13

“Obusungu bwange butyo bwe bulibaidhira. Ndibamaliraku ekiruyi kyange, memale naasiima. Era bwendimala okubamaliraku ekiruyi kyange, olwo mulimanha nga nze Musengwa Katonda, ninze ndhogeiza enkikidi imwe abantu bange ye mwandeetera okuba nayo olw'obutaba beesigwa ye ndi.

Ezekieli 6:12

Abo abali eghala baja kufa endwaire ya kawumpuli abo abali okumpi bafiire mu lutalo ate abo abaliwonagho balambuke endhala bafe. Ntyo bwe ndibamaliraku ekiruyi kyange.

Ezekieli 8:18

Kale ni ndibakolaku n'ekiruyi ekindiku. Tirisaasiraku naire omulala ati oba okumugemerwa ekivunika. Era ni bwe balinsaba nga baleekaanira ghaigulu, tija kubawulira naire.”

Yoeli 2:18

Agho Musengwa Katonda yaalumirwa ensi ye, era yaasaasira abantu be.

Abalevi 26:28

zeena ndibeefuulaku mu busungu naayongera okubabonereza emikuzi musanvu okusingagho olw'ebibi byaimwe.

Mika 5:15

Olw'obusungu n'ekiruyi bye ndi nabyo, ndibonereza amaghanga agatangondera.”

Mika 7:18

Ezirayo katonda ali ng'oti niiwe, Musengwa Katonda. Osonigha ebibi eby'abantu bo abawoniegho. Tosungughala bujiiririire, aye osangaala okutwoleka okugonza kwo okutakoma.

Zekaria 1:14

Malaika oyo yankoba nangirire Musengwa Katonda Afuga Amagye bye yakoba ati: “Enkikidi engema inho olw'okugonza kwange okungi eri Yerusalemu ni Sioni.

Zekaria 8:2

“Nze Musengwa Katonda Afuga Amagye enkikidi engema ku lw'ekibuga Yerusalemu, kuba ngonza inho abantu baakyo. Era okugonza kwe ndi nakwo okunene okwo kundeetera okusungughalira abazigu baibwe.

Okubala 25:11

“Finehasi mutabane wa Eleazari era nga mwidhukulu wa Aaroni kabona, alekeiza obusungu bwange okuba ku Baisiraeli. Agemeibwa enkikidi eyange ye ndi nayo ku bantu bange abo Abaisiraeli, yaaloba kuguminkirizaaku waire omulala ku bo, okusinza katonda atali nze. Kye nviire ni ntabazikiriza mu busungu bwange.

Ab'e Roma 12:19

Aboluganda, muteesasuulizanga ku muntu. Muleke Katonda mwene yeesasuuzenga, kuba kyaghandiikibwa kiti: “Okulwana enzigu kwange; ndyesasuuza, Musengwa atyo bw'akoba.”

Ab'e Roma 13:4

kuba oyo mugheereza wa Katonda olw'okukugasa iwe. Aye bw'okola ebibi, mutye, kuba obufuzi bwe ti bwa busa, mugheereza wa Katonda era abonereza abo abakola ebibi.

Amateeka Agokubiri 4:24

kuba Musengwa Katonda waimwe ali ng'oti muliro oguzikiriza buli kiri mu ngira yaagwo, era enkikidi emugema ku lw'abantu be.

Amateeka Agokubiri 7:10

Aye abamukyagha alibeesasuuza ng'abazikiriza. Talirwagho naire kubonereza muntu amukyagha.

Abaheburayi 10:30

Kuba twidhi oyo eyakoba ati: “Okulwana enzigu kwange, ndyesasuuza.” Era ati: “Musengwa alisalira abantu be omusango.”

Yoshua 24:19

Aye Yoshua yaakoba abantu ati: “Timusobola kugheereza Musengwa Katonda, kuba oyo ni Katonda omutukuvu era Katonda ow'enkikidi. Taja kubasonigha kwonoona kwaimwe oba ebibi bye mukola.

2 Petero 2:9

Ebyo biraga nga Katonda aidhi okutoola abamutya mu buzibu, era n'okukuumira ababi mu kubonerezebwa okutuusa ku lunaku olw'okusalirwaku omusango.