Nahumu 1:14 - Baibuli Ekibono kya Katonda 2014

¹⁴ Kino Musengwa Katonda ky'alagiire ekigema ku imwe Abassiria ati: “Eriina lyaimwe lija kwerabirwa, kuba tija kubaganha kufuna baidhukulu. Nja kuzikiriza ebifaananie eby'emisambwa gyaimwe ebyabaadhibwa, n'ebyo ebyakolebwa mu kyuma ekisaanuusiibwa ebiri mu masabo. Ndidha kubasimira amagombe, kuba timugwaine kuba ku nsi nga muli balamu.”

Nahumu 1:14 ပူးပေါင်းရင်းမြစ်များ

2 Bakyabazinga 19:37

Lwali lulala bweyali mu isabo ng'ali kusinza omusambwa gwe Nisiroki, batabane be Adurammeleki ni Sharezeri baamwita n'empiima, baamala baalumukira mu nsi y'e Ararati. Agho mutabane we owundi Esarahaddoni yaamusikira ku bwakyabazinga.

2 Ebyomubyanda 32:21

Musengwa Katonda yaatuma malaika, yaita okumaliragho irala abaisirukale boonaboona ab'amaani abaziramu ntete, n'abaduumizi, n'abakulu b'eigye, abaali mu kifo kyabazinga w'e Assiria mwe yasimba weema dhe. Agho kyabazinga w'e Assiria yairayo mu nsi ye nga yeenayeena ensoni dhimugemye. Lwali lulala ng'ali mu isabo lya katonda ye yasinzanga, abandi ku batabane be baamufumita empiima yaafa.

Yobu 18:17

Balimwerabirira irala ku nsi, ghaabulagho amwidhukira naire.

Zabbuli 109:13

Abaana be n'abaidhukulu bagwananga baawaagho, ghaabula ow'oluse olwidha amwidhukira naire.

Zabbuli 71:3

Nfuukira olubaale olw'okwewogomamu, era ombeere ekimante ekigumu ekineezungulwire eky'okumponia; kuba oli ng'oti lubaale era ng'oti kimante kigumu mwe neewogoma.

Okuvaayo 12:12

kuba obwire obwo ndidha kubita mu Misiri nje nga ndhita abaana abalenzi ababeri boonaboona Abamisiri. Era ndhite n'ensolo dhaibwe enume dhoonadhoona edhaazaalibwa mu nzaalo edhisooka. Era ndidha kubonereza emisambwa egy'omu Misiri gyonagyona. Ninze Musengwa Katonda.

Ensambo 10:7

Omuntu omutuufu aidhukirwa nga wa nkabi, aye eriina ery'omubi lyerabirirwa irala.

Isaia 19:1

Buno n'obukwenda obugema ku Misiri. Bona, Musengwa Katonda atyaime ku kire ekirumuka embiro, ali kukivuga ng'aja e Misiri. Ebisinzibwa ebitali Katonda eby'e Misiri bija kudhugumira mu maiso ge, n'Abamisiri emyoyo gija kubatekemuka.

Isaia 33:13

Imwe mwenamwena ab'okumpi n'ab'eghala, muwulire bye nkoze, mukakase nga ndi n'obuyinza.”

Yeremia 50:2

“Langirira amawulire gano ogakobere amaghanga! Ghanika bendera osansaanie amawulire gano! Otagakweka ng'oti kyama! Aye koba bukobe oti, ‘Babiloni bakigemye! Omusambwa gwakyo Merodaki baguswaziiza, baaguleetera okutya einho. Ebifaananie by'ekibuga ekyo baabimenhiemenhie, n'ebisinzibwa byakyo ebitali Katonda baabizikiriza!’

Danieli 11:21

Agho malaika yaayongera okwinhonhola ati: “Kyabazinga wa Siria aliiragho mu kifo ky'oyo, aliba muntu anhoomebwa era atagwanira kuba kyabazinga naire. Alirebereza abantu, yaabalimbalimba, yaabaikirizisa nga tibaidhi, baaja okweidhuukiriza ng'afuuse kyabazinga.

Danieli 5:27

‘OKUPIMA,’ Katonda akupimye ku minzaani, yaabona ng'oli muwewere inho, okaabulaku.

Abalevi 26:30

Ndidha kuzikiriza ebifo byaimwe ebigulumivu bye musinzizaamu emisambwa, era mmenheregho irala alutaari dhe muniokezaaku obubbaani olw'emisambwa egyo, n'emirambo gyaimwe ngisuule ku bifaananie eby'emisambwa egyo gye musinza. Mu busungu obungi

Mika 5:13

Ndizikiriza ebintu bye musinza ebitali Katonda n'empango edh'amabaale dhe musinza, era naabalobera okusinza ebintu bye mwekoleire n'engalo dhaimwe beene.

Mika 5:14

Ndiiwululagho ebifaananie eby'omusambwa omukazi ogwetebwa Ashera era naazikiriza n'ebibuga byaimwe.

Habakkuku 2:10

Ebyo bye muyiiya bireeteire ab'endhu dhaimwe abo okuswala. Era olw'okuba muzikiriiza amaghanga kamaala, kibaleeteire imwe beene okweitaitana.

1 Samueli 3:13

Era nakobera Eli oyo nti nja kubonereza ab'endhu ye ebyanda n'ebyanda, olw'ebibi bye yamanha obukalamu kuba batabane be baavuma Katonda aye yaaloba kubaloberanga.