Nahumu 1:12 - Baibuli Ekibono kya Katonda 2014

¹² Aye Musengwa Katonda akoba ati: “Abantu bange Abaisiraeli, waire nga Abassiria bali kamaala batyo era nga ba maani inho, nja kubazikiriza baweegho. Imwe waire nabatuusa ku kudaazibwadaazibwa, tija kwirayo kubaganha kudaagadaaga.

Nahumu 1:12 ပူးပေါင်းရင်းမြစ်များ

2 Bakyabazinga 19:35

Agho obwire obwo, malaika wa Musengwa Katonda yaaja mu kifo Abassiria ghe baasimba weema dhaibwe, yaita abantu emitwalo ikumi na munaana n'enkumi itaanu (185,000). Abantu bwe baazuuka ku nkyo, baaja okulinga bati ng'abo boonaboona mirambo!

2 Bakyabazinga 19:37

Lwali lulala bweyali mu isabo ng'ali kusinza omusambwa gwe Nisiroki, batabane be Adurammeleki ni Sharezeri baamwita n'empiima, baamala baalumukira mu nsi y'e Ararati. Agho mutabane we owundi Esarahaddoni yaamusikira ku bwakyabazinga.

Okuvaayo 12:12

kuba obwire obwo ndidha kubita mu Misiri nje nga ndhita abaana abalenzi ababeri boonaboona Abamisiri. Era ndhite n'ensolo dhaibwe enume dhoonadhoona edhaazaalibwa mu nzaalo edhisooka. Era ndidha kubonereza emisambwa egy'omu Misiri gyonagyona. Ninze Musengwa Katonda.

Isaia 10:16

Kale ni, Musengwa Katonda Afuga Amagye alisindika obulwaire bwagoogombya abalwani ba kyabazinga w'Assiria abageedhu obukalamu, yaabaleetera okukyemuka mu mibiri ng'oti bwa muliro.

Isaia 17:14

Eigulo balireetagho okutya okungi, aye bulija okukya enkyo nga babuzeegho. Ebyo n'ebituuka ku abo abatutoolaku ebyaife, era ogwo n'omugabo gw'abo abanhagulula ensi yaife.

Isaia 30:19

Imwe abantu ababa mu Yerusalemu, timukairamu kabiri kulira maziga. Oluliba okulira muti, nga Musengwa Katonda abagemerwa kivunika ng'awuliire okulira kwaimwe, ng'abagha kye mumusabye.

Isaia 31:8

Abassiria baliitibwa inho mu lutalo, aye nga bantu ti n'ababaita. Abassiria abo balirumuka olutalo, era abaisuka baibwe balifuulibwa bairu.

Isaia 37:36

Agho obwire obwo, malaika wa Musengwa Katonda yaaja mu kifo Abassiria ghe baasimba weema dhaibwe, yaita abantu emitwalo ikumi na munaana n'enkumi itaanu (185,000). Abantu bwe baazuuka ku nkyo, baaja okulinga bati ng'abo boonaboona mirambo!

Isaia 51:22

Musengwa Katonda oyo alwanirira abantu be akoba ati: “Mubone, mbatoire mu ngalo ekikopo eky'obusungu bwange obungi timukairamu kukinhwa kubaleetera kutagala.

Isaia 7:20

“Olunaku olwo bwe lulituuka, Musengwa Katonda alibasala enviiri n'akamwano k'alipangisa okuva ere ng'osomoike omwiga Eufurate oyo nga ni kyabazinga w'e Assiria. Alibasalaku enviiri ku mitwe, n'ebirevu, n'obuviiri obw'oku mibiri gyaimwe.

Isaia 8:8

Galyeyongera okukuuluulira mu Buyudaaya, gaidhulamu mwonamwona okutuuka ni mu nkoto, gaidhuza n'ensi yoonayoona y'ekoma.” Katonda aba ghalala n'ife.

Danieli 11:10

“Batabane ba kyabazinga wa Siria oyo balitegeka okulwana olutalo, baasoloza eigye einene einho. Eigye eryo liriidha nga liri kubanda bubande ng'oti n'amaadhi ag'omwidhuzo, lyataalaala mu nsi eyo era lyatuukira irala ni mu kifo kya kyabazinga eky'okwewogomamu.

Yoeli 2:19

Yairamu abantu be ati: “Bona eno, ndidha kubagha engaano, n'omwenge ogw'emizabbibu, n'omuzigo ogw'ebibala eby'emiti emyoliva, ebiidha okubaigusa. Era tikaabaleka kuba kivumo eri bamaghanga gandi.

Nahumu 1:15

Abantu ab'e Buyudaaya mubone eno! Omukwenda ali kwidhira ku nsozi ng'aleeta amawulire amalungi era ng'alangirira emiraala. Buti ni mukole ekibinuko era mutuukirize bye mweyama ye Musengwa Katonda kuba ababi abo tibaja kwirayo kabiri kulumba nsi yaimwe. Bazikiriziibwa baawaagho.

Okwolekebwa 7:16

“Tibaliirayo kulumwa ndhala oba ndiwo. Endhuba teribookya waire olwota okubagema.