Nahumu 1:10 - Baibuli Ekibono kya Katonda 2014

¹⁰ Waire muli ng'oti n'amawa amakaadaanie, era mwaba ng'oti n'abanhwi b'omwenge abatamiire, muja kusaanagho ng'eisubi eikalu bwe limamuka n'omuliro.

Nahumu 1:10 ပူးပေါင်းရင်းမြစ်များ

2 Samueli 13:28

Agho Abusalomu yaalagira abagheereza be ati: “Mugenderere Amunoni gh'anaabeera ng'atamiire omwenge, nze ndidha kubalagira nti, ‘Mumufumite’, ng'olwo mumwita. Mutatya, kuba ninze naaba mbalagiire. Mugume emyoyo, mutabaamu ntete naire.”

Zabbuli 118:12

Baaneebungaku ng'oti muzinga gwa ndhuki, aye baazikira mangu ng'oti muliro gwa isandha, olw'amaani ga Musengwa Katonda boonaboona naabamulungula.

Zabbuli 68:2

Ng'empewo bw'efuuwa omwosi ni guvaagho, weena otyo bw'obe obafuumuule embiro baje. Ng'omuzigo bwe gusaanuuka nga guli gha muliro, n'ababi boona batyo bwe babe bazikirire, baweegho mu maiso ga Katonda.

Okuvaayo 15:7

Ng'oli mu kitiisa kyo eky'obwakyabazinga oghangula abazigu bo; obasindikira ekiruyi kyo kyabamamula ng'oti n'omuliro bwe gumamula eisubi eikalu.

Okuvaayo 5:12

Kale abantu baasaatuukira mu biketezo byonabyona ebya Misiri nga baagala eisubi.

Isaia 27:4

Mpegaano ndekeire agho okusungughalira eisamba eryo. Nguli gabaire mawa na nkandwa nga bye ndi n'okulwanisa, nandibibunziiza byonabyona, naabyokera ghalala.

Isaia 47:14

Bona eno, abo baliba ng'oti isubi ikalu, omuliro gwabookya okubasaaniagho. Tibalisobola kwewonia kubbeibbera kwa muliro gwa maani gutyo. Tiguliba gwa kisuusu abantu gwe batyama agho ni boota.

Isaia 5:24

Kale ni ng'omuliro bwe gumamula ebikaba, n'eisubi eikalu ni liya okuweekereragho, boona ebyo bye beesiga bwe birivunda, n'ebyo bye bakola byafuumuuka ng'oti nkungu; kuba baaloba amateeka ga Musengwa Katonda Afuga Amagye, baanhooma ekiragiro eky'Omutukuvu wa Isiraeli.

Isaia 56:12

Bakobagana bati, ‘Mwidhe tufuneyo ku mwenge ogw'emizabbibu tunhweku. Ka twerenge ebitamiiza, n'olwaidho lwona lwidha kuba ng'oti n'olwaleero, era n'okulusingaku.’ ”

Isaia 9:18

Ebyonoono by'abantu byokya ng'oti muliro, ogusaaniagho enkandwa n'amawa; ni gumamula ebibira, ni guvaamu ebire eby'omwosi ebiri ng'oti mpango, era ni gunioka nga guja ghaigulu.

Yeremia 51:39

Nga bwe bali n'amairu, ndibategekera embaga, naabatamiiza baasangaala. Memale baaja baatenduka endoolo, aye baaloba kwiramu kuzuuka.

Yeremia 51:57

Nditamiiza abakungu baakyo, n'abantu baakyo abagezi, n'abafuzi baakyo, n'abaduumizi baakyo ab'amagye, n'abalwani baakyo ab'amaani. Balitenduka endoolo aye baaloba kwiramu kuzuuka. Nze Kyabazinga, Musengwa Afuga Amagye, ninze nkobye.

Mika 7:4

N'omuntu oyo atwalibwa okuba nga n'abasingamu obulungi n'obwesigwa, yeena muzira makulu ng'oti n'eisubi erizira muganhulo. Aye ekiseera kituuse Katonda ababonereze, nga bwe yabalabula ng'abita mu balanzi, abantu baibwe, ababalengeza ku bija okubaagho. Buti basobeirwa!

Nahumu 3:11

Nineve, weena oja kuba ng'oti n'omutamiivu ali kutagala. Olyagala agh'okulumukira owone abazigu, aye nga ghazira.

Malaki 4:1

Musengwa Katonda Afuga Amagye akoba ati: “Olunaku luli kwidha abo abeetwala okuba aba ghaigulu n'abakozi ab'ebibi, lwe baliya ng'oti isubi ikalu. Ku lunaku olwo baliya ensaga n'emizi, okutuuka okuweekereragho.

1 Samueli 25:36

Abigaili yairayo ye Nabali, yaamwagaana ng'afumbye embaga ey'amaani mu ndhu ye embaga eyo ng'eri ng'oti ya kyabazinga. Yali atamiire inho era nga musangaavu inho. Kale Abigaili yaaloba kumukobera kintu kyonakyona okutuusa bwe bwakya enkyo.