Mika 7:6 - Baibuli Ekibono kya Katonda 2014

⁶ Kuba abalenzi banhooma balata baibwe, abaghala baasitukira mu bainhaibwe, bakaabaana baasoola ni bainhazaala baibwe, abazigu ab'omuntu baava mu bantu be beene b'aba nabo mu ndhu endala.

Mika 7:6 ပူးပေါင်းရင်းမြစ်များ

Amainhama 49:4

Oli ng'oti n'amaadhi agali kwefuukuula. Aye toliba mukologho kusinga baino, kuba waba ni mukazi wange ow'embali waayonoona obuliri bwange.

2 Samueli 16:11

Agho Daudi yaakoba Abishai oyo n'abagheereza be boonaboona ati: “Bona eno, ate oba mutabane wange mwene ayenda kundhita, me kitasi Omubenjamini oyo! Mumuleke avume, kuba Musengwa Katonda n'amulagiire.

Zabbuli 41:9

Ni mukagwa wange mwene ow'omukago ye nali neesiga era ye nalyanga naye, yeena aneefuuliire.

Ensambo 30:11

Ghaligho abantu abakolimira baiseibwe, era abatasabira bainhaibwe nkabi.

Ensambo 30:17

Amaiso g'oyo anhooma ise oba ag'oyo atagondera inhina, galimodhebwamu amakoova ag'omu nsiko, era gaaliibwa ensega.

Isaia 3:5

Abantu balituntuza bantu banaibwe, buli muntu yaakiriga mwine era yaanhigiriza muliraanwa we. Abato balinhooma abakulu, n'abantu abazira kye bagasa baanhooma ab'ebitiibwa.

Isaia 9:19

Olw'ekiruyi Musengwa Katonda Afuga Amagye ky'ali nakyo, ensi ekunaine omuliro, abantu baaba ng'oti n'enku dhe guli kwokya, ghaabulagho omuntu waire omulala ati asaasiraku muganda we n'aloba kumukola kabi.

Yeremia 12:6

Abantu bo beene b'oba nabo aghalala n'ab'ekika kyo, baakuliiremu olukwe. Beeyimbye n'abo abakukiriga. Otabeesiganga ni bweboogera ebiwooma bitya.”

Yeremia 20:10

Mpulira nga boonaboona boogera obwama bati: “Entiisa egemye buli ghantu. Ka tumwogereku bubi, tumuseeghe mu b'obuyinza!” Bakagwa bange beene n'abakoba batyo, nga baguniriire okubona bwe ngwa. Era nga bakoba bati: “Oba katyo tunaamusalira amagezi twamugemya, olwo twamwesasulizaaku.”

Yeremia 9:4

Kale ni omuntu yeekuumenga mwine, era alobenga kwesiga muganda we; kuba muganda wo akwefuulaku, ate era buli muntu ayogera ku baine ebibi.

Ezekieli 22:7

Abazaire mu iwe batwalibwa ng'ekitagasa, ebintu by'abasenze byakupankupanizibwa, banamwandu ni bamulekwa baatulugunhizibwa.

Obadia 1:7

Abairuukirize bo boonaboona baidha kukulyamu olukwe, bakusindiikirize bakubinge mu nsi yo. Abantu abakuziraku mpalana baidha kukwefuukira era bakughangule. Abo be weesiganga einho baidha kukutega olutuula ogwe, era bamale bakugeye bati: ‘Yeeyetanga mugezi inho, memale amagezi ge gajiire gha?’

Matayo 10:21

“Omuntu alighaayo muganda we okwitibwa ate omuzaire yaaghaayo omwana we, n'abaana balidheemera abazaire era baabaita.

Matayo 26:23

Yesu yaabairamu ati: “Oyo akoza ninze mu kibya, oyo n'aidha okumpaayo.

Luka 12:53

Ghalibaagho obutaisania: Lata w'omwana taliisania ni mutabane, n'omwana taliisania n'ise inhina w'omulenzi taliisania ni muka mutabane, n'omughala taliisania n'inhazaala we.”

Luka 21:16

Era muligheebwayo abazaire baimwe, baganda baimwe, ab'ekika kyaimwe, mikwano gyaimwe, era baliita abandi ku imwe.

Yoanne 13:18

“Aye tiri kwogera ku imwe mwenamwena, ndidhi abo be nalonda. Aye Ebyaghandiikibwa biri n'okutuukirira, ebikoba biti, ‘Omuntu mwene alya ku mugaati gwange n'anfuukiire omuzigu.’